மறக்கப்படாத நல்ல செயல்கள்

யெகோவாவின் நினைவைவிட்டு நீங்காத நல்ல செயல்களை அவருடைய மக்கள் ஒவ்வொருவராலும் செய்ய முடியும். ஓர் அன்பான அப்பா தன்னுடைய பிள்ளைகள் செய்யும் நல்ல விஷயங்கள் எவற்றையும் மறக்க மாட்டார். அதேபோல், நம்முடைய உழைப்பையும் யெகோவாவின் பெயருக்காக நாம் காட்டிய அன்பையும் யெகோவா மறக்க மாட்டார். (மத் 6:20; எபி 6:10) ஒவ்வொருவருடைய திறமைகளும் சூழ்நிலைகளும் வேறுபடுகின்றன என்பது உண்மைதான். இருந்தாலும், யெகோவாவுக்காக முழுமூச்சோடு சேவை செய்யும்போது, நாம் சந்தோஷமாக இருக்கலாம். (கலா 6:4; கொலோ 3:23) பல வருஷங்களாக, ஆயிரக்கணக்கான சகோதர சகோதரிகள் பெத்தேலில் சேவை செய்திருக்கிறார்கள். உங்களால் பெத்தேலில் சேவை செய்ய முடியுமா? இல்லையென்றால், பெத்தேல் சேவை செய்யும்படி யாரையாவது உற்சாகப்படுத்த முடியுமா? அல்லது, தொடர்ந்து பெத்தேலில் சேவை செய்ய பெத்தேல் ஊழியர் யாருக்காவது உதவ முடியுமா?

பெத்தேல் சேவை செய்ய முன்வாருங்கள் என்ற வீடியோவைப் பார்த்துவிட்டு, இந்தக் கேள்விகளுக்குப் பதில் சொல்லுங்கள்:

• பெத்தேல் சேவை செய்ய எது உங்களைத் தூண்ட வேண்டும்?

• பெத்தேல் சேவை செய்வதால் கிடைக்கும் ஆசீர்வாதங்களைப் பற்றி சிலர் என்ன சொல்கிறார்கள்?

• பெத்தேலில் சேவை செய்ய என்ன தகுதிகள் தேவை?

• பெத்தேல் சேவைக்கு நீங்கள் எப்படி விண்ணப்பிக்கலாம்?