Mahaɓari

ƁUNDJILIYO MAHUSUSU

LIKOLI YA WATRU WA TEKELEZAO HAƁARI NDJEMA YA UFALUME Wawo wa vitsao wakati mwengi, ha utekeleza Urongozi wa Mungu, wa liona maha shirini na miraru (23) ata maha sitini na mitsano (65), watso vendzao wa tekeleze zaidi Urongozi wa Mungu, wasu lahikiwa wa renge fuvu, harimwa ɓundjiliyo litso wa vao maeledzeyo ya lazimu, mufumovili ujoni. I lera na u vahanu, zitso rongolwa wakati wa utoa mahaɓari.

MAHAƁARI

MUƁAĨSHIYO U watru watso ɓaĩshiwao, watso ketsia zi ziri zi lio u mbeli, kabla ya i hutuba ya muɓaĩshiyo kaya andriswa, i mufumotsi asuɓuhi, ɓadi neka vu ɓuzu trongo zangina. Kula mutru ɓaina ya wawo, a lazimu a vinge nguo ya usitirifu ya uhoa na sarvieti.

MULAHIKIO U watru wa mu lahikinio, wa vavo ile wa mu saidieni. Namu wa vulikie fetre, ha uɗunga zizo watso mu ambianizo, ya husiana na ulisha ya magari, na uzinga harimwa i mikaɓala li trengwe li fanyishihao, na mutru uhetsia munyahe shiri ya uketsi, na zangina na zangina.

MUSADA WA MARIKE Harama nyengi ɗe za fanyishiha, ile ziri zi toshe, vu ke zombo za ungalia video na uvulikia i ɓarnamadji, na trongo zangina ile li trengwe li stawi, tsena li mu saidieni mu ke kariɓu na Jehovah. Kula mutru a vendzao, tsena a jiviwa a saidie, atso jua a toe musada wa marike. Musada unu, utso saidia u live harama zini, tsena utso saidia mutekelezeyo wa Ufalume wa Mungu, harimwa li dunia piya. Ha ufanya ha uwangu, vwa bwati za utria marike, za hetsiwa harimwa li trengwe, harimwa mikaɓala amba mutso zi ona fetre. Kula musada wa marike, utso kao wotsi, utso kuɓaliwa. I Shikao dhwamana isu jiviwa i mu vosheleyeni marahaɓa, ha u musada wanyu mwa u toa, ile mu saidie zi hazi za Ufalume wa Mungu.

VAHANU VWA HUSU UNONO Namu elewe amba, ɗe u watru wa para taãɓu za unono wa HAFLA, au uwaɗe wa HAFLA TU, ɗe ya lazimu wendre. Ɓe vavo tsi vahanu vwa uzihira mawaɗe.

WAHUTADJI Neka musu tsaha mu renge fuvu, harimwa zi hazi zi fanyishihao harimwa li trengwe, namu endre mwa dji angihe, vahanu kula uwo a tsahao a saidie zi hazi a dji angihao.

ZIRI Namu wa fikiri wanyawe. Kaya lazimu mwa hetsia ziri neka tsi ɗe, udjama wanyu, u watru wa pashia gari moja na wanyu, u watru wa eshio vwamoja na wanyu, au u watru wa somao i Labiblu na wanyu. Mu su lishe ata shitru harimwa ziri zangina.

ZITRU ZA RONDROLWA Kula shitru ya ɗalihwana, i lazimu i vingwe vahanu watru wa hetsio zitru za rondrolwa. Neka mu latsishiwa na shitru, namu endre vavo, ile mu pare shitru yanyu. U wana kawa su wa ona wadzaɗe wao, watso jua tsena wa vingwe vavo. Ɓe nari jue amba vavo, tsi vahanu vwa ungalia na usika wana. Ɓasi wadzaɗe, namu ngalie wana wanyu, tsena nawa ke kariɓu na wanyu.

« NAMU KENA DJITIHADI ! »

TRENGWE LA ƁAVU 2018 LA MAZAHIDI YA JEHOVAH

Li pangwa na i Shikao dhwamana ya Mazahidi ya Jehovah