FUVU 8

Mana trini i hufa ya Insa i lio muhimu ?

Insa a fu ile a ri ruhusu ri eshi (Yuhani 3:16).

Watru mama wasu ngalia li kaɓuri la Insa, ɓe kavvw si maiti

Insa a dzihwa ata suku ya raru, vwa watru mama wa endra kaɓurini hahe, ɓe kawa ona i maiti yahe. Jehovah aka a mu regeza hayati.

Insa asu dji venua mbeli za maswahaɓa yahe, amoesa asu heya mbinguni

Alafu, Insa a dji venua mbeli za wandzani wahe, ya maswahaɓa.

Ha kweli, Jehovah aka a mu ɓaãthi Insa shi malaika yendza nguvu, wala katso fa tsena. Wana-zioni wa Insa wa mu ono makati ako heya mbinguni.

Mungu a mu regeza Insa hayati, tsena a mu fanya Mufalume wa ufalume wa Mungu (Danieli 7:13, 14).

Rangu harimwa i shiri ya ufalume wahe mbinguni, Insa asu tawalia wanadamu wa eshio harimwa i pevo shivandreju mwa tsi

Insa a dji towo sadaka ha siɓaɓu ya wanadamu, ile a wa komboe na i hufa (Matiyo 20:28). Ha namna iyo, Jehovah atso jua a ri ve maesha ya daharituka.

Jehovah a mu fanya Insa Mufalume harimwa i shivandre ya tsi piya. Vwa wanadamu watuĩvu wa tso ɓaãthiwao wa endre wa eshi mbinguni : wa watru alifu mia wa arɓaini na nne (144 000). Vwamoja na Insa, watso ka harimwa sirikali ya haki mbinguni : ufalume wa Mungu (Mivenuliyo 14:1-3).

Ufalume wa Mungu utso fanya i shivandre ya tsi pevo. Kavutso ka tsena zi kondro, u ulana, usikini na zi ndza. Watru piya watso ka furahani halisi (Zaɓur 145:16).