FUVU 9

Wakati trini i shivandre ya tsi itso kao pevo ?

Piya zi taãɓu zini zisu onesa amba ufalume wa Mungu utso ja tsi hale (Lukasi 21:10, 11 ; 2 Timuthausu 3:1-5).

Taãɓu za kula suku za wakati wa mwiso : malangadzo ya marike, kondro, uwaɗe, ndza, wanatsa kawa tuĩ wadzaɗe wao na uguguru harimwa udjama

I Labiblu ika i judza zizo zi djirio leo. I rongoa amba watru watso vendza swafi marike, kawatso stehi wadzaɗe wao, watso ka wa peu swafi, tsena watso vendza malangadzo zaidi raha na Mungu.

Vutso ka midridrimio miɓole ya i shivandre ya tsi, kondro, ndza na mawaɗe madziro. Zizo piya ɗe zi lio avasa.

Shahidi wa Jehovah asu judza mutru ɓaɓa i haɓari ndjema ya Ufalume

Insa aka a judza tsena amba, i haɓari ndjema ya Ufalume itso tekelezewa harimwa i shivandre ya tsi piya (Matiyo 24:14).

Ufalume wa Mungu utso toa upeu (2 Monye 3:13).

Watru wa peu wasu angamidziwa harimwa Harmagedon, amoesa Shetwani na ya madjini yahe wasu fungwa

Tsi hale, Jehovah atso angamidza watru wa peu piya.

Shetwani na ya madjini watso fungwa.

Insa a ketsi harimwa i shiri ya ufalume wahe mbinguni, tsena watru wa nishani mbali na mbali wasu jiviwa na ufurahi

Wawo wa mu vulikiao Mungu watso eshi shivandreju mwa tsi, harimwa dunia mpia, litso kao la haki. Kawatso ria tsena. Piya watso aminiyana, tsena watso vendzana.