ஊழியத்தில் திறமைகளை மெருகூட்ட... அக்கறை காட்டுங்கள்

ஏன் முக்கியம்? இயேசு கிறிஸ்து ஒவ்வொருவர் மேலும் அக்கறை காட்டினார். உதாரணமாக, காதுகேட்காத ஒரு ஆளை தனியாக அழைத்து சென்று குணப்படுத்தினார். ஏனென்றால், கூட்டத்தில் இருந்த எல்லாரும் பார்த்துக்கொண்டே இருந்தால், அவனுக்கு கூச்சமாக இருக்கும் என்று இயேசு புரிந்துகொண்டார். (மாற். 7:31-35) சீடர்கள் மேலும் அவர் அக்கறை காட்டினார். அவர்களுக்கு நிறைய விஷயங்களை சொல்லிக்கொடுக்க வேண்டியிருந்தது. ஆனால், அவர்களால் எல்லாவற்றையும் புரிந்துகொள்ள முடியாது. அதனால், அவர்களால் புரிந்துகொள்ள முடிந்த விஷயங்களை மட்டும் சொன்னார். (யோவா. 16:12) இயேசு பரலோகத்துக்கு போன பிறகுகூட மக்கள்மேல் அக்கறை காட்டினார். (2 தீ. 4:17) நாமும் இயேசுவைப் போலவே மற்றவர்கள்மேல் அக்கறை காட்ட வேண்டும். (1 பே. 2:21; 1 யோ. 3:16, 18) ஊழியத்தில் சந்திக்கிறவர்களின் சூழ்நிலை என்ன, அவர்கள் எதில் ஆர்வம் காட்டுகிறார்கள் என்று பார்க்க வேண்டும். சும்மா ஏதோ ஒரு விஷயத்தை சொல்லிவிட்டு, பத்திரிகை கொடுத்துவிட்டு போவதற்காக நாம் வரவில்லை; அவர்கள்மேல் உண்மையான அக்கறை இருப்பதால்தான் வந்திருக்கிறோம் என்று அவர்கள் புரிந்துகொள்ள வேண்டும். அப்போதுதான் நாம் சொல்வதை நன்றாக கேட்பார்கள்.