LECCIONI 18
Churigá machiboa chieri ju alué kristiano ʼla bijchiá
Weʼká ralámuli aní kristiano ju, nobi seʼwinátiri náʼtime ju ʼlige seʼwinátiri nirame ju. ʼLiko, ¿churigá machiboa chieri ju alué kristiano ʼla bijchiá?
1. ¿Chieri ju alué kristiano ʼla bijchiá?
Alué kristiano napu ju oyérame o najátame Esusi (leériwa Hechos 11:26). ¿Churigá etériame ju aʼlá bijchiá najátame Esusi? Esusi anele: «ʼEmi aminabi chaʼpísiga nokísasaká ye raʼíchali ne raʼichálila, aʼlígeko ʼla bijchiá neʼchí oyérame nímala ʼemi» (Juan 8:31). Ye aniame ju alué kristiano ʼla bijchiá ʼwe niraga eteme ju napu beníriame Esusi. Alué kristiano ʼla bijchiá napu ju aʼboi beníriame alé Bíbliachi aʼchigóriga Esusi (leériwa Lucas 24:27).
2. ¿Churigá etériame galeme alué kristiano ʼla bijchiá?
Esusi nulale alué oyérame: «ʼWe aʼlá járowa ʼemi aʼbopi ʼlige aminami uché jaré ʼyuga, aʼchigóriga napurigá galeme ju ne ʼemi» (Juan 15:12). ¿Churigá etériame nile Esusi galeme boʼné oyérame? Aʼboi ʼyuga asale, oilárile ʼlige guʼírole, abiena mukule alué gite (1 Juan 3:16). Aʼchigóriga Esusi, alué kristiano ʼla bijchiá aní inígame galeme; nobi abiena etériame aʼnagupi raʼíchame ju aminami netériame ju.
3. ¿Tachiri nóchame ju ʼwe najtékame alué kristiano ʼla bijchiá?
Esusi aʼrele bilé nóchali alué najátame Esusi, «júlale napurigá benírimala alué Onorúgame Gobiérnola» (Lucas 9:2, TNM). Napu ju alué bajchá kristiano predikárile alé sinagoga, abiena predikárile alé weʼká riógichi iligá, weʼkaná galírale abiena simíbale raʼichamia (leériwa Hechos 5:42; 17:17). Jipe ko alué kristiano ʼla bijchiá abiena predikáriwa napunápiri alé weʼká riógichi ilí. Napurigá galeme ju alué ralámuli, unega ju alué ʼora ʼwe raʼsálagá ʼlige boʼné aʼwalí apirigá oʼtomela ʼwe aʼlá raʼíchali napu ju buwélame ʼlige aminami oilárime napu uchúkame ju alué Bíbliachi (Marcos 12:31).
ABE BENIBOA
Eʼnewa chonigá seʼwináriga ju alué kristiano ʼla bijchiá napu ju tabilé eʼwame ju Esusi.
4. ʼYáame ju ʼla bijchiá alué Bíbliachi
Alué ʼla bijchiá kristiano ʼwe niraga eteme nile Onorúgame nila Raʼíchali.
Pe uʼkabi napu anigá ju alué kristiano machime ju napu anime ju alué Biblia ʼwe najtékame ju. Eʼnewa alué VIDEO ʼlige raʼichawa ye:
Jaré reʼobá napu anime kristiana ju tabilé najkí alué ralámuli benírimala alué beníriame Esusi, ¿churigá olale?
Esusi benírile ʼla bijchiá napu ju Onorúgame Raʼíchala. Leériwa Juan 18:37 ʼlige raʼichawa ye:
Napu anele Esusi, ¿churigá machí chieri ju alué kristiano napu «ʼla eʼwame ju alué ʼla bijchiá»?
5. Predikárime ju ʼla bijchiá
Alué ʼla bijchiá kristiano predikárime nile.
Taʼchó Esusi moyéniga ʼpa rewagachi, nulele alué najátame bilé nóchali napu jipe rawé netériame ju. Leériwa Mateo 28:19, 20 ʼlige Hechos 1:8, ʼlige raʼichawa ye:
¿Chiéniko si ʼlige koche si predikárimili ju?
6. Predikárime ju napu churigá anime ju arigá neteme ju
¿Churigá bilé rió Tom anilime aʼlá machile napu rewale alué kristiano ʼla bijchiá? E’newa alué VIDEO ʼlige raʼichawa ye:
Napu etesa alué video, ¿chonigá Tom ʼma tabilé galé alué relijioni?
¿Chonigá Tom ʼwe aʼlá machí ʼma rewale ʼla bijchiá?
Alué raʼíchali etériame ju netega. Leériwa Mateo 7:21 ʼlige raʼichawa ye:
¿Tachiri ʼwe najtékame apirigá Esusi: napu aniame ju nirálime ju, o etériame ju napu ramué netériame ju?
7. ʼLa galegá aʼboi aʼnagupi
Alué ʼla bijchiá kristiano galele aʼnagupi.
¿ʼWe raʼsálagá mukume ju napu ju ujché jaré ermano espiritual? Eʼnewa alué VIDEO ʼlige raʼichawa ye:
¿Chonigá alué ermano Lloyd ʼwe neraga asale nejía boʼné ajáliame alué ermano Johansson gite?
¿Mué mayé alué ermano alué kristiano ʼla bijchiá nile?
Leériwa Juan 13:34, 35 ʼlige raʼichawa ye:
¿Churigá etémili nílige alué oyérame Esusi—kristiano ʼla bijchiá—alué jaré ralámuli ichúrimi weʼkaná jena wijchimoba ejperégame?
¿Churigá netémala napu nerúgachi alué najkóliame?
JARÉ RALÁMULI ANÍ: «Alué kristiano netele weʼká cha nokame. ¿Chonigá aní ju relijioni ʼla bijchiá ju?».
¿Chieri texto unémala mué apirigá beníriwa ujché jaré chieri ju alué kristiano ʼla bijchiá?
ABÉ NAJTÉKAME
Alué kristiano ʼla bijchiá eʼwame ju napu beníriame Bíbliachi, ʼwe raʼsálagá resí nilia mochime ju napu ju ujché jaré galériame gite aminami predikáriame ju ʼla bijchiá napu anime ju alué Biblia.
Api mué ʼma benile
¿Koche nirame ju alué kristiano ʼla bijchiá?
¿Churigá etériame galeme alué kristiano ʼla bijchiá?
¿Tachiri nóchali ju netea?
UCHÉ RAJPÉ ʼYÁAWA
Abé ʼla machiboa pe uʼkabi ralámuli napu ʼwe iwériga najátame ju napu Esukristo ʼsile ʼlige napu alué beníriame ju.
Leériwa bilé mukí monja nile rewale «bilé rejimala espiritual».
«Nejele suwábaga ne rukéliame napu ju alué Bíbliachi» (La Atalaya, 1 de abril de 2014)
Eʼnewa churigá alué kristiano ʼla bijchiá etériame galériame aʼboi ermano napuʼlige resíʼlá nejkúrime.
Nejkúriwa ujché jaré ermano napu ʼwe resí níliachi mochílachi (uʼteli) (3:57)
Esusi anile churigá nímala napu ju alué najátame. Beniboa churigá netele napu ju ʼya bajchabé kristiano ʼlige churigá neteme ju jipe rawé.
«¿Churigá machiboa chieri ju ʼla bijchiá kristiano» (La Atalaya, 1 de marzo de 2012)