LECCIONI 11
Churigá beníriwa abé alué Biblia
¿Iʼsínimi resibaka ajtí mué napu ʼnata ʼwe nochárime nímala? Apirigá tabilé nímala waʼlú nóchali wanápali nasípali. Alarigá ju napu leeria alué Biblia. Mué rukériame ju: «¿Koche chojkiwa?». Ye leccioni beniboa bilé rejcholi ʼwe najtékame apirigá mué ʼwe raʼsálagá asimela napu leeria ʼlige beniria alué Biblia.
1. ¿Chonigá ju ʼwe a’lá leeria alué Biblia nabí rawé?
Alué ralámuli leeria nabí alué Biblia, o «napu Jeobá nulá», ʼwe raʼsálagá asimela ʼwe aʼlá asimela (leériwa Salmo 1:1-3). Napu chojkía, leériwa peʼwera minuto nabí rawé. Abé machiá Onorúgame Raʼíchali, abé ganílimala leeria.
2. ¿Leeria alué Biblia, tachiri guʼiri apirigá abé benimela mué?
Apirigá náume napu aní alué Biblia leériwa kilí ʼlige naʼtawa napu leeria. Ye líburu tabilé ju apirigá leériwa, abiena ju apirigá «naʼtawa boʼné» (Josué 1:8). Napu mué leeria, rukériwa ye: «¿Tachiri aní neʼchí alué Jeobá ye versículo? ¿Churigá unémala ne ye apirigá ʼwe aʼlá netémala? ¿Churigá unémala apirigá guʼírimala uché jaré?».
3. ¿Churigá wanapa pe’wera apirigá leériwa alué Biblia?
¿ʼWe ʼnóchali ju apirigá wanapa peʼwera apirigá leériwa alué Biblia? Suwábaga alarigá ju. Nochawa apirigá ʼwe aʼlá unewa «alué peʼwera apirigá netewa tábiri ʼwe aʼlá» (Efesios 5:16, TNM). Nabí rawé wanapa bilé ʼora apirigá leériwa alué Biblia. Jaré leériame ju beʼalí nabí rawé. Uché jaré aʼlí leériame ju, napu resibachi apirigá goʼmea. ʼLige uché jaré leériame ju alué Biblia rukó, taʼchó gojchiá. ¿Mué chiéniko ʼwe aʼlá apirigá mué leérimala alué Biblia?
ABÉ BENIBOA
Beniboa cho ʼsímala mué napu leérisa alué Biblia apirigá tabilé nasínamala mué. Jena rewiboa jaré raʼíchali alarigá nejkúrimala ramué apirigá ʼwe aʼlá beníriwa ʼlige abiena ʼwe aʼlá beníriwa napu ju curso Bíbliaka.
Alarigá churigá beniria goʼame raʼíliga, alarigá ju leeria alué Biblia.
4. Beniboa ʼwe ganíliga asagá napu leérisa alué Biblia
Rekó ʼwe nóchame ju leeria alué Biblia siné bajchá. Ju apirigá mué goʼsá bilé goʼame tabilé tajsiné goʼáliame mué alarigá simíriachi rawé mué ʼma raʼílame ju alué goʼame alarigá ju leeria alué Biblia «ʼwe galériame nímala». Leériwa 1 Pedro 2:2, TNM ʼlige raʼichawa ye:
¿Mué mayé leeria alué Biblia nabí rawé abé galémala aminami aʼkué leérimala najkimela?
Eʼnewa alué VIDEO alarigá machiboa jaré ejtemali churigá beniri tabilé nasínamala leeria alué Biblia. ʼLige raʼichawa ye:
¿Tachiri nile ʼwe nóchali alué ejtemali napu maʼchíname alé video?
¿Tachiri guʼírile apirigá tabilé guwana rujsúmala?
¿Cho nokale apirigá leeria alué Biblia ʼwe nirárime nile?
Chu iʼsiwa apirigá chojkiwa:
Chaʼpiboa bilé Biblia napu mué mayé ʼlige tabilé nóchame ju leeria. Leériwa peʼtá Traducción del Nuevo Mundo ʼla chujkusá napu mué raʼíchali ju.
Leériwa napu mué ʼwe aʼlá galé. Alé rewimela mué bilé tabla «Churigá netewa apirigá chojkiwa leeria alué Biblia».
Osiboa napu mué koche si leeria. Unewa alué tabla «Osiboa napu mué koche si leeria ne», uchúkame ju ye oselichi.
Unewa alué aplicación JW Library®. Mué uchasa ye aplicación alé teléfonchi o tableta, alé leérimala aminami akémala alué Biblia napu mué ajtígachi.
Unewa napu uchúkame ju uché jaré alé Traducción del Nuevo Mundo. Alé rewimela jaré mapa, jaré tabla ʼlige bilé diccionario alarigá mué guʼírimala napu mué leérisa alué Biblia.
5. Beníriwa bajchabé taʼchó chojkígachi curso Bíbliaka
Leériwa Salmo 119:34 ʼlige raʼichawa ye:
¿Chonigá ʼwe aʼlá netewa bajchá oracioni taʼchó leeria alué Biblia o beniria napu ju alué curso Bíbliaka?
¿Churigá benírimala aʼpili napu ju alué curso Bíbliaka? Napu beniri alué leccioni ye curso, newawa ye:
Leériwa suwábaga párrafo napu ju bajchá aʼpili leccioni.
ʼYáawa suwábaga texto bíblico, leériwa ʼlige naʼtawa churigá beniri napu mué benile.
Marcáriwa alué raʼíchali napu nejériame ju alué rukériame. Ye nejkúrimala napu mué beníriachi beníriame ʼyuga.
¿Mué ʼma machime nile?
Alué testigo Jeobá ramué unériame ju weʼká Biblia, ʼwe galériame ju alué Traducción del Nuevo Mundo napugiti ʼla bijchiá raʼíchame ju ʼlige siné raʼíchame ju, ʼlige unewa alué Onorúgame rewalá (eʼnewa ye artículo alé jw.org: «¿Nígame ju alué testigo Jeobá aʼboi Biblia?»).
JARÉ RALÁMULI ANÍ: «Beniria alué Biblia ju ʼwe nóchali. Tabilé nígame ju peʼwera, ne tabilé neténali ye».
¿Mué tachiri ʼnata?
ABÉ NAJTÉKAME
Mué abé machinali alué Biblia, wanapa bilé ʼora apirigá leériwa, tániwa Onorúgame apirigá náume napu mué leeri ʼlige beníriwa bajchabé napu niga alué curso Bíbliaka.
Api mué ʼma benile
¿Tachiri nejkúrimala machimela abé napu beniri alué Biblia?
¿Tachiri ʼora rawélachi beniria mué alué Biblia?
¿Chonigá ju ʼwe najtékame mué benírisa bajchá taʼchó chojkía alué curso Bíbliaka?
UCHÉ RAJPÉ ʼYÁAWA
Eʼnewa jaré tábiri guʼírimala namia napuʼlige mué leérichi alué Biblia.
«Leériwa ʼwe ganíliga alué Biblia» (La Atalaya, núm. 1 2017)
Eʼnewa baikiá tábiri churigá leeria alué Biblia.
Eʼnewa churigá ʼwe ganíliga leeria alué Biblia.
Eʼnewa tachiri aní jaré ralámuli weʼká bamígame ʼma leeria alué Biblia.