আমরার দুনিয়ার অবস্থা ভালা করবার লাগি কিতা জরুরি?

পবিত্র কিতাবে লেখা আছে

আর অউ রাজগণের সময়ে স্বর্গের আল্লায় এক রাজ্য স্থাপন করবা, অউ রাজ্য ঐ সকল রাজ্যগুলিরে চুরমার করিয়া শেষ করিলিবো কিন্তু অউ রাজ্যটা নিজে চিরকাল থাকবো।—দানিয়েল ২:৪৪.

“অখন তো দুনিয়ার বাদশাই আমরার মাবুদ আর তান মসীর হুকুমো আইছে। তাইন যুগ যুগ ধরি চিরকাল বাদশাই করবা।”—প্রকাশিত বাক্য ১১:১৫, পবিত্র ইঞ্জিল শরিফ, ছিলটি তরজমা।

আফনার লাগি ই সত্য জানার অর্থ অইলো

• এক ভালা সরকার যেটা আফনারে সাহায্য করবো।—যিশাইয় ৪৮:১৭, ১৮.

• ভবিষ্যতে অউ নয়া সমাজে কেউর বেমার অইতা নায় আর সকল সুখে থাকবা।—প্রকাশিত বাক্য ২১:৪.

পবিত্র কিতাবের কথা আমরা বিশ্বাস করতাম ফারমুনি?

অবশ্য করতাম ফারমু, এর দুইটা কারণ আছে:

• নবী ঈসায় দেখাইছলা যে আল্লার রাজ্য কিতা করতো ফারবো। নবী ঈসায় হিক্ষাইছলা যে আমরা আল্লার রাজ্য বা সরকার আইবার লাগি দুওয়া করি যাতে আল্লার ইচ্ছা ই দুনিয়ার উফরে ফুর্ণ অইতো ফারে। (মথি ৬:৯, ১০) নবী ঈসায় দেখাইছলা যে কিলা ই দুওয়ার উত্তর দেওয়া অইবো।

  ঈসা নবী যে সময় দুনিয়াত আছলা, অউ সময় তাইন যারার খানির অভাব আছলো তারারে খাওয়াইছলা, বেমারি মানুষরে ভালা করছিলা আর কয়েকজন মুর্দা মানুষরে হিব্বার জীতা করছিলা। (মথি ১৫:২৯-৩৮; যোহন ১১:৩৮-৪৪) অউ রকমের কামের দ্বারা ঈসা নবীয়ে দেখাইছলা যে ভবিষ্যতে আল্লার রাজ্যের অধীনে সকলের লাগি ভালা উন্নতি করবো।—প্রকাশিত বাক্য ১১:১৫.

• দুনিয়ার অবস্থা প্রমাণ দেয় যে আল্লার রাজ্য খুব জলদী আইবো। ঈসা নবীয়ে ভবিষ্যদ্বানী করছিলা যে আল্লার রাজ্য দুনিয়াত শান্তি লইয়া আইবার একটু আগে অনেক যুদ্ধ, খানির অভাব আর ভিন্ন ভিন্ন জাগাত বড়ো বড়ো ভইছাল অইবো।—মথি ২৪:৩, ৭.

  আমরা আইজকে অউ চিহ্নঅকল দেখতাম ফার্রাম। এর কারণে আমরা নিশ্চিত থাকতাম ফারমু যে শুধু আল্লার রাজ্য দুনিয়ার সব সমস্যাঅকল আর কষ্ট শেষ করতো ফারবো।