LECCIONI 51
Churigá raʼsálagá Jeobá napu ramué raʼíchala
Napu Jeobá ramué newale, nejile bilé kónali ʼwe semátiri, napu ramué gainámala raʼíchiga. ¿Aʼlá niraga eté Jeobá napu churigá uné ramué alué kónali? ¡Aʼlá bijchiá eteme ju! (leériwa Santiago 1:26). ¿Churigá unewa alué raʼíchali apirigá ʼwe galémala Jeobá?
1. ¿Churigá ʼwe aʼlá unewa alué kónali napu Jeobá nejile?
Alué Biblia ramué aní: «ʼLa oiláriwa aʼnagupi nakúriga rejcholi nejiga» (1 Tesalonicenses 5:11). ¿Mué machí bilé ralámuli napu najkí apirigá oiláriwa? ¿Tachiri netémala mué apirigá asimela ʼwe aʼlá alué ralámuli? Anewa ʼwe najtékame mué si. Anewa napu tachiri tábiri aʼlá nígame ju boʼné. ¿Aʼlá ʼnata mué bilé texto napu uchúkame ju alé Bíbliachi apirigá oilárimala mué alué ralámuli napu mué machime ju? Nerú weʼká napu raʼichámala ju. Tabilé weʼkawa, churigá raʼíchame ju mué ʼwe najtékame ju, alieri ju alué raʼíchala anime ju mué. ʼLiko ʼwe nochawa apirigá ʼla kilí suériga raʼichawa (Proverbios 15:1).
2. ¿Churigá tabilé raʼichámala ju ramué?
Alué Biblia aní: «Tase chátiri raʼíchali raʼichawa» (leériwa Efesios 4:29). Ye aniárime ju ramué tabilé chibi anigá raʼíchame ju nibilé raʼichámala chátiri raʼíchali apirigá cha olámala ujché jaré. Tabiléchigo ramué pe eʼkarúgame chátiri raʼíchiga einámala nibilé ʼyégali raʼichámala ujché jaré (leériwa Proverbios 16:28).
3. ¿Tachiri nejkúrimala ramué apirigá raʼichawa ʼlige oiláriwa ujché jaré?
Napu ramué raʼíchala etériame ju churigá ramué ʼnátame ju ʼlige chu níliame (Lucas 6:45). ʼWe iwériga nochámala apirigá ʼwe aʼlá naʼtámala ʼwe aʼlá tábiri, tábiri napu Onorúgame nulame ju, tábiri napu biʼígame ju, tábiri napu oilárime ju ʼlige napu galériame ju (Filipenses 4:8). Alekeri ʼwe aʼlá naʼtawa tachiri unewa napu reʼepua ʼlige ʼyáawa ʼwe aʼlá amígola (Proverbios 13:20). Abiena ramué na’tawa tachiri ʼlige churigá aniboa niwa taʼchó raʼicha. ʼWe ʼla naʼtawa churigá níliame nímala ujché jaré napu mué raʼíchasa. Alué Biblia aní: «Raʼicha tabilé naʼtáriga ju najsibúliga napurigá siparina, nobi rejchirúgame raʼichálila napurigá yowí ju» (Proverbios 12:18).
ABÉ BENIBOA
Eʼnewa tachiri raʼíchali ʼwe galeme ju Jeobá ʼlige oilárime ju ujché jaré.
4. ʼWe repuka raʼichawa
Suwábaga aniárime ju tábiri ʼlige iʼsínimi naʼtárime ju chonigá anile ne (Santiago 3:2). Leériwa Gálatas 5:22, 23, ʼlige raʼichawa ye:
Apirigá mué ʼwe repuka raʼichámala, ¿tachiri napu ye tábiri ʼwe aʼlá mué tánimala alué Jeobá? ¿Churigá guʼírimala mué ye tábiri ʼwe aʼlá?
Leériwa 1 Corintios 15:33 ʼlige raʼichawa ye:
Mué amígola ʼlige napu mué uneme ju apirigá reʼémala, ¿aʼlá nakulímala mué raʼíchala? ¿Churigá?
¿Tachiri tábiri ʼla gayena najkuliwa mué raʼíchala?
Leériwa Eclesiastés 3:1, 7, ʼlige raʼichawa ye:
¿Chiéniko ju ʼwe aʼlá apirigá tabilé raʼichawa o buwélame niwa chechi bilé rawé apirigá raʼichawa?
5. ʼWe aʼlá raʼichawa napu ujché jaré ralámuli
¿Churigá raʼichawa apirigá tabilé cha lámala ujché jaré? Eʼnewa alué VIDEO, ʼlige raʼichawa ye:
¿Chonigá alué ermano alé video nakulínale napu boʼné anime nile ujché jaré?
¿Tachiri netele apirigá najkulímala?
Leériwa Eclesiastés 7:16 ʼlige raʼichawa ye:
¿Tachiri naʼtáriwa napu ramué raʼichánali ʼwe chátiri chechi bilé ralámuli?
Leériwa Eclesiastés 7:21, 22, ʼlige raʼichawa ye:
¿Churigá ye bersíkulo guʼírimala apirigá tabilé ayóniga asimela mué napu chechi bilé ralámuli cha raʼichasa mué?
6. ʼWe niraga raʼichawa napu raʼíchachi mué rejimala si
Jeobá najkí apirigá ramué raʼichawa ʼwe galegá rejimala si. Eʼnewa alué VIDEO, ʼlige raʼichawa ye.
¿Tachiri guʼírimala apirigá raʼichawa ʼwe galeme mué rejimala?
Leériwa Efesios 4:31, 32, ʼlige raʼichawa ye:
¿Churigá raʼichámala ramué rejimala si apirigá ʼwe oilárimala aʼboi?
Jeobá anime nile napu chu níliame nile boʼné Inolá si, Esusi. Leériwa Mateo 17:5 ʼlige raʼichawa ye:
¿Churigá raʼichámala mué rejimala si alieri napurigá Jeobá raʼíchame ju?
Naʼtawa chiéniko oilárimala ujché jaré napu aʼboi neteme
JARÉ RALÁMULI ANÍ: «Anime ju napu ne ʼnátame ju, rekó ujché jaré tabilé galeme ju».
¿Arigá ʼnátame ju mué? ¿Chonigá?
ABÉ NAJTÉKAME
Ramué raʼíchala guʼírame ju o najsibume ju. ʼWe aʼlá naʼtámili ju napu ramué raʼichámala, chiéniko ʼlige churigá raʼichámala.
Api mué ʼma benile
¿Churigá unémala mué raʼíchala apirigá guʼírimala ujché jaré?
¿Churigá tabilé raʼichámala ju ramué?
¿Tachiri nejkúrimala ramué apirigá oiláriwa ʼlige raʼichawa galeme ujché jaré?
UCHÉ RAJPÉ ʼYÁAWA
¿Tachiri nejkúrimala ramué apirigá raʼichámala oiláriga ujché jaré?
Wériga nochawa apirigá raʼichámala napurigá rejchirúgame raʼíchame ju (8:04)
Eʼnewa tachiri guʼírimala apirigá mué tabilé chibi anigá eʼyénamala.
«¿Chonigá ʼwe chátiri ju chibi anigá eʼyenia?» (Artículo de jw.org)
Eʼnewa tachiri guʼírimala mué apirigá tabilé pe eʼkarúgame chátiri raʼíchali einámala ujché jaré.
Leériwa churigá Jeobá guʼírile bilé rió apirigá aʼrémala chibi anigá raʼichámala.
«Chojkile naʼtamia ne churigá bejténali ne» (La Atalaya, 1 de agosto de 2013)