KHAOLO 4

Kenyeletsa Mangolo Hantle

Matheu 22:41-45

NTLHA-KHOLO: Pele u bala lengolo, etsa hore bamameli ba tsebe hore na lengolo leo le tl’o bua ka’ng.

Utloisisa hore na ke hobane’ng ha u bala lengolo leo. Sebelisa lengolo ka leng ka tsela e tla thusa bamameli ba hao ho utloisisa ntlha ea sehlooho e temaneng eo.

Nahana ka taba eo u ntseng u bua ka eona. Netefatsa hore na temana eo u e balang e buuoe ke mang le hore na e ngotsoe ke mang.
Bolela hore taba tseo u li buang li tsoa Bibeleng. Ha u bua le batho ba lumelang hore Molimo o teng, hatisa hore Bibele ke Lentsoe la Molimo. Sena se tla ba thusa hore ba bone hore ke eona eo re lokelang ho e tšepa.
Etsa hore bamameli ba utloe ba batla ho bala lengolo. Botsa potso e tla arajoa ke lengolo, bua ka bothata bo ka rarolloang ke lengolo kapa u bue ka taba e tla hlakisoa ke lengolo.

Nahana ka seo bamameli ba hao ba se tsebang ka taba eo u buang ka eona le ka lengolo leo u le balang. U ka sebelisa esita le lengolo leo ba le tloaetseng ka tsela e tla etsa hore ba labalabele ho le bala.