நியுசிலாந்தைச் சுற்றிப் பார்க்கலாமா?

சுமார் 800 வருஷங்களுக்கு முன்பு, மயோரி (Maori) என்று அழைக்கப்படும் பழங்குடி மக்கள், கடல் வழியாக பல ஆயிரக்கணக்கான மைல்களைக் கடந்துவந்து நியுசிலாந்தில் குடியேறினார்கள். இது, அவர்கள் விட்டுவந்த பாலினேசிய வெப்பமண்டல தீவுகளைப் போல இல்லாமல் ஒரு நிலப்பகுதியாக இருந்தது. இந்த இடம் மலைகளாலும், பனிக்குன்றுகளாலும், வெந்நீர் ஊற்றுகளாலும், பனியாலும் நிறைந்திருந்தன. சுமார் ஐந்து நூற்றாண்டுகளுக்குப் பிறகு, வேறொரு இன மக்கள், தொலைதூரத்தில் இருந்த ஐரோப்பாவிலிருந்து இங்கே வந்து குடியேறினார்கள். ஆங்கிலோ-சாக்ஸன் மற்றும் பாலினேசிய ஆரம்பத்தைக் கொண்ட பாரம்பரியங்கள் இன்றும் நியுசிலாந்தில் இருக்கின்றன. ஏறக்குறைய 90 சதவீத மக்கள் நகரங்களில் வாழ்கிறார்கள். வெலிங்டன் நியுசிலாந்தின் தலைநகரம்; இது, உலகத்தின் தெற்குப் பகுதியில் அமைந்திருக்கிறது.

நியுசிலாந்தில் கண்ணைக் கவரும் இயற்கை காட்சிகள் நிறைய இருக்கின்றன. நியுசிலாந்து தனிமைப்படுத்தப்பட்டு இருந்தாலும், ஒவ்வொரு வருஷமும் கிட்டத்தட்ட 30 லட்சம் சுற்றுலா பயணிகள் இங்கே வருகிறார்கள்.

இங்கே வித்தியாசமான வனவிலங்குகளும் இருக்கின்றன. பறக்க முடியாத பறவை இனங்கள் உலகத்திலேயே இங்கேதான் அதிகம் இருக்கின்றன. பல்லியைப் போன்று இருக்கும் டுவடாரா (tuatara) என்ற ஊரும் பிராணியும் இங்கே இருக்கிறது; இது சுமார் 100 வருஷங்கள் வாழக்கூடியது! பாலூட்டி இனமான சில வகை வௌவால்கள் இங்கே இருக்கின்றன. அதோடு, திமிங்கலம் மற்றும் டால்ஃபின் உட்பட சில பெரிய வகையான கடல்வாழ் பாலூட்டிகளும் இங்கே இருக்கின்றன.

ஏறக்குறைய 120 வருஷங்களாக, யெகோவாவின் சாட்சிகள் இங்கே ஊழியம் செய்துவருகிறார்கள். நியூவன், ரரோடாங்கன், சமோவான், டோங்கன் போன்ற பாலினேசிய மொழிகள் உட்பட, குறைந்தபட்சம் 19 மொழிகளில் இவர்கள் பைபிளைப் பற்றி மற்றவர்களுக்குக் கற்றுக்கொடுக்கிறார்கள். ◼