ஒப்பந்தப் பெட்டி

இது சாட்சிப் பெட்டி என்றும் அழைக்கப்பட்டது. வேல மரத்தால் செய்யப்பட்டு தங்கத் தகட்டால் மூடப்பட்டிருந்தது. முதலில், வழிபாட்டுக் கூடாரத்தின் மகா பரிசுத்த அறையில் வைக்கப்பட்டிருந்தது. பின்பு, சாலொமோன் கட்டிய ஆலயத்தின் மகா பரிசுத்த அறையில் வைக்கப்பட்டிருந்தது. இதன் மூடி முழுவதும் தங்கத்தால் செய்யப்பட்டிருந்தது. அந்த மூடியின் மேல் இரண்டு கேருபீன்கள் நேருக்கு நேராக இருந்தன. முக்கியமாக, பத்துக் கட்டளைகள் எழுதப்பட்ட இரண்டு கற்பலகைகள் அந்தப் பெட்டிக்குள் இருந்தன. இந்தக் கற்பலகைகள், சாட்சிப் பலகைகள் என்றும் அழைக்கப்பட்டன. (யாத் 25:22; 31:18; உபா 31:26; 1ரா 6:19; எபி 9:4)—இணைப்பு B5 மற்றும் B8-ஐப் பாருங்கள்.