LECCIONI 33
Api Onorúgame Gobiérnola olámala
Alué Onorúgame Gobiérnola ʼma nulaga ajtí. Pe ʼwe nímala seʼwinátiri jena Wijchimoba. Beniboa ujché rajpé ye gobiérnola olámala, ʼlige mué buwémala ʼwe ganíliga.
1. ¿Tachiri newámala napu ju alué Onorúgame Gobiérnola apirigá nerúmala napu ju kilí mochiwa ʼlige ʼwe aʼlá nulálime jena Wijchimoba?
Alué najkólime Armajeroni anilime, Esusi—alué Selígame alué Onorúgame Gobiérnola—suwibámala napu ju alué ralámuli ʼwe chátiri nokame ʼlige ujché jaré nulame (Apocalipsis 16:14, 16). Napuʼlige rawé, napu aní ye Biblia ʼma gainárime ʼwe sébali nímala: «ʼMa pe ʼwemi tabilé mochímala alué inílame ralámuli» (Salmo 37:10). Napu ju ye gobiérnola, Esusi newámala napu nerúmala napu ju kilí mochiwa ʼlige ʼwe aʼlá nulálime jena Wijchimoba (leériwa Isaías 11:4).
2. ¿Churigá nímala alué ramué ajáliame napu ʼma neteasa napu Onorúgame najkí jena Wijchimoba?
Napu ʼma nulasa alué Onorúgame Gobiérnola, «alué ralómeli api ʼwe aʼlá nokame ju ʼla narémala gawí ʼlige nabí ejperélima jena gawichí» (Salmo 37:29). ¡Naʼtáriwa churigá nímala ramué ajáliame napu suwábaga ralámuli ʼwe aʼlá nímala, galewa Jeobá aminami galeme aʼnagupi! ¿ʼLa bijchiá ʼwe semátiri nímala? Ta ʼwesi nayúmala ʼlige suwábaga bejtémala nabí.
3. ¿Tachiri olámala alué Onorúgame Gobiérnola bajchabé ʼma suwasa alué cha nokame?
Bajchabé napu ʼma suwasa alué cha nokame, Esusi nímala bilé Selígame 1.000 bamí. Napu ju aʼlige bamí, Esusi ʼlige alué 144.000 nulámala Esusi ʼyuga guʼírimala alué ralámuli apirigá tabilé nígame nímala alué pekado ʼlige aʼlá sébali olámala. Napu suwichi alué aʼlige bamí, ye Wijchimoba nímala ʼwe semátiri, bilena koche bejtémala ralámuli ʼwe raʼsálagá napu eʼwame ju Onorúgame nulame. ʼLiko Esusi ku ʼyámala alué gobiérnola boʼné Oʼnola, Jeobá. ʼLige suwábaga najkiákeʼé napurigá nerawa Onorúgame rewalá tajsiné simírile ʼya (Mateo 6:9, 10). Suwábaga machimela Jeobá ʼwe aʼlá selígame ju ʼlige ʼwe aʼlá repume boʼné puéblola. Bajchibé alué Jeobá suwibámala alué Satanasi ʼlige alué uʼkuchípala remónisi, ʼlige aminami abiena alué tabilé eʼwame nisa boʼné gobiérnola (Apocalipsis 20:7-10). Suwábaga tábiri ʼwe semátiri netériame alué Onorúgame Gobiérnola tajsiné suwibámala.
ABÉ BENIBOA
Eʼnewa chonigá aʼlá bijchiwa Onorúgame netémala boʼné Gobiérnola si suwábaga uchúkame alué Biblia pe aʼminana ikimela.
4. Alué Onorúgame Gobiérnola suwibámala napu ju alué ralámuli selígame
«Alué rió nulame alué rió napu boʼné chátiri neteme ju» (Eclesiastés 8:9). Napu boʼné Gobiérnola, Jeobá ku gatémala alué tábiri chátiri napu noká alué cha nokame.
Leériwa Daniel 2:44 ʼlige 2 Tesalonicenses 1:6-8, ʼlige raʼichawa ye:
¿Tachiri netémala Jeobá ʼlige boʼné Inolá, Esusi, alué ralámuli gobiérnola aminami napu guʼírime ju?
¿Churigá machiru napu Jeobá ʼlige Esusi netémala napu ju ʼwe aʼlá ju apirigá suwábaga ralámuli?
5. Esusi ju abé aʼlá Selígame
Napu ju alué Selígame alué Onorúgame Gobiérnola, Esusi netémala weʼká ʼwe aʼlá tábiri suwábaga ralámuli bochígimi gawichí. Eʼnewa alué VIDEO apirigá ujchéchigó beniboa churigá etériame ju Esusi guʼírnale alué ralámuli ʼlige Onorúgame ʼyale aʼwalí apirigá netea.
Alué tábiri napu Esusi netele napuʼlige bejtele jena Wijchimoba etériame ju napu alué Onorúgame Gobiérnola netémala. Alué tábiri ʼwe aʼlá napu Onorúgame olámala napu jena ujchúkame oságame, ¿tachiri najkí eténiga abé mué? Leériwa suwábaga texto napu uchúkame ju ye raʼíchali.
JENA WIJCHIMOBA, ESUSI... |
PÁGANA REWAGACHI, ESUSI... |
|---|---|
|
|
|
|
|
|
|
|
6. Cheliérabá alué Onorúgame Gobiérnola bejtémala ʼwe raʼsálagá
Alué Onorúgame Gobiérnola netémala napu Jeobá najkile siné bajchá apirigá alué ralámuli. Bejtémala nabí alé Gawí ʼwe semátiri ʼwe gainárime. Eʼnewa alué VIDEO apirigá beniboa churigá Jeobá uné boʼné Inolá, Esusi, apirigá netémala napu boʼné najkí.
Leériwa Salmo 145:16 ʼlige raʼichawa ye:
¿Chu nilia mué napu machiá api Jeobá «nejímala suwábaga napu najkiaru suwábaga ralámuli»?
JARÉ RALÁMULI ANÍ: «Suwábaga ramué nochásaká, aʼlá umeba bujea alué tábiri ʼwe chátiri napu nerú jena Wijchimoba».
¿Tachiri tábiri ʼwe chátiri gatémala Onorúgame Gobiérnola napu tabilé ʼwesi umébame ju?
ABÉ NAJTÉKAME
Alué Onorúgame Gobiérnola netémala napu boʼné anile. Bochígimi Gawichí ʼwe semátiri nímala bejtémala ralámuli ʼwe aʼlá napu pe Jeobá nirame nímala nabí.
Api mué ʼma benile
¿Tachiri netémala Onorúgame Gobiérnola apirigá Jeobá nemímala boʼné rewalá?
¿Chonigá aʼlá bijchiru napu Onorúgame Gobiérnola alarigá nímala napu aní alué Biblia?
Alué tábiri ʼwe aʼlá napu Onorúgame olámala, ¿tachiri najkí eténiga abé mué?
UCHÉ RAJPÉ ʼYÁAWA
Beníriwa tachiri ju alué Armajeroni.
Beníriwa chu ikimela napu sébachi napu Esusi anile tachiri ju «alué rawé napu ’we enárigá nímala» (Mateo 24:21).
«¿Chu ikimela alué rawé napu ‘we enárigá nímala?» (Artículo jw.org)
¿Churigá naʼtawa alué oʼnola ʼlige eyela boʼné ʼkúchila ʼyuga churigá nímala alué Gobiérnola?
Leériwa napu anile bilé rió napu eyéname nile alué polítiko ʼyuga, «Inígame nile ne weʼká rukéliame» apirigá beniboa churigá rewale alué nejériame.
«Alué Biblia guʼírile apirigá seʼwinátiri niwa» (La Atalaya, 1 de enero de 2012)