LECCIONI 07
¿Chieti ju Jeobá?
Mué naʼtasa Jeobá, ¿chieti mayé mué? ¿Mué ʼnata alué ʼwe najtékame ju ʼlige ʼwe mejká ajtí, napurigá alué soʼpilí mejká ajtime? ¿O mué ʼnata Jeobá aʼwágame ju napurigá bilé uʼkí aʼwágame tabilé naʼtemaka eteme ju? ¿Chieti ju Jeobá? Boʼné raʼíchali, alué Biblia, Jeobá beniri chieti ju boʼné ʼlige abiena beniri ʼwe galé ʼeme.
1. ¿Chonigá tabilé etériame ju Onorúgame?
«Onorúgame ju bilé espíritu» (Juan 4:24, TNM). Jeobá tabilé saʼpchílame ju. Alué ju bilé espíritu bejtégame reʼpá rewagachi, bilena tabilé etériame.
2. ¿Tachiri nígame ju ʼwe aʼlá Jeobá?
Rekó tabilé etériame ju Jeobá, ʼlige ramué machiá ʼwe galériame ju chonigá weʼká tábiri ʼwe aʼlá nígame ju ʼlige bilé ʼla bijchiá. Alué Biblia aní: «Jeobá ʼwe galeme ju alué ralámuli ʼwe aʼlá ʼnátame, ʼlige tabilé siné ʼoni aʼreme ju» (Salmo 37:28). Abiena «Onorúgameka asíriga naʼtemame ju», suwábaga ralámuli ʼwe resí níliame mochime (Santiago 5:11). «Iʼsínimi alué ralámuli Onorúgame oyérame ʼwe seweka ejperégachi. ʼMa mayeme ju tabilé siné nejkúrimio Onorúgame, Onorúgameka abiena aʼlá guʼírame ju alué ralámuli» (Salmo 34:18). ¿Mué machí seweka ajtime ju Jeobá ramué ʼwe chátiri netesa ʼlige abiena raʼsálagá ajtime ju boʼné ramué ʼwe aʼlá olasa? Alué ralámuli ʼwe chátiri neteme sewékame ajtime ju Jeobá (Salmo 78:40, 41). Alué ralámuli ʼwe aʼlá neteme ʼwe raʼsálagá ajtime ju Jeobá (leériwa Proverbios 27:11).
3. ¿Churigá machirú Onorúgame aʼlá galé ramué?
Alué tábiri ju ʼwe najtékame galériame Jeoba. ʼLiko, «Onorúgame ju ʼwe galeme» (1 Juan 4:8, TNM). Jeobá ʼwe galé ramué chonigá boʼné nejí alué Biblia aminami alué tábiri napu boʼné netele (leériwa Hechos 14:17). Naʼtawa churigá netele Onorúgame ramué. Netele boʼné apirigá ramué etewa weʼká tábiri ʼwe semátiri, apirigá akewa alué wikáriame, apirigá abiena ʼwe raʼígame goʼpoa goʼame. Boʼné najkí apirigá ʼwe ganíliga ejperéliwa.
ABÉ BENIBOA
Eʼnewa tachiri uné Jeobá apirigá netémala tábiri ʼwe semátiri. ʼLige abiena beníriwa chieti uné alué tábiri napu boʼné inígame ju.
4. Alué espíritu santo: aʼwalí nígame ju Onorúgame
Ramué uneme ju sekala apirigá nochawa, ʼlige Jeobá uneme boʼné espíritu santo. Alué Biblia tabilé aní alué espíritu santo ju bilé ralámuli, pe bilé aʼwalí ju Onorúgame uneme ju apirigá suwábaga netémala. Leériwa Lucas 11:13, TNM ʼlige Hechos 2:17, TNM, ʼlige raʼichawa ye:
Onorúgame nejímala alué espíritu santo napu tánime ju. ¿Mué ʼnata alué espíritu santo ju bilé ralámuli, o ju aʼwalí Onorúgame boʼné nígame? ¿Chonigá ʼnata mué alarigá?
Jeobá uneme ju boʼné aʼwalila apirigá weʼká tábiri ʼwe semátiri netémala. Leériwa Salmo 33:6, ʼlige 2 Pedro 1:20, 21, TNM, ʼlige raʼichawa ye:
¿Churigá uné Jeobá boʼné aʼwalila?
5. Jeobá nígame ju weʼká tábiri ʼwe semátiri apirigá ramué ʼwe galériame niwa
Moisesi ʼwe aʼlá olárime nile Onorúgame. Rekó alieri nile, machinali alué neteme. Alekeri Moisesi anele: «Beníriwa neʼchí mué boʼwé apirigá ne machimela mué» (Éxodo 33:13). Jeobá nejele raʼíchiga jaré tábiri napu boʼné nígame ju ʼwe aʼlá. Leériwa Éxodo 34:4-6 ʼlige raʼichawa ye:
¿Tachiri tábiri nígame nile ʼwe aʼlá Jeobá anele Moisesi?
¿Tachiri tábiri ʼwe aʼlá nígame Jeobá galé mué?
6. Jeobá ʼwe niraga eté alué ralámuli
Alué ebreo, alué Onorúgame puéblola ʼwe ʼya, alué pioni alé Ejíptochi nile. ¿Chu níliame nile Jeobá etea boʼné pueblo ʼwe resí oláriame nile? Gepuwa alué RAʼÍCHALI ʼlige najátowa mué leeria, o pe leériwa Éxodo 3:1-10. Raʼichawa ye:
¿Tachiri beniri mué ye raʼíchali, chu níliame ju Jeobá etea alué ralámuli ʼwe resí nilia mochígachi? (Leériwa alué versículo 7 ʼlige 8).
¿Mué mayé aʼlá bijchiá guʼírinali Jeobá alué ralámuli? ¿Mué mayé aʼlá bijchiá guʼírimala? ¿Chonigá ʼnata alarigá mué?
7. Napu Jeobá netele jena gawichí ramué etériame alué ʼwe aʼlá nígame ju boʼné
Jeobá beníriame ju ramué chieti ju boʼné alué weʼká tábiri ʼwe aʼlá netele. Eʼnewa alué VIDEO. Pe a’minana leériwa Romanos 1:20 ʼlige raʼichawa ye:
¿Tachiri ʼwe semátiri napu Jeobá netele eté mué?
JARÉ RALÁMULI ANÍ: «Onorúgame ju bilé aʼwalí ajtime ju weʼkaná kachi, tabilé ju bilé ralámuli apirigá ramué machiboa».
¿Tachiri ʼnata mué?
¿Chonigá ʼnata alarigá?
ABÉ NAJTÉKAME
Jeobá ju bilé espíritu alekeri tabilé ramué etériame ju. Nígame ju weʼká tábiri ʼwe aʼlá, abé waʼlú ju alué galériame.
Api mué ʼma benile
¿Chonigá tabilé etériame ju Jeobá?
¿Tachiri ju alué espíritu santo?
¿Tachiri ʼwe aʼlá nígame ju Jeobá?
UCHÉ RAJPÉ ʼYÁAWA
Abé aʼlá machimela Jeobá benigá naó ʼwe aʼlá tábiri inígame alué.
Beniboa Jeobá tabilé apinápiri ajtí.
Eʼnewa chonigá alué Biblia aní alué espíritu santo napurigá Onorúgame «sekala» ju.
Bilé rió tabilé maʼchílime tabilé mayé Onorúgame alué ʼwe niraga eteme nile. Benimela chonigá jipe seʼwinátiri ʼnata.
«Jipe ne ʼma machí umubamio guʼiri ujché jaré» (La Atalaya, 1 de octubre de 2015)