அடிக்குறிப்பு

a மிகவும் நம்பத்தக்க பைபிள் கையெழுத்துப் பிரதிகளில், 44 மற்றும் 46-ஆம் வசனங்கள் காணப்படுவதில்லை. இந்த இரு வசனங்களும் பின்னர் சேர்க்கப்பட்டவையாக இருக்கலாம் என்று அறிஞர்கள் ஒத்துக்கொள்கிறார்கள். பேராசிரியர் ஆர்ச்சபால்ட் டி. ராபர்ட்ஸன் இவ்வாறு எழுதுகிறார்: “மிகப் பழமையான, நம்பத்தக்க கையெழுத்துப் பிரதிகளில் இவ்விரு வசனங்கள் காணப்படுவதில்லை. இவை மேற்கத்திய மற்றும் சீரிய (பைஸன்டைன்) கையெழுத்துப் பிரதிகளின் தொகுதிகளிலிருந்து எடுக்கப்பட்டவை. 48-ஆம் வசனத்தில் உள்ள வார்த்தைகளே 44 மற்றும் 46-ஆம் வசனங்களில் திரும்பவும் குறிப்பிடப்பட்டுள்ளன. எனவே, இந்த இரண்டு வசனங்களை [விட்டுவிடுகிறோம்].” தமிழில் பொது மொழிபெயர்ப்பு, கத்தோலிக்க பைபிள், ஈஸி டு ரீட் வர்ஷன் ஆகிய பைபிள்களில் 44 மற்றும் 46-ஆம் வசனங்கள் விடப்பட்டிருப்பதையும், அவற்றிற்கு அடிக்குறிப்பு கொடுக்கப்பட்டிருப்பதையும் நாம் கவனிக்கலாம். இந்த “வசனங்கள் சில முக்கியமல்லாத கையெழுத்துப் படிகளில் மட்டுமே காணப்படுகிறது” என பொது மொழிபெயர்ப்பு பைபிளிலுள்ள அடிக்குறிப்பு சொல்கிறது. இவை, சில கிரேக்க பிரதிகளில் மட்டுமே இருப்பதாக மற்ற இரு மொழிபெயர்ப்புகளும் அடிக்குறிப்பில் தெரிவிக்கின்றன.