Watchtower ONLINE LIBRARY
Watchtower
ONLINE LIBRARY
Sesotho (Lesotho)
  • BIBELE
  • LINGOLOA
  • LIBOKA
  • g 6/10 maq. 10-11
  • Mekhotlo ea Leboea—E Thibeloa ho Falla

Ha ho na video mona.

Ka masoabi ho bile le bothata.

  • Mekhotlo ea Leboea—E Thibeloa ho Falla
  • Tsoha!—2010
  • Lihloohoana
  • Lingoloa Tse Tšoanang
  • Ithute ho Eketsehileng ka Nonyana Ena
  • Boiteko ba ho e Sireletsa Turkey
  • Bokamoso ba Mekhotlo ea Leboea
  • Lethathamo la Tse ka Hare
    Tsoha!—2010
  • Ha Linonyana li Thula Mehaho
    Tsoha!—2009
  • Moo Lintsu li Fofelang Teng Bakeng sa Tinare ea Tlhapi
    Tsoha!—1995
  • ‘Talimang Linonyana ka Hloko’
    Tsoha!—2014
Bala Tse Ling
Tsoha!—2010
g 6/10 maq. 10-11

Mekhotlo ea Leboea​—E Thibeloa ho Falla

LELAPA la litho tse hlano le mothating oa ho nka leeto le lelelele ’me metsoalle e tlile ho tla le lakaletsa tsela-tšoeu. Lelapa leo le lekola la ho qetela sebaka seo e ’nileng ea e-ba lehae la lona ka nako e telele ’me ka mor’a moo le kena tseleng. Bashebelli ba talima ha lelapa leo le tsamaea ho fihlela le nyamela.

Re Setsing sa Thuo ea Mekhotlo se motseng oa Birecik, Turkey, o haufi le Nōka ea Eufrate. Lelapa le sa tsoa tloha ke la mekhotlo ea leboea, e leng linonyana tse kotsing ea ho fela. Nonyana ka ’ngoe e faselelitsoe mochine oa sathalaete leqaqailaneng. Basebetsi ba setsing seo le baeti ba tlil’o lakaletsa linonyana tsena tsela-tšoeu, ba li shebella ba tšoenyehile ha li ea moo ho sa tsejoeng, ba amehile ka hore na li tla ke li khutlele lehaeng la tsona kapa che.

Mokhotlo ke nonyana ea mofuta ofe? E ea kae ha e falla? Hona ke hobane’ng ha batho ba thahasella ho falla ha eona hakaale?

Ithute ho Eketsehileng ka Nonyana Ena

Mokhotlo oa leboea o hlaha o e-na le masiba hloohong. Empa ha o ntse o hōla, masiba ao aa hlotheha. ’Meleng o na le masiba a matšo a fetolang ’mala ha o le letsatsing ho ba botala bo nang le boronse le bopherese. O na le letlalo le lefubelu le molomo o mofubelu, haese karolong e ka holimo feela ea hlooho. Mokhotlo o boetse o na le masiba a malelele molaleng ka morao.

Mekhotlo e ba boemong ba ho ba le malinyane ka mor’a lilemo tse tharo kapa tse ’nè. E mengata e phela lilemo tse 25 ho isa ho tse 30. E ja likokoanyana, mekholutsoane le liphoofotsoana tse ling. E metšehali e behela lehe ho isa ho a mararo ka selemo ’me e a alama libeke tse ka bang ’nè. Linonyana tsena li na le tšobotsi e ’ngoe e ikhethang—e tona le e tšehali li phela hammoho bophelo bohle. Ha e ’ngoe e shoa, e ’ngoe ea sareloa. Ha e le hantle, ho ’nile ha bonoa nonyana e setseng e ipolaea ka ho itima lijo kapa ka ho itihela selomong.

Batho ba Birecik ba tla u bolella hore ho fihlela mathoasong a lekholo la bo20 la lilemo, batho ba ne ba keteka ha mekhotlo e khutla leetong la eona. Ho khutla ha eona ho ne ho nkoa e le letšoao la hore nako ea selemo e se e le haufi. Nakong ea mokete, e leng bohareng ba February, batho ba ne ba ntša liketsoana ka Nōkeng ea Eufrate ba li hulela moo ho ommeng, ’me ba letsa likupu ba bile ba keteka.

Mehleng eo ea pele, mekhotlo e ne e le mengata hoo e neng eka ke leru le letšo le ririellaneng. Empa lilemong tse lekholo tse fetileng—haholo-holo tse 50 tse fetileng—palo ea eona e fokotsehile ka sekhahla. Ka nako e ’ngoe ho ne ho e-na le lihlopha tse 500 ho isa ho tse 600 sebakeng sa Birecik, empa e ile ea fokotseha haholo ka bo-1950 ha batho ba qala ho sebelisa chefo e bolaeang likokoanyana. Kajeno ho setse mekhotlo e seng mekae feela lefatšeng.

Boiteko ba ho e Sireletsa Turkey

Setsi sa Thuo ea Mekhotlo se ile sa thehoa Birecik, ka 1977. Linonyana tsena li ne li lumelloa ho falla selemo le selemo, ho fihlela ka 1990, ha ho khutla e le ’ngoe feela. Ka mor’a moo, li ile tsa thibeloa ho falla. Basebetsi ba ne ba li koalla ka nako eo li neng li tloaetse ho falla ka eona, e leng pakeng tsa July le August. Ba ne ba li koalla ho fihlela selemong se latelang ka February kapa ka March, e leng nako eo ka tloaelo li khutlang ka eona.

Ka 1997, ho ile ha etsoa qeto ea ho leka ho li fallisa. Ka bomalimabe, ha ho le e ’ngoe ea linonyana tse 25 tse neng li lokolotsoe e ileng ea khutla. Ho tloha ka 1998, linonyana tsohle li ile tsa koalloa e le ho li thibela ho falla. Linonyana tseo li ile tsa ngatafala. Hona joale ho na le tse ka bang lekholo setsing seo.

Bokamoso ba Mekhotlo ea Leboea

Ka masoabi, ke linonyana tse peli feela tse ileng tsa khutla, ho tse hlano tse boletsoeng qalong ea sehlooho sena. Joale ka 2008, linonyana tse ling li ile tsa lumelloa ho falla. Ka bomalimabe, le tsona ha lia ka tsa khutlela hae. Ba boholong ba tlaleha hore linonyana tsena li ile tsa leba boroa ’me tsa fihla naheng ea Jordane empa tsa bolaoa ke chefo moo. Sena se bolela hore le hoja li ntse li eketseha ka palo setsing seo, ’me bo-rasaense le ba boholong ’musong ba ntse ba leka ho li sireletsa, linonyana tsena li ntse li le kotsing ea ho fela.

Liteko tsena tse sa tsoa etsoa li bontšitse hore le hoja mekhotlo e koaletsoe e le ho e sireletsa, ha e e-s’o lebale hore ka tlhaho ea falla. Sena se tiisa mantsoe a ka Bibeleng ho Jeremia 8:7, a reng: “Mokotatsie maholimong—o tseba hantle linako tsa oona tse behiloeng; le leebana-khoroana le lehaqasi le hlakahlothoana—li boloka hantle nako ea ho kena ha e ’ngoe le e ’ngoe.”

[Litlhaloso Tsa Moo Litšoantšo li Nkiloeng Teng tse leqepheng la 10]

Left: Richard Bartz; right: © PREAU Louis-Marie/age fotostock

    Lingoliloeng Tsa Sesotho Lesotho (1985-2026)
    Tsoa
    Kena
    • Sesotho (Lesotho)
    • Romela
    • Ikhethele
    • Copyright © 2025 Watch Tower Bible and Tract Society of Pennsylvania
    • Kamoo e Lokelang ho Sebelisoa
    • Tumellano ea ho Boloka Lekunutu
    • Privacy Settings
    • JW.ORG
    • Kena
    Romela