LECCIONI 19

¿Alúe testigo Jeobá ju ʼla bijchiá kristiano?

Edición impresa

Alué testigo Jeobá bijchígame ju ʼla bijchiá kristiano ju. ¿Chonigá? Eʼnewa tachiri bijchígaru ramué ʼlige napu rewalá nígame ju ramué, aminami eʼnewa alué galériame napu etériame ju.

1. ¿Tachiri bijchígaru alué testigo Jeobá?

Esusi anele Onorúgame: «Mué raʼichálila ʼla bijchiá ju» (Juan 17:17). Ramué testigo Jeobá netériame ju napurigá netele Esusi: nabí bijchígame ju Onorúgame nila Ra’íchali. Etewa churigá chojkile alué testigo Jeobá jipe rawé. Napu ʼya bamí 1870, pe uʼkabi ralámuli beníriame alué Biblia, chojkile ʼwe aʼlá beniria napu ju Onorúgame nila Raʼíchali. Napu bijchígame ju uchúkame ju alé Bíbliachi, rekó alué beníriame tabilé nile napu beníriame nile alé reʼobachi. Pe aʼkinana raʼíchale ujché jaré napu aʼboi rewale.a

2. ¿Chonigá ramué testigo Jeobá rewégame ju?

Jeobá aní napu alué ralámuli napu boʼné nirárime boʼné ju testigo napugiti alué ʼla bijchiá raʼíchame ju napu ju boʼné (Hebreos 11:4–12:1). ʼWe ʼya, Onorúgame anile boʼné puéblola: «ʼEme ju ne testigo» (leériwa Isaías 43:10). ʼLige alué Esusi alué Testigo ju «napu ʼla o’wé ruwime ju napu etele» (Apocalipsis 1:5). Alekeri 1931 bamí chaʼpirú alué rewalá testigo Jeobá. ʼWe raʼsálagá mochiru oʼtoga alué rewalá.

3. ¿Churigá etériame ju galériame aʼchigóriga Esusi alué testigo Jeobá?

Esusi ʼwe galeme nile napu ju alué oyérame boʼne nirame nile apirigá boʼné rejimala (leériwa Marcos 3:35). Alué testigo Jeobá jipe abiena napuíka mochí, ramué ju bilé rejimala bochígime gawichí. Alekeri rewérame ju «ermano» ʼlige «ermana» (Filemón 1, 2). ʼLige, eʼwawa ye nuláliame: «ʼWe aʼlá niraga etewa [o galegá] alué ralámuli Esukristo oyérame» (1 Pedro 2:17). Alué testigo Jeobá etériame ju galériame weʼkaná chojkena; bilé ju guʼíriga ujché jaré ermano bochígime gawichí napu resí nilia mochígachi.

ABÉ BENIBOA

Machiboa ujché rajpé napu ju alué testigo Jeobá ʼlige ju ramué alué kristiano ʼla bijchiá.

Retrato alué testigo Jeobá predikáriga: 1. Bilé ermana leeria bilé bersículo bíblico ʼlige raʼíchiga bilé mukí si. 2. Bilé ermano raʼíchiga ʼla bijchiá napu aní Biblia bilé rió si amulí bilé exhibidor inígame oselí ʼlige líburu. — Alué kristiano ʼla bijchiá bijchígame ju napu aní alué Biblia ʼlige raʼíchame ju ujché jaré ralámuli si.

4. Napu ramué bijchígame ju uchúkame ju alé Bíbliachi

Jeobá ʼwe ʼya anile napu jipe ʼwe aʼlá náume ʼla bijchiá napu alé Bíbliachi uchúkame. Leériwa Daniel 12:4 ʼlige raʼichawa ye:

¿Tachiri «nímala weʼká» alé oyérame Onorúgame ʼyuga napuʼlige beniá alué Biblia?

Etewa churigá ʼwe aʼlá benile Onorúgame Raʼíchali pe uʼkabi ralámuli alué beníriame alué Biblia, bilé nile Charles Russell. Eʼnewa alué VIDEO ʼlige raʼichawa ye:

VIDEO: Rewale ʼla bijchiá alué Bíbliachi uchúkame (7:45)

Napu etériame ju alué video, ¿churigá ʼwe aʼlá benile Onorúgame nila Raʼíchali Charles Russell ʼlige jaré beníriame alué Biblia?

¿Mué ʼma machime nile?

Iʼsínimi nakulígame ju ramué bijchígame. ¿Chonigá? Napugiti Onorúgame aʼréliame ju napu ramué náume kilí kilí boʼné Raʼichálila, apirigá beʼá beʼlí cheʼlágachi ra’ósali rawé etériame ju kilí kilí napu nerú ʼpa rabó (leériwa Proverbios 4:18). Alekeri, rekó alué Biblia tabilé nakuliwa, napuʼlige ramué ʼwe aʼlá náume ʼliko nakulígame ju ramué bijchígame.

5. ʼWe aʼlá etériame ju ramué rewalá

¿Chonigá chaʼpirú rewéliame testigo Jeobá? Eʼnewa alué VIDEO ʼlige raʼichawa ye:

VIDEO: Bilé rewalá napu machiáriame ju ramué (2:40)

¿Chonigá ʼwe aʼlá rewágame testigo Jeobá?

¿Chonigá chaʼpile Jeobá ralámuli apirigá boʼne testigo nímala? Napugiti anígame ju weʼká ʼyégame napu ju Onorúgame, ye ralámuli animea ʼla bijchiá napu ju Jeobá alué Onorúgame ʼla bijchiá. Beniboa oká ʼyégame.

Jaré relijioni beníriame ju Onorúgame najkime ju apirigá nirawa bilé retrato. ¿ʼLa bijchiá ju? Leériwa Levítico 26:1 ʼlige raʼichawa ye:

Napu aní ye bersículo, ¿chieri ju ʼla bijchiá? ¿tachiri ʼnata Onorúgame alué retrato?

Jaré balé beníriame ju Esusi ju Onorúgame. ¿Ye ju ʼla bijchiá? Leériwa Juan 20:17 ʼlige raʼichawa ye:

Napu aní ye bersículo, ¿chieri ju ʼla bijchiá? ¿Onorúgame ʼlige Esusi pe biʼlepi ralámuli ju?
¿Chu nilia mué napu machiá napu Jeobá júlale alué testigo apirigá benírimala ʼla bijchiá napu boʼné ju ʼlige napu ju boʼné Inolá?

6. Galériame ju aʼboi aʼnagupi

Alué Biblia beníriame ju alué kristiano abalieri ramué saʼpchila. Leériwa 1 Corintios 12:25, 26 ʼlige raʼichawa ye:

¿Chu ʼsímala alué kristiano ʼla bijchiá ujché jaré ʼwe resí nilia mochígachi?
Napu mué ʼma etele, ¿churigá etériame ju alué galériame napu ju alué testigo Jeobá?

Napuʼlige alué testigo Jeobá bilena bejtégame ʼwe resí nilia mochígachi, ʼwe yati guʼírame ju aʼbopi ermano, bochígimi gawichí. Apirigá machiboa chu ikile, eʼnewa alué VIDEO. ʼLige raʼichawa ye:

VIDEO: Alé Haití nerule waʼlú uʼkí Matthew anilime (5:29)

¿Mué animela napu nejime nejkúrime alué testigo Jeobá etériame ju alué galériame? ¿Chonigá?

Oká testigo Jeobá guʼíriga bilé mukí ʼlige boʼné towí napu ʼwe resí nilia mochígachi. ʼYa bilé gemá ʼlige bawí. — Alué testigo Jeobá etériame ju galériame ʼla nejkúrime napu resí ʼla mochígachi.

JARÉ RALÁMULI ANÍ: «Alué testigo Jeobá alué relijioni nuebo ju».

¿Chiéniko chojkile Jeobá aniá «testigo» alué nirame boʼné?

ABÉ NAJTÉKAME

Alué testigo Jeobá ju ʼla bijchiá kristiano. Ju ramué bilé rejimala bochígime gawichí nirame Onorúgame, bijchígame ju napu aní alué Biblia aminami beníriame ju ʼla bijchiá napu ju Jeobá.