LECCIONI 01
¿Churigá ʼla gu’iri mué alué Biblia?
We’ká ralámuli ruké chonigá resí nili, chonigá mukúriame ju, chu ikimela pe aʼminana, abéchigó ramué ʼwe ʼnata churigá enomí mémala apirigá guʼiri alué rejimala ʼlige apirigá ʼwe ganíliga mochímala. We’ká ralámuli ʼma machí alué Bíbliachi nejériame ju ye rukélime ʼwe najtékame ʼlige abéchigó beniri ʼwe aʼlá rejcholi apirigá ʼwe a’lá ejperéliwa. ¿Mué ka ʼla bijchigi napu aní alué Biblia guʼiri uché jaré ralámuli mué machí?
1. ¿Tachiri beniri alué Biblia?
Alué Biblia beniri ye tábiri ʼwe najtékame: ¿churigá chojkile suwábaga tábiri?, ¿chonigá ajagá mochiru?, ¿chonigá resí nili ralámuli aʼlala?, ¿chu ikíliame ju ramué mukusá?, ¿chonigá ʼwe nerú guerra suwábaga najkiru apirigá kilí mochíliwa?, ¿chu ikimela alué gawí? Alué Biblia nepari apirigá ramué ʼyáawa napu alué Biblia beníriame. We’ká milloni ralámuli ʼma benile ʼlige ʼwe ganíliga mochí jipe.
2. ¿Churigá nejkuri alué Biblia apirigá ʼwe raʼsálagá ejperéliwa nabí?
Alué Biblia ramí beniri ʼwe aʼlá rejcholi, beníriame ju alué rejimala apirigá ʼwe ganíliga ejperélimala, abiena ramí aní churigá tabilé weʼká tábiri ʼnátaga mochiwa ʼlige churigá ʼwe ganíliga nocha. Napuʼlige ramué beníriachi ye oselí mué benimela weʼká tábiri napu alué Biblia ruwí. Mué ʼla machimela api «suwábaga ye raʼíchali [suwábaga napu aní alué Biblia] [...] ʼwe ʼla ju» (2 Timoteo 3:16).
Ye oselí tabilé Biblia ju, nobi ʼla guʼírimala apirigá mué námamala alué Biblia. Alekeri leériwa suwábaga textos bíblicos api uchúkame alé leccioni. Mué naʼtawa napu mué bení alué Biblia beníriame ju.
ABÉ BENIBOA
Eʼnewa churigá alué Biblia guʼírile uché jaré ralámuli, tachiri nokiboa apirigá ʼwe ganíliga leeri ʼlige chonigá abé ʼla ju napuʼlige uché bilé ralámuli nejkúrime ju apirigá ʼla námamala.
3. Alué Biblia ramí oʼtome
Alué Biblia napurigá bilé raʼósili ju api rajeme napuʼlige boichimi enágichi. Nejkuri ramué apirigá ʼwe aʼlala nokiboa ʼlige apirigá machiá chu ikimela pe aʼminana.
Leériwa Salmo 119:105 ʼlige raʼichawa ye:
Alué oságame ye salmo, ¿tachiri ʼnátame nile alué Biblia?
¿Tachiri ʼnata mué alué Biblia?
4. Alué Bíbliachi nejériame ju ramué rukélime
Bilé mukí benile api alué Biblia ruwí weʼká tábiri api alué weʼká bamí machinale. Eʼnewa alué VIDEO ʼlige raʼichawa ye:
¿Tachiri tábiri machinale alué mukí?
¿Churigá gu’írile beniá alué Biblia?
Alué Biblia aní api ramué rukéliwa. Leériwa Mateo 7:7 ʼlige raʼichawa ye:
¿Mué mayé alué Biblia aní alué mué rukélime? ¿Chieri ba?
5. ʼWe ganíliga mochiru napuʼlige leeri alué Biblia
Weʼká ralámuli galé leeri alué Biblia abiena ʼla guʼiro. Eʼnewa alué VIDEO ʼlige raʼichawa ye:
¿Tachiri ʼnata alué ejtemali alué leeria?
¿Tachiri ʼnata leeria alué Biblia?
Napu alué Biblia beníriame ʼwe oilárime ju ramué ʼlige ikiru ʼla ganíliga buigá mochiwa. Leériwa Romanos 15:4 ʼlige raʼichawa ye:
¿Mué abé benínali napu alué Biblia beniri pe aʼminana ikimela?
6. ʼWe a’lá námamala alué Biblia napuʼlige uché bilé ralámuli nejkúrame
Rekó bilé ralámuli biʼneli leeri alué Biblia abé ʼla ju napuʼlige uché bilé ralámuli guʼiri alué. Leériwa Hechos 8:26-31 ʼlige raʼichawa ye:
¿Tachiri nejkúrimala apirigá námamala alué Biblia? (Eʼnewa alué versículos 30 ʼlige 31).
Bilé ralámuli guʼírole alué rió Etiopía bejtégame apirigá ʼla námamala alué Onorúgame nila raʼíchali. Jipe rawé aminami bilé ralámuli bení alué Biblia ʼlige uché bilé ralámuli guʼiro.
JARÉ RALÁMULI ANÍ: «Beniá alué Biblia tabilé najtékame ju».
¿Tachiri aní mué? ¿Chonigá?
ABÉ NAJTÉKAME
Alué Biblia beniri ʼwe aʼlá rejcholi, beniri tábiri ʼwe najtékame, abiena oilari ramué ʼlige nejkuri apirigá ganíliga buigá mochiwa.
Api mué ʼma benile
¿Chieri ba rejcholi uchú alué Bíbliachi?
¿Chieri ju jaré rukélime api nejériame ju alué Bíbliachi?
¿Tachiri benínali mué alué Bíbliachi?
UCHÉ RAJPÉ ʼYÁAWA
Bení chonigá napu beniri alué Biblia ʼla nejkuri ramué jipe rawé.
«Napu beniri alué Biblia ʼwe aʼlá ju jipe rawé» (La Atalaya, núm. 1 2018)
Eʼnewa churigá alué Biblia guʼírole bilé rió napuʼlige towí nile ʼwe sewékame asale.
Bení churigá alué Biblia guʼiri alué oʼnola, eyela ʼlige ʼkúchila apirigá ʼwe ganíliga ejperémala.
Weʼká ralámuli tabilé machí chieri nulá jena gawichí. Alué Biblia beniri alué bijchiá. Eʼnewa.