Pevoni, maesha ya ka jeje ?

Jehovah a wa va Adam na Hawa zitru ndzuzuri nyengi (Mwandro 1:28).

Jehovah a umbu mutru mama wa handra, Hawa, amoesa a mu lodza na Adam (Mwandro 2:21, 22).

Jehovah aka a wa va ãkili na mwili mukamilifu, yaani u wongo wao na piya zizo zi lio mwilini hao zika zi tsimu.

Adam na Hawa wa ka pevoni. Vu ka vahanu vwazuri swafi, na muro muɓole, na miri yako dza mbia, na zinyama.

Jehovah ako lagua na Adam na Hawa ; ako wa somedza. Djeli waka wa mu vulikia, watso eshi daharituka shivandreju mwa tsi.

Mungu aka a ɓalidza ula zi mbia za mwiri moja pevoni (Mwandro 2:16, 17).

Jehovah a wa onesa Adam na Hawa mwiri pevoni. A wa ɓalidza amba wasu le zi mbia za u mwiri uwo, mana neka wa zi li, watso fa.

Vwa malaika ya endra kinyume na Mungu. Malaika ya peu ini i hiriwa Shetwani (au Iɓilisa).

Shetwani kako tsaha amba Adam na Hawa wa mu tuĩ Jehovah. A rumia nyoha ha u mu ambia Hawa, amba neka a li mbia ya u mwiri unu, katso fa, ɓe atso ka mauri ɗe Mungu. Ɓe zizo trambo (Mwandro 3:1-5).