Guʼíriwa apirigá mué kongregación napuíka mochímala

Napu ramué mochígachi ramué ermano si alarigá chu níliame ju apirigá selígame Rabí. Boʼné anile: «¡Eʼnewa ʼwe aʼla ju ʼlige ʼwe ganíliga ju alué ermano napuíka ejperewa!» (Salmo 133:1). Ye tábiri tabilé sébale beʼneli, suwábaga ramué ʼwe iwériga nochawa apirigá raʼsálagá napuíka mochiru.

1. ¿Tachiri tábiri ʼwe aʼlá etériame ju alé puéblola Onorúgame?

Mué simisá bilé kongregación uchechi bilena país, rekó tabilé náuliame nisa alué raʼíchali, ʼla ganíliga asimela ʼlige galériame nímala. ¿Chonigá? Napugiti apiépiri kachi napu koche mué simírachi napuíkachi, mué etémala alué testigo Jeobá uneme ju pe biʼlepi apeli apirigá beniá alué Biblia. Abienachigó ʼwe iwériga nochárime ju apirigá galewa ramué aʼbópika. Tabilé eʼnéniga koche bejtériame ju ramué, suwábaga najkiaru apirigá «unémala Jeobá rewalá» apirigá nirámala «napuíka» (Sofonías 3:9; jena aní).

2. ¿Chu ʼsímala ju mué apirigá alué kongregación napuíka mochímala?

«ʼLiko ʼla ganíliga járowa oʼmaka ʼemi» (1 Pedro 1:22). ¿Churigá eʼwámala ju mué ye rejcholi? Tabilé naʼtawa napu ju ʼwe chátiri napu nígame ju uché jaré, eligá pe naʼtauru tábiri ʼwe aʼlá napu nígame ju. Tabilé pe napuíwa alué ralámuli si napu ju apirigá mué ʼlige galeme tábiri napu galeme ju mué, eligá machiboa uché jaré ermano ʼlige ermana napu ju seʼwinátiri apirigá mué. Abiena wériga nochawa apirigá ʼwe aʼlá niraga etewa suwábaga ralámuli (leériwa 1 Pedro 2:17).a

3. ¿Chu ʼsímala mué tabilé abalieri ʼnátisa chechi bilé ermano si?

Rekó napuíka mochiru, iʼsínimi ramué aʼnagúpika cha aniárime ju napugiti eʼkágame ju ramué. Alekeri alué Biblia aní: «ʼLa eʼkawa ʼemi aʼbopi». Abiena aní: «Napurigá [Jeobá] eʼkale ʼemi, achigórigá eʼkawa ʼémichigó» (leériwa Colosenses 3:13). Ramué aʼkuepi ʼwe resí olame ju Jeobá, rekó alarigá ju, boʼné eʼkame ju ramué. Alekeri boʼné najkí apirigá ramué eʼkáriwa ramué ermano. Mué ʼla machí seʼwiná oláligo bilé ralámuli ʼliko ʼwe yati gatewa raʼíchiga (leériwa Mateo 5:23, 24).b

ABÉ BENIBOA

4. ʼWe aʼlá niraga etewa suwábaga ralámuli

Najkiárime ju ramué apirigá galewa suwábaga ermano. Iʼsínimi ʼwe nóchali ju galémala ralámuli napu tabilé abalieri ju napurigá ramué. ¿Tachiri guʼírimala ramué? Leériwa Hechos 10:34, 35 ʼlige raʼichawa ye:

• Jeobá nareme ju suwábaga ralámuli apirigá nímala boʼné oyérame. Alekeri, ¿churigá etémala ju mué alué ralámuli napu tabilé ju apirigá mué?

• Napu koche mué bejtégame ju, ¿tachiri ʼwe chátiri ʼnátame ju ralámuli napu eteme ujché jaré napu tabilé ju napurigá aʼboi? ¿Chonigá mué tabilé arigá naʼtámala?

Leériwa 2 Corintios 6:11-13 ʼlige raʼichawa ye:

• ¿Tachiri netémala ju mué apirigá abé ujché rajpé galémala ju alué ermano ʼlige ermana?

5. ʼWe aʼlá eʼkawa mué ʼlige gatewa raʼíchiga

Jeobá ʼla eʼkame ju ramué, rekó tabilé resí ʼla apirigá ramué eʼkawa boʼné. Leériwa Salmos 86:5 ʼlige raʼichawa ye:

• ¿Tachiri beniri ramué ye bersíkulo chiena waʼlú ju napu Jeobá eʼkame ju ramué?

• ¿ʼYame ju cheliérabá Jeobá napu mué eʼkáliame ju? ¿Chonigá?

• ¿Chiéniko nímala ʼwe nóchali napurigá napuíka mochímala uché jaré si?

¿Churigá niwa napurigá Jeobá, ʼlige apirigá napuíka mochímala ramué ermano si? Leériwa Proverbios 19:11 ʼlige raʼichawa ye:

• Napu bilé ralámuli netesa tábiri napu mué resí olame nisa, ¿tachiri netémala ju mué apirigá gatémala?

Iʼsínimi ju ramué napu resí olame ju uché jaré, ʼliko ¿tachiri netémala ju ramué? Eʼnewa alué VIDEO ʼlige raʼichawa ye:

VIDEO: Ramué aʼlá gatéasa raʼíchiga, ʼwe aʼlá tábiri narémala ju ramué (6:01)

• Alé vidéochi ¿churigá raʼíchiga gatele alué ermana apirigá kilí mochímala?

6. Eʼnegá ʼwe aʼlá napu nígame ju ʼwe aʼlá tábiri alué ermano ʼlige ermana.

Napu ramué machiá abé ramué ermano ʼlige machiárime ju napu aʼboi nígame ju, tábiri ʼwe aʼlá ʼlige taʼmé ʼwe aʼlá. ¿Churigá eʼnegá mochiwa napu ju ʼwe aʼlá? Eʼnewa alué VIDEO ʼlige raʼichawa ye:

VIDEO: ¡Niwa abé semátiri! (5:10)

• ¿Tachiri guʼírimala mué apirigá ʼwe aʼlá eʼnegá napu nígame ju alué ermano ʼlige ermana?

Jeobá eʼneme ju napu nígame ju ramué ʼwe aʼlá. Leériwa 2 Crónicas 16:9a ʼlige raʼichawa ye:

• ¿Chu níliame ju mué napugiti Jeobá eʼneme ju alué tábiri ʼwe aʼlá napu nígame ju mué?

ABÉ NAJTÉKAME

Napu mué eʼkasa ʼlige eʼnérisa galériame suwábaga ermano, arigá guʼírimala ju mué apirigá alué kongregación napuíka mochímala.

Api mué ʼma benile

• ¿Tachiri guʼírimala mué apirigá tabilé chátiri naʼtámala ujché jaré?

• ¿Chu ʼsímala mué tabilé abalieri ʼnátisa chechi bilé ermano si?

• ¿Chonigá eʼkánali mué ujché jaré churigá Jeobá neteme ju?

UCHÉ RAJPÉ ʼYÁAWA

Eʼnewa churigá bilé raʼíchali api Esusi benírile nejkuri apirigá tabilé naʼtawa ʼwe chátiri ujché jaré etega.

ʼLa maʼchí pápua waʼlú wejkolí mué busílachi ajtígame (6:56)

¿Ramué tánime nímala eʼkali rekó ramué ʼnátale tabilé netele tábiri ʼwe chátiri?

«Tániwa eʼkali apirigá kilí mochiwa» (La Atalaya, 1 de noviembre de 2002)

E’newa churigá jaré ʼma benile ʼwe ʼla niraga etega ujché jaré rekó siʼnátiri kachi.

Tabilé chátiri naʼtawa ujché jaré pe etega napu nokame ju (5:06)

Beníriwa churigá gatewa bilé naʼáutiame bilé ermano si taʼchó gayénachi waʼlú naʼáutiame alé kongregacionchi.

«Gatewa alué naʼáutiame galegá» (La Atalaya, mayo de 2016)