கிறிஸ்தவர்களாக வாழுங்கள்

படைத்தவரைப் பற்றி தெரிந்துகொள்ள மத நம்பிக்கை இல்லாதவர்களுக்கு உதவுங்கள்

மத நம்பிக்கை இல்லாதவர்களுக்கு சாட்சி கொடுக்க நீங்கள் தயங்குகிறீர்களா? அவர்கள் நம் செய்தியை ஏற்றுக்கொள்ள மாட்டார்கள் என்று நினைக்கிறீர்களா? அப்படியென்றால், இதை ஞாபகம் வைத்துக்கொள்ளுங்கள்: மத நம்பிக்கை இல்லாத நிறைய பேர், ஏன் கடவுள் நம்பிக்கையே இல்லாதவர்கள்கூட, யெகோவாவின் சாட்சிகளாக ஆகியிருக்கிறார்கள்! கடவுள் இருக்கிறார் என்பதற்கு சில ஆதாரங்களைக் காட்டினாலே போதும், அவர்கள் கண்டிப்பாக யோசிப்பார்கள்.—ரோ 1:20; 10:14.

நினைவில் வையுங்கள்—விசுவாசம் இல்லாதவர்களால்கூட விசுவாசத்தை வளர்த்துக்கொள்ள முடியும்!—மதப்பற்று இல்லாதவர்கள் என்ற வீடியோவைப் பார்த்துவிட்டு, இந்தக் கேள்விகளுக்குப் பதில் சொல்லுங்கள்:

மத நம்பிக்கை இல்லாத மக்களிடம் சாட்சி கொடுப்பதற்கு டோமாஸொவின் உதாரணம் உங்களுக்கு எப்படி உதவும்?

உங்கள் பதில்:

எப்படி செய்வது?

கடவுள்மேல் நம்பிக்கை இல்லை என்று ஒருவர் சொன்னால், அவரிடம் அன்பாகவும் சாதுரியமாகவும் பேசுங்கள். அவருடைய கருத்துகளுக்கும் உணர்வுகளுக்கும் மதிப்பு கொடுக்கிறீர்கள் என்பதை காட்டுங்கள். (2தீ 2:24) அவருடைய ஆர்வத்தை தூண்டும் விஷயங்களை பேசுங்கள். கடவுள் இருக்கிறார் என்பதை நிறைய பேர் நம்புவதற்கான ஆதாரங்களைப் பற்றி அவர் தெரிந்துகொள்ள விரும்புகிறாரா என்று பாருங்கள். ஆர்வம் காட்டினால், இதற்காகவே தயாரிக்கப்பட்ட பிரசுரங்களையும் வீடியோக்களையும் காட்டுங்கள். உங்களுக்கு உதவ, உயிர் படைக்கப்பட்டதா? என்ற ஆங்கில சிற்றேடும், உயிரின் தோற்றம்—சிந்திக்க ஐந்து கேள்விகள் என்ற சிற்றேடும் கற்பிப்பதற்கான கருவிகளில் சேர்க்கப்பட்டிருக்கின்றன.

கடவுள் நம்பிக்கை இல்லாத ஒருவரிடம் சத்தியத்தை சொல்ல நாம் ஒருவேளை முதலில் பயப்படலாம். அப்படி இருந்தால், அனுபவமுள்ள பிரஸ்தாபிகளிடம் உதவி கேளுங்கள். நல்மனம் படைத்த மக்களின் இதயத்தை தொடுவதற்கு யெகோவா கண்டிப்பாக உதவுவார் என்பதை மனதில் வையுங்கள்—அவர்களுக்கு கடவுள் நம்பிக்கை இல்லை என்றாலும் சரி!—அப் 13:48.