LECCIONI 48
ʼYáawa ʼwe aʼlá amígola
ʼWe aʼlá amígola neteme ju abé ʼla raʼsáláme. Napu aʼboi nejkúrime ju, taʼmé ʼwe resí níliga mochíliame ju. ʼWe aʼlá naʼtawa, alué Bíbliachi aní tabilé suwábaga aʼlá amígola ju. ʼLiko ¿churigá ʼyáamala mué ʼwe aʼlá amígola? Mué boʼné rukewa ye rukeli.
1. ¿Chu simírimala mué si ʼwe mochisa mué amígola?
Iʼsínimi ramué gainámala nímala alieri napurigá alué ralámuli napu ramué eʼyéname niru —kérémá ye ju ʼwe aʼlá o chátiri ju— ʼlige abiena simírame ju napu napuísa aʼboi si alé internetchi. Arigá aní alué Biblia: «Alué napu eʼyéname ju ralámuli ʼwe machime ʼnátaga ʼyuga, alueka ʼwe aʼlá machime nímala. Alué napu eʼyéname ju tonto ʼyuga, alueka tabilé machime nímala» (Proverbios 13:20). Alué amígola napu ʼwe galeme ʼlige nirame Jeobá guʼírame ju mué apirigá aʼbeka asimela Jeobá si ʼlige apirigá ʼwe aʼlá naʼtámala. Mué amígola nisa ralámuli tabilé galeme Onorúgame aʼboi mejkaka elámala mué Jeobá si. Alekeri alué Biblia oilárime ju ramué apirigá ʼwe aʼlá naʼtámala chieri nímala ramué amígola. Napuʼlige ramué amígola ʼwe galeme Onorúgame, oʼmaka guʼírame ju. ʼLiko eʼwagá mochiru ye rejcholi: «ʼLa oiláriwa aʼnagupi nakúriga rejcholi nejiga» (1 Tesalonicenses 5:11).
2. ¿Aʼlá niraga eteme ju Jeobá napu ju mué amígola?
Jeobá ʼwe aʼlá amigo ʼyáame ju. Boʼné «ajtime ju aʼbeka ralámuli si ʼwe aʼlá neteme» (Proverbios 3:32). ¿Chu níliame ju Jeobá ramué amígola nisa ralámuli tabilé galeme ju Jeobá? ¡ʼWe seweka asimela ju! (leériwa Santiago 4:4). Ramué tabilé napuísa ralámuli tabilé galeme Onorúgame ʼlige aʼbeka mochisa boʼné ʼlige alué ralámuli si napu galeme ju Jeobá ʼliko boʼné raʼsálagá asimela ʼlige aʼbeka asimela ramué si (Salmo 15:1-4).
ABÉ BENIBOA
Beníriwa chonigá ʼwe najtékame apirigá ʼwe aʼlá ʼyáawa mué amígola, ʼlige eʼnewa churigá ʼyáamala mué ʼwe aʼlá amígola napu mué guʼírimala.
3.ʼWe aʼlá ripupua chieri si napuímala mué
Alué ralámuli tabilé ʼwe galeme ju Onorúgame nibilé nirame ju napu boʼné nulame ju, tabilé ʼwe aʼlá amígola ju. Eʼnewa alué VIDEO, ʼlige raʼichawa ye:
¿Churigá bilé ralámuli nígame nímala bilé amígola napu tabilé ju ʼwe aʼlá, ʼlige tabilé machiá?
Leériwa 1 Corintios 15:33 ʼlige raʼichawa ye:
¿Chieri ralámuli mayé mué ʼwe enátiri? ¿Chonigá?
Leériwa Salmo 119:63 ʼlige raʼichawa ye:
¿Churigá nímala ju ʼwe aʼlá amígola?
Bilé mansana bikágame, bikámala uché jaré. ʼLiko, ¿churigá nímala mué nígame nisa tabilé aʼlá amígola?
4. Ralámuli seʼwinátiri meʼtigá ramué nímala ju ʼwe aʼlá amígola
Alé Bíbliachi raʼíchame ju Rabí ʼlige Jonatani, oká rió napu bejtele ʼya alé Israeli. Aʼboi tabilé nile abalieri, Jonatani nile abé oʼchérame ʼlige nile ranala alué selígame; aʼboi ʼwe aʼlá amígola nile. Leériwa 1 Samuel 18:1 ʼlige raʼichawa ye:
Tabilé rokárime ju apirigá ramué amígola bamígame nímala napurigá ramué, nibilé eʼnéniga chekí enomígame ju, ¿chonigá?
Leériwa Romanos 1:11, 12 ʼlige raʼichawa ye:
¿Churigá oilárime ju oʼmaka alué amígola napu galeme ju Jeobá?
Ye video etériame nímala bilé ermano reʼmalí rewale amígola napu boʼné tabilé ʼnátame nile. Eʼnewa alué VIDEO ʼlige raʼichawa ye.
¿Chonigá Akil oʼnola ʼwe ʼnátiga mochile napu nile amígola inolá alé eskuélachi?
¿Chonigá ʼwe galeme nile alué amígola bajchá siʼnepi?
¿Chu ʼsile apirigá ʼma tabilé chu nílimala biʼneli?
5. Churigá rewiboa ʼwe aʼlá amígola
Beniboa churigá ʼyáaga amígola ʼla bijchiá ʼlige churigá nímala ʼwe aʼlá amígola mué boʼné. Eʼnewa alué VIDEO.
Leériwa Proverbios 18:24 ʼlige 27:17, ʼlige raʼichawa ye:
¿Churigá guʼírame ju aʼbopi aʼlá bijchiá amígola nisa?
¿Nígame ju amígola alieri napu aní Proverbios? Tabilé nígame nisa mué, ¿churigá rewimela mué?
Leériwa Filipenses 2:4 ʼlige raʼichawa ye:
Napurigá nígame niwa ʼwe aʼlá amígola, mué ʼwe aʼlá amígola nímili ju. ¿Chu ʼsímala mué?
Napurigá nígame niwa ʼwe aʼlá amígola, mué ʼwe aʼlá amígola nímili ju.
JARÉ RALÁMULI ANÍ: «Apiépiri amígola nígame nisa abé aʼlá tabilé nígame nisa amígola».
¿Tachiri aní mué?
ABÉ NAJTÉKAME
Napu ramué ʼwe aʼlá amígola ʼyáasa ʼliko raʼsáláme ju Jeobá, ʼlige suwábaga neyúrigame ju ramué.
Api mué ʼma benile
¿Chonigá ʼla niraga eteme ju Jeobá napu ju ramué amígola?
¿Tachiri ralámuli tabilé niwa ramué amígola?
¿Churigá rewimela mué ʼwe aʼlá amígola?
UCHÉ RAJPÉ ʼYÁAWA
Eʼnewa napu ju ʼwe aʼlá amígola mué guʼírimala napu simíriachi ʼwe resí níliame.
Naʼtawa chu ʼsímala mué apirigá nígame nímala ʼwe aʼlá amígola.
¿Tachiri machimela ju mué napu ju alué amígola internetchi mochígame?
Leériwa alé «Ne najkile bilé oʼnola» chonigá bilé rió ʼyáale seʼwinátiri amígola.
«Alué Biblia guʼírile apirigá seʼwinátiri niwa» (La Atalaya, 1 de abril de 2012)