நான் ஆபாசத்துக்கு அடிமையாகியிருந்தால் என்ன செய்வது?

இதையெல்லாம் செய்து பாருங்கள்:

ஆபாசத்தைப் பற்றிய உண்மையைப் புரிந்துகொள்ளுங்கள். ஆபாசம் கீழ்த்தரமானது. கடவுள் எதை மதிப்புள்ளதாகப் படைத்தாரோ அதைக் கொச்சைப்படுத்துகிறது. இந்த உண்மையைப் புரிந்துகொள்வது, ‘கெட்ட காரியங்களை வெறுக்க’ உங்களுக்கு உதவும்.—சங்கீதம் 97:10.

விளைவுகளை யோசியுங்கள். ஆபாசம், அதில் காட்டப்படுபவர்களையும் அதைப் பார்ப்பவர்களையும் கேவலப்படுத்துகிறது. அதனால்தான் பைபிள் இப்படிச் சொல்கிறது: “சாமர்த்தியசாலி ஆபத்தைப் பார்த்து மறைந்துகொள்கிறான்.”—நீதிமொழிகள் 22:3.

தீர்மானம் எடுங்கள். “என் கண்களை அலையவிடக் கூடாது என்று தீர்மானம் செய்திருக்கிறேன்” எனக் கடவுள்பக்தியுள்ள மனிதராகிய யோபு சொன்னார். (யோபு 31:1) நீங்கள் இதுபோன்ற தீர்மானங்களை எடுக்கலாம்:

• நான் தனியாக இருக்கும்போது இன்டர்நெட்டைப் பயன்படுத்த மாட்டேன்.

• இன்டர்நெட்டைப் பயன்படுத்தும்போது திடீரென ஆபாசமான ஒரு மெசேஜோ வெப்சைட்டோ வந்தால் அதை நான் உடனே மூடிவிடுவேன்.

• மறுபடியும் நான் ஆபாச படத்தைப் பார்த்துவிட்டால் முதிர்ச்சியுள்ள ஒரு நண்பரிடம் பேசுவேன்.

ஜெபம் செய்யுங்கள். “வீணான காரியங்களைப் பார்க்காதபடி என் கண்களைத் திருப்புங்கள்” என்று சங்கீதத்தை எழுதியவர் யெகோவா தேவனிடம் கெஞ்சிக் கேட்டார். (சங்கீதம் 119:37) நீங்கள் இந்தப் பழக்கத்திலிருந்து விடுபட வேண்டுமென்று கடவுள் விரும்புகிறார்; அதனால், நீங்கள் அவரிடம் ஜெபம் செய்தால், சரியானதைச் செய்வதற்கான பலத்தை அவர் உங்களுக்குக் கொடுப்பார்.—பிலிப்பியர் 4:13.

யாரிடமாவது பேசுங்கள். இந்தப் பழக்கத்திலிருந்து விடுபடுவதற்கு நெருங்கிய நண்பரிடம் மனம்திறந்து பேசுவது முக்கியம்.—நீதிமொழிகள் 17:17.

இதை ஞாபகம் வையுங்கள்: ஒவ்வொரு முறையும் நீங்கள் ஆபாசத்தைத் தவிர்க்கும்போது உங்களுக்குப் பெரிய வெற்றி கிடைக்கிறது. அந்த வெற்றியைப் பற்றி யெகோவா தேவனிடம் சொல்லுங்கள்; உங்களுக்குப் பலம் கொடுத்ததற்காக அவருக்கு நன்றி சொல்லுங்கள். ஆபாசத்தைத் தவிர்ப்பதன் மூலம் நீங்கள் அவருடைய இதயத்தை சந்தோஷப்படுத்துகிறீர்கள்.—நீதிமொழிகள் 27:11.