Bacha, ‘Chesehelang ho Etsa Mesebetsi e Metle’

Lengolong leo Pauluse a le ngolletseng Tite, o ile a re banna ba bacha ho akarelletsa le Tite, e lokela ho ba ‘mehlala ea mesebetsi e metle linthong tsohle.’ (Tit 2:​6,  7) Hamorao khaolong e tšoanang, o ile a bontša hore batho ba Jehova ba hloekisitsoe e le hore ba ka ‘chesehela mesebetsi e metle.’ (Tit 2:​14) O mong oa mesebetsi ena e metle ke ho bolella batho ka ’Muso oa Molimo. Haeba u ntse le mocha, u ka sebelisa matla a hao a bocha ho sebeletsa u le pula-maliboho e thusang kapa ea kamehla.​—Lipr 20:29

Haeba u ka rata ho sebeletsa u le pula-maliboho, etsa lintho tse tla u nolofalletsa hore u be eona. (Lu 14:​28-30) Ka mohlala, ke’ng eo u tla iphelisa ka eona ha u le tšebeletsong ea nakong e tletseng? U tla finyella lihora tsa hao joang? Rapella taba ena. (Pes 37:5) Buisana le batsoali ba hao le bo-pula-maliboho bao e leng khale ba li bona ka seo u rerang ho se etsa. Phelela mantsoe a hao. Jehova o tla hlohonolofatsa boiteko boo u bo etsang tšebeletsong ea hae.

SHEBELLANG VIDEO EA BACHA BA TLOTLISANG JEHOVA, EBE LE ARABA LIPOTSO TSE LATELANG:

• Bacha ba bang ba ile ba hlola mathata afe e le hore ba sebeletse e le bo-pula-maliboho, hona ba ile ba etsa seo joang?

• Batsoali ba ka thusa bana ba bona joang e le hore e ka ba bo-pula-malibo ba kamehla?

• Ke hobane’ng ha u lokela ho ba le nako e tsitsitseng ea ho ea tšimong?

• Litho tsa phutheho li ka khothatsa le ho thusa pula-maliboho joang?

• Bo-pula-maliboho ba fumana litlhohonolofatso life?