LECCIONI 27
¿Chonigá ramué nejkuri Esusi mukúriame?
Alué bajchá okánika ralámuli—Arani ʼlige Eba—tabilé eʼwale Onorúgame. Alekeri ramué pekador niru, resí níliru ʼlige mukú.a Tabilé chálagá mochiwa, Jeobá netele bilé tábiri ʼwe aʼlá apirigá bujémala alué pekado ʼlige mukiame. Jeobá unele boʼné Inolá, Esukristo. Alué Biblia beníriame ju, Esusi mukúriame si, najtétile. Bilé najtétirime ju apirigá najtétiwa apirigá supámala bilé ralámuli. Napu Esusi najtétile boʼné ajáliame ʼla sébali olame gite (leériwa Mateo 20:28). Esusi tabilé mukumela nile, boʼné najkile mukuméliga apirigá guʼíriga ramué. Alarigá ramué nígame niwa napu alué Arani ʼlige Eba weʼkáule. Alarigá boʼné beniri ramué Jeobá ʼlige boʼné Esusi ʼwe galé ramué. Ye leccioni guʼírimala mué apirigá cheliera ʼyámala Esusi napu boʼné mukúriame gite.
1. ¿Churigá guʼiri jipe Esusi mukúriame?
Ramué pekador niru, alekeri neteme weʼká tábiri napu Jeobá tabilé galeme ju. Ramué najkísaká ʼwe aʼla amígola Onorúgame niwa aʼlá bijchiá aʼresa netea pekado ʼlige tániwa Jeobá apirigá ramué eʼkámala sebáriwa nasipa iligá Esusi. ʼLige nochawa apirigá tabilé netewa ujché siné alué eʼkali (1 Juan 2:1). Alué Biblia aní: «[Kristo pe siꞌnepi mukule ramue pekado gite], Esukrístoka rekó tabilé che ꞌsíkame ke abirigá meꞌlíliru, alué cha nokame ralámuli neraga. Alueka mukúlekuru napurigá ramué ꞌla Onorúgame oyériwa» (1 Pedro 3:18).
2. ¿Churigá guʼírimala ramué aʼkinana napu Esusi mukúriame?
Jeobá nulale boʼné Iʼnolá apirigá nejímala boʼné ajáliame ʼla sébali olame «suwábamala napu bijchígame Esusi tabilé mukumela bejtémala nabí» (Juan 3:16, TNM). Cheliérabá napu Esusi newale, Jeobá pe ʼwe bujémala suwábaga chátiri napu aʼrele Arani. Yeka ju, ramué nígame niwa aʼlá bijchiá fe napu Esusi mukúriame, alarigá bejtewa ʼwe raʼsálagá jena gawichí ‘ya ʼma netériame ʼwe semátiri (Isaías 65:21-23).
ABÉ BENIBOA
Beníriwa chonigá nejile boʼné ajáliame Esusi ʼlige churigá guʼiri ramué ye.
3. Napu Esusi mukule bujériame ju ramué pekado ʼlige mukúriame
Eʼnewa alué VIDEO ʼlige raʼichawa ye:
Arani tabilé eʼwale Onorúgame ¿tachiri weʼkaule?
Leériwa Romanos 5:12 ʼlige raʼichawa ye:
Arani chojkila gite ¿Chu ikimela mué?
Leériwa Juan 3:16, TNM ʼlige raʼichawa ye:
¿Chonigá náule Jeobá boʼné Inolá jena gawichí?
Arani bilé rió ʼla sébali olame nile, napuʼlige tabilé eʼwasa Onorúgame suwábaga ralámuli abiena pekador niru ʼlige chojkile mukiá.
Esusi bilé rió ʼla sébali olame nile, alué ʼla eʼwame nile Onorúgame, alekeri suwábaga ralamuli ʼla sébali olame nímala ʼlige tajsiné mukumela.
4. Napu Esusi mukúriame nejkuri suwábaga ralámuli
Eʼnewa alué VIDEO ʼlige raʼichawa ye:
¿Churigá guʼiri bilé rió mukúriame suwábaga ralámuli bochígimi gawichí?
Leériwa 1 Timoteo 2:5, 6 ʼlige raʼichawa ye:
Arani bilé rió ʼla sébali olame nile, napu tabilé eʼwasa Onorúgame suwábaga ralámuli abiena pekador niru ʼlige chojkile mukiá. Esusi abiena bilé rió ʼla sébali olame nile. ¿Chu ʼsile Esusi apirigá najtétimala bilé «najtétirime»?
5. Alué najtétirime ju bilé tábiri ʼwe suétiri Jeobá nejíriame mué
Alué Jeobá amígola machime ju alué najtétirime napurigá bilé tábiri ʼwe semátiri napu Jeobá kónale aʼpili ralámuli. Beníriwa napuriga ye, leériwa Gálatas 2:20 ʼlige raʼichawa ye:
Alué apóstoli Páulo machime nile alué najtétirime nile bilé tábiri ʼwe semátiri napu Onorúgame kónale, ¿tachiri anile alué?
ʼWe ʼya napu Arani tabilé ʼla sébali olame nile, boʼné ʼlige suwábaga ralámuli mukumela nile. Jeobá júlale boʼné Inolá jena Wijchimoba apirigá mukumela arigá mué bejtémala nabí jena Wijchimoba.
Napu leéria ye bersíkulo, naʼtawa chu nilia Jeobá napu etea boʼné Inolá resí oláriachi. Leériwa Juan 19:1-7 ʼlige 16-18, ʼlige raʼichawa ye:
¿Chu nilia mué napu machiá Jeobá netele ʼlige Esusi mué gite?
JARÉ RALÁMULI RUKÉ: «¿Churigá guʼiri bilé rió mukúriame suwábaga ralámuli bochígimi gawichí?».
¿Tachíri aní mué?
ABÉ NAJTÉKAME
Cheliérabá Esusi mukule, Jeobá eʼkálime ju ramué pekado aminabi nejí apirigá bejtewa nabí.
Api mué ʼma benile
¿Chonigá Esusi mukule?
¿Chonigá napu ju ajáliame Esusi «najtétirime» ju napu ju guiʼírime suwábaga?
¿Churigá nejkuri mué napu Esusi mukule?
UCHÉ RAJPÉ ʼYÁAWA
Eʼnewa chonigá napu ajáliame Esusi nejile najtétirime ju.
«¿Chóniga Esusi mukúriame «guʼiri weʼká ralámuli»?» (Artículo de jw.org)
Beníriwa chu nokiboa apirigá ʼma tabilé mukumea.
¿Eʼkálime Jeobá alué pekado ʼwe enátiri?
«Rukéliame alué Biblia nejériame ju» (La Atalaya, 1 de mayo de 2013)
Napu bilé rió benírisa chonigá mukule Esusi ye guʼírile apirigá seʼwinátiri gainámala. Leériwa napu boʼné aní.
«Yaʼmá tabilé ju ne alué chátiri neté najkóliame» (Artículo de jw.org)
a Bilé pekado ju napu neteasa bilé tábiri tabilé ʼwe aʼlá ʼlige abiena ju ramué chu nisa ʼlige naʼtasa bilé tábiri tabilé najkiálime netea, ye narétiame ju chojkila Arani ʼlige Eba.