KIPAANDE 6

Kubunda kua Kialo na Menda, kua Tusambilizia ki?

Leeza waipaile baantu babipile, inzi wapususiizie Noa ni mukazi, ni baana bakue. Kuteendeka 7:11, 12, 23

Safina yaeleela, bantu babiifi batwamininua na menda ni bamalaika babiifi bavuula mibili ya bumuntu

Nvula yanokele nsiku 40 busiku ni kooba, ni menda aizuile Kialo kionse, ni baantu babipile boonse bafuile.

Ba malaika ba bisanguka, bavuulile mibili yaabo ya bu muuntu ni kualuka bibaanda.

Noa, lupua lwakue ni banama bafuma mu safina ni mukolanvula wamoneka mu muulu

Baabo baali mu Safina, baapusukile.Taanzia Noa ni mukazi, ni baana bakue bapusukile, pa numa, bafuile. Inzi, Leeza wakababuusia bakeekale loonse pa Kialo.

Leeza, wakenoona kabili baantu babipile, ni kupususia baantu baweeme. Mateo 24:37-39

Satana ni ba bibanda bakue babonvia nzila ilekenkeene ya kuzeezia bantu

Sataana ni bibaanda batualiliile kuzeezia baantu.

Ni leelo, nga nsiku ya kua Noa, baantu beengi bakaana kutungululua na Yehova. Eevi mu peepi, Yehova wakaba kuinona baantu boonse babipile.—2 Petro 2:5, 6.

Bakasininkizia bakua Yehova babombia Bibilia ni kumusambilizia mwalalume umo; mwalalume umo alimukusoma Bibilia

Baantu baange bamupalile Noa. Bamutuilizia Leeza ni kukita biali walaanda; baabo i Bakasiniinkizia ba kua Yehova.