Selelekela sa Karolo ea 8

Jehova o ile a hlohonolofatsa Solomone a mo fa bohlale bo boholo le tokelo ea ho haha tempele. Empa butle-butle Solomone o ile a furalla Jehova. Haeba o motsoali, hlalosetsa ngoana hore barapeli ba melimo ea bohata ba ile ba khelosa Solomone. ’Muso oa hae oa aroloa ’me marena a mabe a etsa hore sechaba se fetohele Molimo eaba se qala ho rapela melimo ea litšoantšo. Ka nako eo, baprofeta ba bangata ba tšepahalang ba Jehova ba ile ba hlorisoa le ho bolaoa. Mofumahali Jezebele o ile a etsa hore ’muso o ka leboea o fetohele Molimo le ho feta. Eo e ne e le nako e bosula ho Baiseraele. Empa ho ne ho ntse ho e-na le bahlanka ba bangata ba tšepahalang ba Jehova, ho akarelletsa Morena Josafate le moprofeta Elia.