Maesha ya jao mazuri

Shetwani na madjini yahe kawatso poteza tsena wantru harimwa muda mshashi. Jehovah madza a wa trusu mbinguni (Révélation 12:9). Na harimwa maesha ya karibu, atso fanya tsena trongo kinyume na Shetwani na madjini yahe, iyo de ya swahaba Jean a y eledza ha hu rongowa ru’uya Mungu a mu enyesayo : « Amoesa tsi ono malaika yako shuka hu lawa mbinguni ya vinga lakile ya li gumbo na silisili bole muhononi. Amoesa y siki y dragon, y nyoha ya handra iliyo de Ibilisa na Shetwani, amoesa y mu fungu ha muda wa maha alifu. Alafu y mu vutsu moni mwa li gumbo, amoesa y bala li gumbo hodari, ile asi poteze tsena zi daula ata paka y maha alifu y kome » (Révélation 20:1-3). Mbeli mbeli oho, Ibilisa na madjini yahe watso ngamidziwa muhalasi (Révélation 20:10).

Wanadamu wapeu wajau ne watso ngamidziwa (Psaume 37:9, 10 ; Luc 13:5).

Wafu watso regeya hayati !

Makati Shetwani na ya madjini watso bandzusiwao, Jehovah atso shukidza nema nyengi ju la u binadamu. Musu mayizi amba wafu wao kawa shindri u diha amoesa kawasi eshi tsena. Insa a fanisa y hufa na tsindzi — tsindzi bole kazina ndzozi (Jean 11:11-14). A y subutu mana ako juwa amba wakati utso ja amba piya wao wa lala harimwa y hufa watso hima alafu watso eshi tsena. A rongowa : « Y lera isi ja amba piya waliyo harimwa mahaburi [...] watso lawa » (Jean 5:28, 29 ; ngaliya Actes 24:15).

Watso regezewa hayati, hunu, shivandreju mwatsi. Kavutsoka tsena wafati, be mutru atso kiya habari ndjema : ya madzina ya wao watso regezewao hayati ! Itso ka furaha bole halisi ya hu vahuwa wao ri wa vendzao makati watso lawao mahaburini !