“kadavulidam nerungi pōvadhu” namakku nalladhu!

1-2. (a) oruvarōdu nerukkamaana natpai valartthukkolla naam enna seiya vēndum? (b) indha katturaiyil edhai patri paarppōm?

ungalukku uyir nanbar yaaraavadhu irukkiraaraa? nīngal eppadi avarōdu nanbar aanīrgal? avarōdu romba naal palagiyiruppīrgal. vaalkkaiyil avar ennenna kashtangalai sandhitthaar enbadhaiyum, avarukku enna pidikkum, enna pidikkaadhu enbadhaiyum nīngal therindhuvaitthiruppīrgal. avaridam nalla gunangal iruppadhai paartthiruppīrgal. nīngalum adhaiyellaam kaatta vēndum endru aasaippattiruppīrgal. palaga palaga, ungalukku avarmēl anbu adhigamaagiyirukkum.

² oruvaridam nerukkamaana natpai valartthukkolla nēramum muyarchiyum thēvai. yegōvaavidam nerukkamaana natpai valartthukkolvadharkum ivai irandum thēvai. indha katturaiyil, naam eppadi yegōvaavidam nerungi pōgalaam enbadhai patriyum, adhanaal varum nanmaigalai patriyum paarkkalaam. adharkumun, nammudaiya uyir nanbaraaga irukkira yegōvaavidam nerungi pōvadhu ēn nalladhu enbadhai patri paarkkalaam.

3. yegōvaavidam nerungi pōvadhaal varum nanmaigalai patri yōsitthu paarppadhu ēn mukkiyam? udhaaranatthōdu vilakkungal.

³ yegōvaavidam nerungi pōvadhu nalladhu enbadhai nīngalum kandippaaga otthukkolvīrgal. aanaal appadi nerungi pōvadhu evvalavu nalladhu enbadhai nandraaga yōsitthu paartthaal, adhai thodarndhu seivadharkaana aasai namakku varum. (sang. 63:6-8) idhai purindhukolvadharku indha udhaaranatthai yōsiyungal. aarōkkiyamaana saappaadu, udarpayirchi, pōdhumaana alavu ōiveduppadhu, thannīr kudippadhu ena ivai ellaamē nalladhu endru namakku theriyum. irundhaalum, niraiya pēr idhaiyellaam mukkiyamaaga ninaippadhillai; udalai aarōkkiyamaaga paartthukkolvadhillai. aanaal, aarōkkiyamaaga iruppadhu evvalavu mukkiyam enbadhai patri adikkadi yōsitthu paartthaal, idhaiyellaam seivadharkaana aasai varum. yegōvaavidam nerungi pōvadhum adhē maadhiridhaan. adhu nalladhu endru namakku therindhirundhaalum, adhanaal kidaikkira nanmaigalai patri adikkadi yōsitthu paartthaal, adhai thodarndhu seivadharkaana aasai namakku varum.—sang. 119:27-30.

4. sangīdham 73:28-il, sangīdhakkaarar enna solgiraar?

⁴ sangīdham 73:28-ai vaasiyungal. sangīdham 73-ai eludhiyavar oru lēviyar. avar yegōvaavin aalayatthil isai kalainyaraaga sēvai seidhaar. oruvēlai, pala varushangalaaga avar yegōvaavukku unmaiyaaga sēvai seidhuvandhirukkalaam. irundhaalum, “kadavulidam nerungi pōvadhu” evvalavu nalladhu enbadhai nyaabagappadutthikkolvadhu mukkiyam endru ninaitthaar; matravargalum appadi seiya vēndum endru ninaitthaar. sari, kadavulidam nerungi pōvadhaal ennenna nanmaigal irukkiradhu enbadhai ippōdhu paarkkalaam.

adhu sandhōshatthai tharum

5. (a) yegōvaavidam nerungi pōvadhu namakku ēn sandhōshatthai tharugiradhu? (b) yegōvaavin nyaanam thanippatta vidhatthil ungalai eppadi paadhugaakkiradhu enbadharku nīdhimoligal 2:6-16-lirundhu udhaaranangalai sollungal.

⁵ naam endhalavukku yegōvaavidam nerungi pōgirōmō andhalavukku namakku sandhōsham kidaikkum. (sang. 65:4) eppadi solgirōm? kadavulidam nerungi pōgumpōdhu naam baibilai thavaraamal padippōm. adhil irukkira nyaanamaana aalōsanaigalukku kīlppadivōm. andha nyaanam, thavaraana paadhaiyil pōividaadhapadiyum periya periya thavarugalai seidhuvidaadhapadiyum nammai paadhugaakkiradhu. (nīdhimoligal 2:6-16-ai vaasiyungal.) adhanaaldhaan baibil ippadi solgiradhu: “nyaanatthai kandupidippavanum, paguttharivai perugiravanum sandhōshamaanavan.”—nīdhi. 3:13.

6. sangīdhakkaarar ēn avarudaiya sandhōshatthai ilandhaar?

⁶ unmaidhaan, yegōvaavin nanbargal silarkūda virakthi adaindhirukkiraargal. sangīdham 73-ai eludhiyavarum andha maadhiri unarndhaar. avarai sutri nadandha sila vishayangal avarudaiya kannil aniyaayamaaga pattadhu. adhanaal, avar sandhōshatthai ilandhuvittaar. kadavulai patriyō kadavuludaiya sattangalai patriyō yōsikkaadha ketta aatkal ōgōvendru vaalgira maadhiri avarukku thōndriyadhu. adhai paarkkumpōdhu avarukku poraamaiyaagavum, romba veruppaagavum irundhadhu. vanmuraiyai virumbugira, thalaikkanam pidittha aatkal ellaam selvachelippaaga... aarōkkiyamaaga... endha prachinaiyum illaamal... sandhōshamaaga vaalgira maadhiri avarukku thōndriyadhu. (sang. 73:3-7, 12) adhanaal, yegōvaavukku sēvai seivadhil enna prayōjanam endru oru kattatthil avar yōsikka aarambitthuvittaar. “naan sutthamaana idhayatthōdum, karaipadiyaadha kaigalōdum vaalndhadhu vīnilum vīndhaan” endru sōgatthil sonnaar.—sang. 73:13.

7. sōgatthilirundhu naam eppadi veliyē varalaam? (padatthaiyum paarungal.)

⁷ andha sangīdhakkaarar sōgatthil orēyadiyaaga nodindhupōividavillai. avarudaiya ennatthai maatrikkolla muyarchi edutthaar. avar “kadavuludaiya parisuttha aalayatthukku” pōnaar. (sang. 73:17-19) angē, avar yōsikkira vidhatthai maatrikkolla yegōvaa udhavinaar. nammai patri enna sollalaam? naam sōgatthil irukkumpōdhu nammudaiya nerungiya nanbaraana yegōvaa adhai paarkkiraar. valinadatthudhalukkaaga avaridam jebam seiyumpōdhu baibil mūlamaagavum sabai mūlamaagavum namakku thēvaiyaana udhaviyai tharuvaar. adhanaal, sōgatthai samaalikka namakku balam kidaikkum. vēdhanaigal nammai mūlgadikkira maadhiri sūlnilaimaigal vandhaalkūda yegōvaa namakku aarudhal tharuvaar, nam idhayatthukku idhamalippaar.—sang. 94:19.a

adhu namakku sandhōshatthaiyum nambikkaiyaiyum tharum

8. kadavulidam nerungi pōvadhu nalladhu enbadharku innum irandu mukkiyamaana kaaranangal enna?

⁸ kadavulidam nerungi pōvadhu ēn nalladhu enbadharku innum irandu mukkiyamaana kaaranangalai paarkkalaam. (1) nam vaalkkaikku sandhōshatthai kodukkiradhu. (2) edhirkaalam nallapadiyaaga maarum endra urudhiyaana nambikkaiyai kodukkiradhu. (erē. 29:11) indha irandai patriyum ippōdhu aalamaaga yōsitthu paarkkalaam.

9. yegōvaavidam nerungi pōvadhu nam vaalkkaikku eppadi artthatthai tharugiradhu?

⁹ yegōvaavidam nerungi pōvadhu nam vaalkkaikku eppadi sandhōshatthai kodukkiradhu endru paarkkalaam. indru ulagatthil niraiya pēr kadavul endru oruvar iruppadhaiyē nambuvadhillai. adhanaal, ‘ēn pirandhōm, ēn vaalgirōm’ enbadhellaam avargalukku therivadhillai. manidha inamē orunaal alindhuvidum endru ninaikkiraargal. aanaal, “[kadavul] irukkiraar endrum, avarai ūkkamaaga thēdugiravargalukku palan kodukkiraar endrum” naam therindhu vaitthirukkirōm. (ebi. 11:6) indrē nam vaalkkai sandhōshamaaga iruppadharku kaaranam, kadavulukku sēvai seivadhaaldhaan. avarukku sēvai seidhaal namakku sandhōsham kidaikkum vidhatthildhaan avar nammai padaitthirukkiraar.—ubaa. 10:12, 13.

10. yegōvaamēl nambikkai vaikkiravargalukku eppadippatta edhirkaalam kaatthirukkiradhu endru sangīdham 37:29 solgiradhu?

¹⁰ yegōvaavidam nerungi pōvadhu namakku edhirkaala nambikkaiyai kodukkiradhu. aanaal, indru makkalukku appadi oru nambikkai kidaiyaadhu. avargalai porutthavarai, vēlaikku pōga vēndum... kalyaanam panna vēndum... pillaigalai petredukka vēndum... vayadhaana kaalatthukkaaga sēmitthu vaikka vēndum—idhudhaan vaalkkai endru ōdugiraargal. aanaal naam, yegōvaavai nambugirōm. avar nammai paartthukkolvaar endru namakku theriyum. (sang. 25:3-5; 1 thī. 6:17) adhōdu, edhirkaalatthil nalla nalla vishayangalai seiyappōvadhaaga avar kodutthirukkira vaakkurudhigalmēl nambikkai vaitthirukkirōm. pūnjōlai būmiyil endrendrum avarai vananga mudiyum endra nambikkaiyum namakku irukkiradhu.—sangīdham 37:29-ai vaasiyungal.

11. kadavulidam nerungi pōgumpōdhu namakku eppadi irukkum, avarukku eppadi irukkum?

¹¹ kadavulidam nerungi pōvadhu namakku nalladhu endru solvadharku innum niraiya kaaranangal irukkindrana. udhaaranatthukku, thannidam nerungiyiruppavargal ēdhaavadhu thavaru seidhuvittaalum, avargal manam thirundhinaal yegōvaa avargalai mannitthu ētrukkolvadhaaga vaakku kodutthirukkiraar. (ēsaa. 1:18) adhanaal, munbu seidha paavangalai ninaitthu avargal kutra unarvil thavikka vēndiyadhillai. (sang. 32:1-5) adhōdu, yegōvaavidam naam nerungi pōgumpōdhu avar sandhōshappadugiraar. (nīdhi. 23:15) yegōvaavidam nerukkamaana natpu vaitthukkolvadhaal innum ennenna nanmaigal irukkiradhu endru nīngalum yōsitthu paarungal. sari, kadavulidam thodarndhu nerungi pōvadharku naam enna seiyalaam endru ippōdhu paarkkalaam.

kadavulidam thodarndhu nerungi pōvadhu eppadi

12. kadavulidam innum nerungi pōga nīngal enna seidhirukkirīrgal?

¹² nīngal nyaanasnaanam edutthirundhaal, ērkanavē yegōvaavidam nerungi pōyiruppīrgal. eppadi? avarai patriyum yēsu kristhuvai patriyum niraiya unmaigalai katriruppīrgal. seidha paavangalilirundhu manam thirundhiyiruppīrgal. kadavulmēl balamaana visuvaasatthai valartthiruppīrgal. avarudaiya viruppatthukku ētra maadhiri nadandhukondiruppīrgal. aanaal, kadavulidam innum nerungi pōga vēndumendraal, idhai ellaam thodarndhu seidhukondē irukka vēndum.—kolō. 2:6.

13. yegōvaavidam thodarndhu nerungi pōga endha mūndru vishayangal udhavum?

¹³ yegōvaavidam thodarndhu nerungi pōvadharku udhavugira mūndru vishayangalai paarkkalaam: (1) baibilai thavaraamal padikka vēndum. appadi padikkumpōdhu, kadavulai patriya adippadai unmaigalai therindhukolvadhu mattumē nam kurikkōlaaga irukka kūdaadhu. adharku badhilaaga, baibil niyamangalaiyum kadavul nammidam enna edhirpaarkkiraar enbadhaiyum purindhukolla muyarchi seiya vēndum. (ebē. 5:15-17) (2) visuvaasatthai balappaduttha vēndum. adharku, kadavul nammēl anbu vaitthiruppadharkaana aadhaarangalai aalamaaga yōsitthu paarkka vēndum. (3) yegōvaa verukkira vishayangalai naamum thodarndhu verukka vēndum. avatrai seigira aatkalidam irukkira natpaiyum muritthukkolla vēndum.—sang. 1:1; 101:3.

14. ovvoru naalum yegōvaavukku pidittha maadhiri vaalvadharku naam enna seiyalaam? (1 korindhiyar 10:31) (padangalaiyum paarungal.)

¹⁴ 1 korindhiyar 10:31-ai vaasiyungal. naam eppōdhumē yegōvaavukku pidittha vishayangalai seivadhu romba romba mukkiyam. verumanē kūttangalukkum ūliyatthukkum pōnaal mattum pōdhaadhu. ovvoru naalumē yegōvaavukku pidittha vishayangalai seiya vēndum. udhaaranatthukku, naam ellaa vishayatthilum nērmaiyaaga irukka vēndum. nammidam iruppadhai matravargalukku pagirndhu kodukka vēndum. ippadiyellaam seiyumpōdhu yegōvaa romba sandhōshappaduvaar. (2 ko. 8:21; 9:7) adhumattumalla, avar kodutthirukkira uyir endra parisai naam uyarvaaga madhikka vēndum endrum avar edhirpaarkkiraar. saappidugira/kudikkira vishayatthil gavanamaaga iruppadhan mūlamaagavum, aarōkkiyamaaga irukka enna seiya vēndumō avatrai seivadhan mūlamaagavum, uyirai koduttha kadavulidam nerungi pōga mudiyum. chinna chinna vishayangalilkūda yegōvaavukku pidittha maadhiri irukka muyarchi seidhaal avarukku nammai romba pidikkum.—lū. 16:10.

15. naam matravargalai eppadi nadattha vēndum endru yegōvaa edhirpaarkkiraar?

¹⁵ thannai vanangugiravargalukkum vanangaadhavargalukkum yegōvaa karunai kaattugiraar. (mat. 5:45) naamum matravargalidam appadi nadandhukolla vēndum endru edhirpaarkkiraar. udhaaranatthukku, “yaarai patriyum mōsamaaga pēsa kūdaadhu, yaarōdum thagaraaru seiya kūdaadhu, . . . ellaaridamum ellaavatrilum saantha gunatthai kaatta vēndum” endru avar edhirpaarkkiraar. (thīth. 3:2) indha aalōsanaiyai manadhil vaitthiruppadhaal yegōvaavai vanangaadha aatkalaiyum naam madhikkirōm. avargalai thaalvaaga paarppadhillai. (2 thī. 2:23-25) ippadi, ellaaridamum karisanaiyaaga nadandhukolvadhan mūlamaaga, nam appaa yegōvaavidam nerungi pōgirōm.

thadumaarinaalum “kadavulidam nerungi pōga” mudiyum

16. sangīdham 73-ai eludhiyavar eppadi unarndhaar?

¹⁶ thavaru seidhuvittadhaal, yegōvaa ungalōdu nerukkamaaga illai endru silasamayam nīngal ninaikkalaam. sangīdham 73-ai eludhiyavarum andha maadhiri yōsitthirukkiraar. “naandhaan kittatthatta valithavari pōivittēn. kaal sarukki vilum nilaikku pōivittēn” endru pulambinaar. (sang. 73:2) piragu, seidha thavarai ninaitthu avar ippadi sonnaar: “en nenjam kasandhadhu,” “naan arivillaamal irundhuvittēn,” yegōvaavukku munnaal “butthiyillaadha mirugampōl nadandhukondēn.” (sang. 73:21, 22) yegōvaavin anbai orēyadiyaaga ilandhuvittadhaaga avar ninaitthaaraa?

17. (a) rombavē sōrndhupōyirundha samayatthil sangīdhakkaarar enna seidhaar? (b) avaridam irundhu naam enna katrukkolgirōm? (padangalaiyum paarungal.)

¹⁷ thannai yegōvaa kaivittadhupōl andha sangīdhakkaarar ninaitthirundhaalum, andha ennam avarukku konja naaldhaan irundhadhu. rombavē sōrndhirundha samayatthil, yegōvaavidam nerungi pōga vēndum enbadhai avar purindhukondaar. avarudaiya vaartthaigal adhaitthaan kaattugiradhu. avar ippadi solgiraar: “aanaal, ippōdhu naan ungal kūdavē irukkirēn. nīngal en valadhu kaiyai piditthirukkirīrgal. ungal arivuraigalaal enakku valikaattugirīrgal. ini naan mēnmai adaivadharku valinadatthuvīrgal.” (sang. 73:23, 24) naamum romba sōrndhupōyirukkira samayatthil, balatthukkaaga yegōvaavidam pōgalaam. avardhaan nammudaiya karpaarai, nammai thaangi pidippavar! (sang. 73:26; 94:18) oruvēlai, naam ēdhaavadhu periya thavaru seidhuvittaalum, yegōvaa “mannikka thayaaraaga irukkiravar” enbadhai manadhil vaitthu avaridam marubadiyum naam pōgalaam. (sang. 86:5) adhuvum, rombavē sōrndhupōyirukkira samayatthil naam kandippaaga yegōvaavidam nerungi pōga vēndum.—sang. 103:13, 14.

‘kadavulidam nerungi pōngal’—endrendrum!

18. nammaal ēn endrendrum yegōvaavidam nerungi pōga mudiyum?

¹⁸ yegōvaavin valigalaiyum nyaanatthaiyum arivaiyum mulumaiyaaga ‘kandariya mudiyaadhu’ endru baibil solgiradhu. (rō. 11:33) adhanaal, naam yegōvaavai patri katrukkolvadharku mudivē kidaiyaadhu. avaridam nammaal endrendrum nerungi pōikkondē irukka mudiyum.

19. sangīdhatthil irukkira vaartthaigal namakku enna nambikkaiyai kodukkiradhu?

¹⁹ yegōvaavidam thodarndhu nerungi pōnaal aasīrvaadhangal indru mattumalla, endrendrum kidaikkum endru nīngal nichayam nambalaam. “ungal janamum, ungalaal mēikkappadugira aadugalumaana naangal, ungalukku endrendrum nandri solvōm. ungaludaiya pugalai thalaimurai thalaimuraikkum arivippōm” endru sonna sangīdhakkaararai pōla nammaalum solla mudiyum. (sang. 79:13) kadavulidam nerungi pōgappōga avar ‘endrendrum nam idhayatthin karpaaraiyaagavum nam pangaagavum iruppaar’!—sang. 73:26.