Wa mu vulikia Shetwani. Trini ɗe ya djiri ?

Adam na Hawa wa fu mana kawa mu tuĩ Mungu (Mwandro 3:6, 23).

Hawa a vulikia i nyoha, tsena a li i mbia ya mwiri. Amoesa a mu mba Adam, a li wajau.

Shitru wa i fanya i ka mbovu, iyo dhambi. Iyo ɗe mana ata Mungu a wa indzia pevoni.

Maesha yao na ya wana wao ya ja ya rendreha madziro. Adam na Hawa wa ɗuha, amoesa wa fu. Kawa endra vahanu vutso kao votsi. Kawasu eshi tsena.

U watru wa fa kawasu eshi tsena, mana wa regea trotro (Mwandro 3:19).

Risu fa mana ri ja na Adam na Hawa. U watru wa fa kawa ono, kawa kia, wala kawa fanya trongo itso kao yotsi (Mungulidza 9:5, 10).

Jehovah kako tsaha amba ri fe. Tsi hale, atso ɓaãthi u wafu. Neka wasu mu vulikia Mungu, watso eshi daharituka.