Maasi Ange a mu Lupungu Lwakue Kamwenenena

Bakasimika bengi bali babombia JW Library^® eevi kuteania kulonghaana. Kabili bali batona kumona kila lyasi lya kusambilila mu Lupungu Lwakue Kamwenenena, vilili lyasaangua lyapaangilue. Inzi lingi mu kazeeti ka lisambililo ka Lupungu Lwakue Kamwenenena muli mwabiikua ni maasi ange alimo kyakulia kya kimupasi. Kunti wapata siani azo maasi ange, ni kufikiila kunoonkelamo kupitila kubombia JW Library?

• Ku mpela ya kila lyasi lya kusambilila lya mu Lupungu Lwakue Kamwenenena, kuli kwasaangua mutue unge ulandile, “Mpunda Inge ya Kusoma.” Kisia tika paalia palandile, “Maasi ange ali mu kaaka kazeeti.” Toosia seemu iliko maasi onse ali mu kazeeti. Uli kumona buino vya kwinika maasi a kusambilila, kabili eene aliko ni ma nimero. Tika pa lyasi lyuli kutona kusoma mu maasi asili a kusambilila.

• Ku muliango wa JW Library, mu seemu ilandile nangue, “Nouveautés,” pakula kila Lupungu Lwakue Kamwenenena kine lwamoneka mu ezio seemu. Izula kazeeti kawapakula, kisia kenta seemu ilandile nangue, maasi ali mu kaaka kazeeti eevi usininkizie nangue weewe wanoonkela mu maasi onse ali moomo.