KHAOLO 10

Ho Feto-fetoha ha Molumo oa Lentsoe

Liproverbia 8:4, 7

NTLHA-KHOLO: Fetisa lintlha tse amang maikutlo a batho ka ho fetola molumo oa lentsoe, lebelo, ho phahama le ho teba ha lentsoe.

Feto-fetola molumo oa lentsoe. Phahamisa lentsoe ha u batla ho hatisa lintlha tsa sehlooho le ho ama lipelo tsa bamameli. U ka etsa se tšoanang le ha u bala likahlolo tse ka Bibeleng. Fokotsa molumo ha u batla hore bamameli ba lebelle ho utloa ka taba e itseng le ha u bua ka ntho e tšosang.

U se ke oa phahamisa lentsoe hangata hoo bamameli ba ka nahanang hore u ba halefetse. Tlohela ho hapa mahlo a batho ka ho etsa lintho ka tsela e feteletseng.
Laola ho phahama le ho teba ha lentsoe la hao. Tiisa lentsoe ha u hatisa bohlokoa ba taba, ha u bua ka boholo ba ntho kapa bolelele ba sebaka. Tebisa lentsoe hape ha u bua ka taba e bohloko.
Laola lebelo. E-ba sehlahlo ha u bua ka taba e thabisang. Ha u fihla lintlheng tsa bohlokoa, theola lebelo.

U se ke oa fetola lentsoe har’a nako feela, e le hore u se ke oa ferekanya bamameli. U se ke oa matha haholo hoo bamameli ba ka qetellang ba sa utloe hore na u ntse u re’ng.