KIPAANDE 5

Pa lua Nvula Ikata ya mu Nsiku ya kua Noa—Baani bamutuilizie Leeza? Baani bamukeene?

Beengi mu nsita ya kua Noa baali bakita bibipile. Kuteendeka 6:5

bamalaika babiifi bavuala mibili ya balalume ni kuupa banakazi

Adamu ni Eva baviele baana, ni baantu bavulile pa Kialo. Ni mu muulu ba malaika baange bamukonkele Sataana mu kusanguka kuakue.

Baizile pano pa Kialo ni kuvuala mibili ya bumuuntu, ni kuupa banakazi. Banakazi baabo, baviele baana ba mibili ikata, ni maka engi saana, ni kusasa kuakilile.

Mwanakazi umo akuete muana inzi taumua na mulumendo muniini;Ba manefili, baana bena bamalaika babiifi, bakita bubiifi saana

Kialo kia izuile baantu bakita bibipile. Bibilia yaalanda nangue: “Bubifi bua baantu pa Kialo, buali buingi, ni milangue ya mu mitima yabo, yaali sie, ya kukita bibipile nsita yonse.”

Noa wamutuilizizie Leeza ni kukuula buato. Kuteendeka 6:13, 14, 18, 19, 22

Noa wali muuntu uweeme. Yehova wamuanine Noa nangue ali ni kuipaya baantu babipile na Nvula Ikata.

Kabili Leeza wamuanine Noa akuule ki buato kikata kia kuutua Safina, ni kuingiziamo mukazi ni baana baakue ni nama yalekanalekana.

Noa wabasoka bantu palua kwiza kwa nvula ikata saana, inzi bamuseka ni kumupunia

Noa wasokele baantu palua nvula yali ya kuiza inzi te bamunvuile. Baange bamusekele, ni bamo bamusulile.

Noa ni lupua lwakue bakolonghania nama ni kwisoela mu safina

Pa apuile kukuula Safina, Noa waingiziziemo nama.