¿Jeobá ʼla gepú ramué?

Onorúgame ʼla gepume ju napuʼlige raʼicha alué ʼyuga (1 Pedro 3:12)

Jeobá ʼla gepume ju napuʼlige raʼicha alué ʼyuga (Hechos 10:31). Alué najkí api ramué raʼichámala alué ʼyuga napu ramué nili pachá sulálachi.

Mué raʼichámili ju Jeobá ʼyuga ʼlige tabilé ʼwesi che bilé.

Umeba Onorúgame ʼyuga raʼichalia apiépiri tábiri (1 Juan 5:14)

Raʼichawa Onorúgame ʼyuga Esusi rewalá gite. Alarigá mué cheliera ʼya napu alué ʼsile mué gite.

Mué taní api pe ʼwe jena gawichí ʼla sébali ikimela napu Onorúgame najkí, alarigá napurigá ʼpa rewagachi ʼma sébali ikí.

Mué taní Onorúgame guʼiri apirigá ʼwe aʼlá ʼsímala, apirigá nóchali inímala, bilé galí, oʼpacha ʼlige goʼame inímala. Mué abiena ikiru tani Onorúgame apirigá nejímala iwérali alué ralómeli nayume ju.