LECCIONI 29
¿Nerú ajiáname bajchibé mukiárame?
¿Mukule siné bilé rejimala mué nila? ʼLige mué ʼwe resí níliga asá mué boʼné rukélime ju «¿Nerú ajiáname bajchibé mukiárame? ¿Uchéchigo si etémala ne rejimala?». Ye leccioni ʼlige uchechi bilena beniboa nejériame alé Biblia ʼwe oilárime ju.
1. ¿Nerú ajiáname bajchibé mukiárame?
Esusi anile bilé mukúgame ju bilé ʼwe gojchígame. ¿Tachiri ju alieri bilé mukúgame ʼlige gojchígame si? Bilé ralámuli ʼwe gojchigá asá, tabilé machime ju tachiri simiria ilí. Napu bilé mukusá, ʼma tabilé okolia ajtime ju aminami tabilé ujché resí nilia ajtime ju. Alué Biblia aní «alué suwígame tabilé tábiri machí» (leériwa Eclesiastés 9:5).
2. ¿Chonigá nejkuri aʼlá machiá napu ju alué mukúgame?
Weʼká ralámuli majágame napu ju mukiá ʼlige abiena napu ʼma mukule. Mué abiena majágame nisa, napu aní alué Biblia napu ju alué mukúgame ʼwe nejkúrimala apirigá mué kilí asimela. Esusi anele: «ʼWe ʼla machimela ʼemi ʼla bijchiá raʼíchali. ʼLige tabilé chaʼpiruga mochímala» (Juan 8:32). Rekó alué relijioni beníriame ju tábiri seʼwinátiri, alué Biblia tabilé aní ralámuli nígame pachá bilé alawala tabilé mukume, bilé alawala rejpígame ju ʼma mukusá. ʼLiko ʼma bilé mukusá ʼma tabilé resí nilia ajtime ju. Napu alué suwígame tabilé tábiri machime, alekeri ʼma tabilé gayéname ju netea tábiri ʼwe chati. Alekeri tabilé netewa oracioni aminami uché bilé tábiri apirigá ʼwe ganíliga mochímala ramué si.
Jaré ralámuli anime ju raʼíchame ju napu ju alué mukúgame si, alué tabilé bijchiá ju. ʼYa ʼma etérime ju kulipi napu, «alué suwígame tabilé tábiri machí». Napu mayeme ju raʼíchame alué mukúgame si raʼíchame ju alué u’kuchípala remónisi si aʼboi najkime ju apirigá mayewa napu ju alué mukúgame. Aʼlá machiá ʼla bichiá napu ju alué mukúgame si arigá ramué repúpua napu ju alué u’kuchípala remónisi. Jeobá aní tabilé raʼichawa napu ju alué mukúgame aʼlá machiá ramué raʼichasa alué u’kuchípala remónisi ʼwe resí nilia mochiwa (leériwa Deuteronomio 18:10-12).
ABÉ BENIBOA
Ujché rajpé beniboa napu beniri alué Biblia napu ju alué mukúgame. Abiena beniboa churigá ʼwe bijchiwa Onorúgame napu ju ʼwe galeme ju ramué ʼlige tabilé cha nokame ju alue ʼma mukúgame.
3. Chukurúgame ju ramué mukusá
Bochígame gawichí nerú seʼwinátiri nirárime napu chukime ju ramué napu mukusá. Tabilé suwábaga napu ralámuli bijchígame ju bichiá ju.
¿Tachiri ʼwe bijchígame ju napu ju alué mukúgame alé mué bejtégachi ju?
Apirigá machiboa api alué Biblia beníriame, eʼnewa alué VIDEO.
Leériwa Eclesiastés 3:20 ʼlige raʼichawa ye:
Tachiri aní ye bersíkulo, ¿chu ikime ju alué ralámuli ʼma mukusá?
Napu bilé ralámuli mukusá, ¿abiena bejtégame ju napu ju alué alawala uchechi bilena?
Alué Biblia raʼicha napu ju alué Lasro mukúgame, ʼwe aʼlá amígola Esusi. ¿Tachiri anile Esusi chu ikile Lasro napu mukusá? Leériwa Juan 11:11-14 ʼlige raʼichawa ye:
¿Churigá anile Esusi churigá neraga ju alué mukúgame?
¿Tachiri beniri ye napu ju alué mukúriame?
¿Mué mayé aʼlá bijchiá ju napu alué Biblia aní?
4. ʼLá machiá napu ju alué mukúgame nejkuri apirigá tabilé majágame mochiru
Napuʼlige aʼlá bijchiá machisá napu ju alué mukúgame nejkuri apirigá tabilé majaga mochiwa alué mukúgame si. Leériwa Eclesiastés 9:10 ʼlige raʼichawa ye:
Alué mukúgame ¿aʼlá resí olámala ramué?
Aʼlá bijchiá machiá beníriame alué Biblia abiena nejkuri apirigá tabilé bijchiwa api aʼlá ju netea oracioni aminami uché bilé tábiri apirigá mukúgame ʼwe ganíliga mochímala ramué si. Leériwa Isaías 8:19 ʼlige Apocalipsis 4:11, ʼlige raʼichawa ye:
¿Tachiri mayé mué chu níliame ju Jeobá napu bilé ʼwe nirasa alué mukúgame o ʼyáasa nejkuri napu ʼma mukúgame?
Aʼlá bijchiá machiá napu ju alué mukúgame nejkuri apirigá tabilé netémala napu tabilé galé Jeobá.
5. Aʼlá bijchiá machiá napu ju alué mukúgame oilárime ju ramué
Weʼká beníriame ju alué ralámuli neteasa weʼká tábiri ʼwe chátiri, ʼwe resí níliga mochímala napu mukusá. ʼWe oilárime ju napu mukusá ʼma tabilé resí nilia ajtime ju, nibilé alué ralámuli ʼwe cha nokame nile. Leériwa Romanos 6:7, TNM ʼlige raʼichawa ye:
Alué Biblia aní, napu alué mukúgame ‘ya ʼma eʼkáriame ju, ʼma tabilé inígame ju alué pekado. ʼLiko, ¿mayé mué alué mukúgame resí níliga mochí apirigá natétimala napu aʼboi netele ʼwe chátiri taʼchó mukiá?
Abé machiá napu ju Jeobá machiárime ju tabilé resí olame ju napu alué mukúgame. Leériwa Deuteronomio 32:4 ʼlige 1 Juan 4:8, ʼlige raʼichawa ye:
Napu aní alué bersíkulo, ¿Onorúgame aʼlá aʼrémala api resí olámala alué mukúgame?
¿Mayé mué machiá aʼlá bijchiá napu ju alué mukúgame oilárime ju ramué? ¿Chonigá?
JARÉ RALÁMULI ANÍ: «Ne majá chu ikimela ne napu ne mukusá».
¿Tachiri bersíkulo unémala mué apirigá oilárimala bilé ralámuli napu ʼnátame ju alarigá?
ABÉ NAJTÉKAME
Napu bilé mukusá boʼné ajáliame suwime ju. Alué mukúgame ʼma tabilé ku resí nilia mochígame ju aminami tabilé resí olame ju ujché jaré ralámuli.
Api mué ʼma benile
¿Nerú ajiáname bajchibé mukiárame?
¿Chonigá aʼlá machiá napu ju alué mukúgame tabilé majaga mochiwa?
¿Chonigá ʼwe ʼla oilárime ju ʼla machiá napu ju alué mukúgame?
UCHÉ RAJPÉ ʼYÁAWA
Beníriwa tachiri ju alué raʼíchali alma alé Biblia.
Eʼnewa aʼlá Onorúgame gastigáriame ju alué ralámuli ʼwe chátiri neteme ju alé injierno.
¿Aʼlá majaga etewa alué mukúgame?
Machiboa bilé rió napu ʼwe aʼlá oilárime nile napu benile chukurúgame ju napu ʼma mukusá.