LECCIONI 21
¿Churigá predikáriga alué ʼwe aʼlá raʼíchali?
ʼWe yati Jeobá boʼné Gobiérnola suwibámala ʼwe tábiri chátiri. ¡¿Chonigá tabilé raʼichawa ye uché jaré ralámuli si ye raʼíchali ʼwe aʼlá?! Esusi najkile boʼné oyérame benírawa ye raʼíchali bochígime gawichí (Mateo 28:19, 20). ¿Tachiri netele alué testigo Jeobá apirigá eʼwawa napu nulale Esusi?
1. ¿Tachiri eteru jipe rawé napu aní Mateo 24:14?
Esusi anile: «Alué ʼwe semátiri raʼíchali, alué napu ruyeme Onorúgame Gobiérnoka, alueka bochígime nímala jena wijchimoba» (Mateo 24:14, TNM). Ramué testigo Jeobá ʼwe galé predikáriga. Predikárime ʼwe aʼlá raʼíchali bochígame gawichí abé mili seʼwináriga raʼíchali. ʼWe iʼwériga nocha ʼlige ʼwe aʼlá gatériame apirigá netériame ye waʼlú nóchali. Jeobá tabilé guʼíriga tabilé gainárime ju netea.
2. ¿Tachiri noká ramué apirigá predikáriga alué ralamuli?
Predikárime ju koche mochígame ju ralámuli. Napu churigá nokame nile ʼya bajchá alué kristiano, alarigá netériame ju ramué «weʼkaná galírale» (Hechos 5:42). Alarigá predikáriga ju milloni ralámuli nabí bamí. Iʼsínimi alué ralámuli tabilé mochígame ju galílachi, abiena predikáriga ju weʼkaná kachi napu etériame ju ralámuli. Nabí weʼkaná kachi raʼíchame ju napu Jeobá cheti ju aminami chu ʼsímala boʼné.
3. ¿Cheri ju apirigá predikaria alué ʼwe aʼlá raʼíchali?
Suwábaga alué ʼla bijchiá ju kristiano predikárime ju alué ʼwe aʼlá raʼíchali. Ramué ye ju ʼwe najtékame netea ye. Predikárime ju napu ramué umébame ju, machiárime ju weʼká ralámuli apirigá nabí ejperéliwa (leériwa 1 Timoteo 4:16). Ta ʼwesi natétirime ju netea ye nóchali, napu alué Biblia aní: «Tase goblálowa ʼemi alué ralámuli» (Mateo 10:7, 8). Rekó, tabilé ujché jaré tabilé gepú, alarigá predikáriga noká mochiru, alarigá ju nirárime ju Jeobá aminami ʼwe raʼsálagá asimela.
ABÉ BENIBOA
Eʼnewa napu ju alué suwábaga testigo Jeobá chu ʼsiá mochiru apirigá predikáriga bochígime gawichí ʼlige churigá nejkuri Jeobá.
Predikárime bochígime gawichí: A) Costa Rica; B) Estados Unidos; C) Benín; D) Tailandia; E) Yap (Micronesia); F) Suecia.
4. ʼWe nocháriame ju apirigá predikáriwa suwábaga ralámuli
Ramué testigo Jeobá netériame ju waʼlú nóchali predicáriwa ralámuli koche mochí. Eʼnewa alué VIDEO ʼlige raʼichawa ye:
¿Tachiri abé galé mué napu ramué testigo Jeobá netea apirigá predikáriga?
Leériwa Mateo 22:39 ʼlige Romanos 10:13-15, ʼlige raʼichawa ye:
¿Churigá etériame ju alué predikáriame galériame alué ralámuli?
¿Churigá eté Jeobá alué ralámuli napu predikárime ju alué ʼwe aʼlá raʼíchali? (Eʼnewa alué bersíkulo 15).
5. Nocháriame ju Onorúgame si
Napu weʼká tábiri ikíriachi etériame ju Jeobá oʼtome ju ye predikación. Eʼnewa napu simírale alé Nueva Zelanda. Bilé alí, bilé testigo Paul anilime simírile predikáriga, galírachi ʼlige rewale bilé mukí. Aʼlige rawé beʼá beʼlí, alué mukí netele bilé oracioni Onorúgame raʼíchiga boʼné rewalá unega, Jeobá, ʼlige tániga napu bilé guʼíriga boʼné machiá. «Baikiá ʼora bajchibé—aní Paul—, ne nokea alué yochi».
Leériwa 1 Corintios 3:9 ʼlige raʼichawa ye:
¿Churigá ye etériame ju Jeobá oʼtome ju ye predikación?
Leériwa Hechos 1:8 ʼlige raʼichawa ye:
¿Chonigá resíʼlame ju apirigá Jeobá ramué nejkuri apirigá oʼtome alué predikación?
¿Mué ʼma machime nile?
Alé napuwílime nasipa tarali nabí beníriame ju churigá predikáriga. ʼLa mué ʼma simile siné ye napuíkachi, ¿tachiri mué ʼnata napu alé ramué beniria?
6. ʼLa ramué predikáriga eʼwame niru bilé nulálila Onorúgame
ʼWe ʼya siglo bilé, alué saíla alué najátame Esusi tabilé aʼrele predikáriga. Alué bajchá kristiano «nejkúrile apirigá aʼrémala alué selígame predikárile alué ʼwe alá raʼíchali» (Filipenses 1:7). Jipe rawé, alué testigo Jeobá netériame ju alieri.a
Leériwa Hechos 5:27-42 ʼlige raʼichawa ye:
¿Chonigá ramué tabilé aʼrewa predikáriga? (Eʼnewa alué bersíkulo 29, 38 ʼlige 39).
JARÉ RALÁMULI RUKÉ: «¿Chonigá alué testigo Jeobá simime ju galíriachi?».
¿Tachiri nejémala?
ABÉ NAJTÉKAME
Esusi nulele boʼné najátiame predikáriwa ʼwe aʼlá raʼíchali bochígame gawichí. Jeobá guʼíriga ajtí alué boʼné puéblola apirigá netémala ye nóchali.
Api mué ʼma benile
¿Tachiri netea mochiá apirigá predikáriwa alué ʼwe aʼlá raʼíchali bochígame gawichí?
¿Churigá etériame ju alué predikárime ramué galériame ju alué ralámuli?
¿Mué mayé alué predikacioni ju bilé nóchali ʼwe raʼsálagá mochiwa? ¿Chonigá?
UCHÉ RAJPÉ ʼYÁAWA
Eʼnewa churigá predikárime ju alué testigo Jeobá alé weʼká riógachi.
Predikárime ju maʼchiná ʼwe najtékame weʼká riógachi alé París (5:11)
¿Churigá sébame alué testigo Jeobá alé koche mochí alué refugiado?
Guʼiria alué refugiado ʼma tabilé alué balámime ju espiritual nígame (5:59)
Gepuwa napu aní bilé mukí ʼwe raʼsálagá bejtégame ju napuʼlige predikáriga rujchega.
Beniboa jaré testigo niyúrame nile alué gobierno si apirigá ramué umébamala predikáriwa alué ʼwe aʼlá raʼíchali.
a Onorúgame ju chieri nulame apirigá predikáriwa. Arigá testigo Jeobá tabilé najkiáriame alué selígame lisensia ʼya apirigá predikáriwa alué ʼwe aʼlá raʼíchali.