LECCIONI 12
¿Tachiri mué guʼírimala apirigá abijí beniá alué Biblia?
Beniá alué Biblia ju napurigá simí we’kaná paseáriwa ʼlige weʼká tábiri machiá. Nobi iʼsínimi ʼwe nóchali kame. ʼLige kérémá mué ʼnata siné kachi tabilé ʼcho aminami beninálisa alué Biblia. ¿Chonigá ʼwe aʼlá ju iwériga olá? ¿Tachiri guʼírimala mué apirigá bajcháame einámala rekó tábiri chátiri ikí?
1. ¿Chonigá ʼwe aʼlá ju beniá alué Biblia?
«Onorúgame raʼichálilaka ʼwe aʼlá nejkúrame ju» (Hebreos 4:12). Alué Biblia bilé líburu ʼwe nirárime ju napugiti aní tachiri ʼnata Onorúgame ʼlige chu nilia mué gite. Guʼírimala mué apirigá uché rajpé machimela nobi abiena guʼírimala apirigá ʼwe aʼlá ʼsímala mué ʼlige ʼwe raʼsálagá buigá asimela. Abé najtékame ju alué Biblia mué guʼiro apirigá Jeobá amígola gainawa. Alué Biblia guʼírame ju apirigá ʼwe aʼlá ralámuli nímala mué.
2. ¿Chonigá ʼwe aʼlá ju mué machiá alué Biblia chiena najtékame ju?
Napu alué Biblia beniri napurigá tábiri najtékame ju. Alekeri alué Biblia ramué aní: «Raliboa ʼla bijchiá ʼlige tabilé siné ralinewa» (Proverbios 23:23). Napuʼlige machisá napu beniri alué Biblia ʼwe najtékame ju, iwériga olámala mué apirigá abijí beniá rekó tábiri chátiri simírame (leériwa Proverbios 2:4, 5).
3. ¿Churigá Jeobá guʼírimala mué apirigá tabilé aʼrémala beniá?
Napugiti Jeobá newale suwábaga tábiri aminami wa’lú aʼwalí inígame ju ʼlige mué amígola ju, alekeri ʼwe aʼlá machí mué ʼlige aminami guʼírinali apirigá mué abé machimela alué. Alué Onorúgame «nejkuri apirigá olánili alué tábiri ʼlige aʼwalí nejí» (leériwa Filipenses 2:13, TNM). ʼLiko Onorúgame mué guʼírimala apirigá mué benínali ʼlige eʼwánali napu alué aní. ʼLige Onorúgame mué nejímala aʼwalí apirigá anachámala napuʼlige gawélichi mueka ʼlige cha oláriame nisa. Tabilé aʼrewa tani guʼiro Jeobá apirigá abijí beniá alué Biblia (1 Tesalonicenses 5:17).
ABÉ BENIBOA
Eʼnewa tachiri ʼsímala ju mué apirigá aminabi benimela mué alué Biblia rekó ujché jaré ayochi mué si o rekó mueka ʼwe nochie. Abéchigó eʼnewa churigá nejkúrimala Jeobá apirigá bajcháame einámala mué.
4. Beniá alué Biblia ʼwe najtékame ju. Tabilé weʼkawawa
Iʼsínimi ʼwe nóchali ju wanapa peʼwera apirigá benimela alué Biblia. ¿Chonokiboli ju? Leériwa Filipenses 1:10 ʼlige raʼichawa ye:
Tachiri mué ʼnata, ¿«chieri raʼíchali ka ʼla najteme»?
¿Chu ʼsímala ju mué apirigá beniá alué Biblia bajchá nímala?
Napuʼlige mué bochiasa bilé baso satete ʼlige aminami najkí moʼá weʼká rejté alé básochi, tabilé sebámala.
Nobi, mué bajchá moʼásaká alué rejté, abiena moʼámala amulí suwábaga saté. Alieri ju, mué bajchá ilísaká alué tábiri «ʼla najteme», ʼliko mué ʼsímala ju napu Onorúgame najkí ʼlige abiena uché jaré tábiri taʼmé najtékame ʼsímala ju.
Ramué netériame ju apirigá machimela Onorúgame ʼlige apirigá nirawa Onorúgame. Alekeri napuʼlige beníriachi alué Biblia ʼwe ganíliga mochiru. Leériwa Mateo 5:3, TNM ʼlige raʼichawa ye:
ʼLa beniá alué Biblia bajchá ju, ¿churigá nejkúrimala?
5. Bajcháame eʼyéniwa mué rekó jaré ralámuli ʼwe ayó
Iʼsínimi ujché jaré ralámuli animela mué tabilé bení alué Biblia. Eʼnewa napu ikile alué rió Francesco aniliame. Eʼnewa alué VIDEO ʼlige raʼichawa ye:
Napuʼlige Francesco anisá alué rejimala ʼlige amígola napu boʼné beniá ajtime nile ¿tachiri ʼnátale aʼboi?
¿Chonigá ʼwe aʼlá nile Francesco aminabi simela?
Leériwa 2 Timoteo 2:24, 25 ʼlige raʼichawa ye:
¿Tachiri ʼnata alué rejimala ʼlige amígola napu beniá ajtí mué?
Napurigá aní ye raʼíchali, ¿chu ʼsímala ju mué napuʼlige jaré anisá mué tabilé bení alué Biblia? ¿Chonigá?
6. Bijchiwa api Jeobá guʼírimala mué
Napuʼlige Onorúgame amígola nisa, ʼwe najkiaru boʼné ʼwe raʼsálagá asimela ramué si. Nobi, weʼsá ʼwe nóchali ju eʼwá napu alué nulá. Alarigá simírisaká mué, tabilé guwana rujsuwa, Jeobá guʼírimala mué. Eʼnewa alué VIDEO ʼlige raʼichawa ye:
Napurigá eteru alé vidéochi, ¿tachiri ʼsile Jim apirigá netea napu Jeobá nulá?
¿Tachiri galele mué napu ʼsile Jim?
Leériwa Hebreos 11:6 ʼlige raʼichawa ye:
¿Chu ʼsímala ju Jeobá suwábaga ralámuli «napu ʼwe aʼlá bijchígime ju alué», ralámuli iwériga olame apirigá machimela boʼné ʼlige eʼwánili?
¿Tachiri mayé mué chu nili Jeobá napuʼlige eté iwériga olame mué apirigá beniá alué Biblia?
JARÉ RALÁMULI RUKÉ: «¿Chonigá mué beniá ajtí alué Biblia?».
¿Tachiri nejémala mué?
ABÉ NAJTÉKAME
Iʼsínimi beniá alué Biblia ʼwe nóchali ju, nobi guʼírimala mué apirigá ʼwe raʼsálagá nabí bejtewa. Mué aminami bijchígisaká Jeobá, boʼné weʼká tábiri semátiri nejímala mué.
Api mué ʼma benile
¿Chonigá mué ʼla niraga eté api beniri alué Biblia?
Napuʼlige mué machisá «chieri raʼíchali ka ʼla najteme», ¿chu ʼsímala ju mué?
¿Chonigá tánimili ju Jeobá guʼiro apirigá abijí beniá alué Biblia?
UCHÉ RAJPÉ ʼYÁAWA
Eʼnewa naó tábiri guʼíriga alué ralámuli aʼlá unémala alué ʼora.
«Churigá aʼlá unémala alué ʼora» (¡Despertad!, febrero de 2014)
Bilé mukí eʼwánili Onorúgame nobi boʼné gunala tabilé náume nile chonigá neteme nile ye. Eʼnewa churigá Jeobá guʼírile alué.
Jeobá aʼwalí nejí ramué apirigá anachámala napuʼlige resí ikichi (5:05)
Eʼnewa churigá bilé mukí guʼírile boʼné gunala napugiti nabí ʼsile napu Jeobá najkime.
Iʼsínimi jaré aní alué testigo Jeobá rojanálime ju alué rejimala. ¿ʼLa bijchiá ju?
«¿Alué testigo Jeobá rojanálime ju alué rejimala o napuílime ju?» (Artículo de jw.org)