தனிப்பட்ட படிப்பை அதிக பலன்தரும் விதத்தில் செய்யுங்கள்

ஏன் முக்கியம்? தனிப்பட்ட படிப்பின்போது, பைபிள் சத்தியத்தின் ‘அகலமும் நீளமும் உயரமும் ஆழமும் என்னவென்று நம்மால் நன்றாகப் புரிந்துகொள்ள முடியும்.’ (எபே 3:18) இந்தப் பொல்லாத உலகத்தில், ‘வாழ்வு தரும் வார்த்தையை உறுதியாகப் பிடித்துக்கொள்ளவும்’ குற்றமோ களங்கமோ இல்லாமல் வாழவும் அது நமக்கு உதவி செய்யும். (பிலி 2:15, 16) தனிப்பட்ட படிப்பின்போது நமக்குத் தேவையான விஷயங்களை நாமே தேர்ந்தெடுத்துப் படிக்கலாம். பைபிளை வாசிக்கவும் ஆராய்ந்து படிக்கவும் நாம் செலவிடும் நேரத்தை எப்படி முழுமையாகப் பயன்படுத்திக்கொள்ளலாம்?

எப்படிச் செய்வது?

• தனிப்பட்ட படிப்புக்காக (புத்தக வடிவிலோ, எலெக்ட்ரானிக் வடிவிலோ) நீங்கள் வைத்திருக்கும் பைபிளில் வசனங்களைக் கோடுபோட்டு வையுங்கள், குறிப்புகளையும் எழுதி வையுங்கள்

• பைபிளைப் படிக்கும்போது, ‘யார்? எப்போது? எங்கே? ஏன்? எப்படி?’ போன்ற கேள்விகளைக் கேட்டுக்கொள்ளுங்கள்

• உண்மைகளை அலசிப் பாருங்கள். ஒரு விஷயத்தை அல்லது வசனத்தை ஆராய, ஆராய்ச்சிக் கருவிகளைப் பயன்படுத்துங்கள்

• நீங்கள் படிக்கும் விஷயம் உங்களுக்கு எப்படிப் பொருந்துகிறது என்பதை நன்றாக யோசித்துப் பாருங்கள்

• கற்றுக்கொள்ளும் விஷயங்களைத் தினசரி வாழ்க்கையில் கடைப்பிடியுங்கள்.—லூ 6:47, 48

“உறுதியாகப் பிடித்துக்கொள்ளுங்கள்”—ஆழமாகப் படிப்பதன் மூலம்! என்ற வீடியோவைப் பார்த்துவிட்டு, இந்தக் கேள்விகளுக்குப் பதில் சொல்லுங்கள்:

• தனிப்பட்ட படிப்பைப் பற்றிச் சிலர் என்ன சொல்கிறார்கள்?

• ஒவ்வொரு முறையும் தனிப்பட்ட படிப்பை ஆரம்பிப்பதற்கு முன்பு நாம் ஏன் ஜெபம் செய்ய வேண்டும்?

• பைபிள் பதிவு ஒன்றை நன்றாகப் புரிந்துகொள்ள எது நமக்கு உதவி செய்யும்?

• தனிப்பட்ட படிப்புக்காக நாம் பயன்படுத்தும் பைபிளில் எதையெல்லாம் குறித்து வைக்கலாம்?

• கடவுளுடைய வார்த்தையைப் படிப்பது மட்டுமல்லாமல், அதைப் பற்றி ஆழ்ந்து யோசிப்பதும் ஏன் முக்கியம்?

• தனிப்பட்ட படிப்பில் கற்றுக்கொள்ளும் விஷயங்களை நாம் என்ன செய்ய வேண்டும்?