Yesu Wali ni?

Yehova wamutumine Yesu pa Kialo. 1 Yoane 4:9

Kine tuakeba Leeza atutone, tufuanine kutuiliziako ni muuntu unge ukindeeme. Paapo pa kale Adamu tanabeeko, Yehova wabumbile mu muulu, malaika wa maka akilile.

Yehova wamutumine eze avialue ku Betelehemu na muanakazi usina upuepo, lina liakue Maria. Muana wainikilue Yesu​—Yoane 6:38.

Paali waali pa Kialo, Yesu wali ni mibeele ya kua Leeza. Waali wafuukile, ni kutonana, ni kuba wapalamua. Waali wasambilizia baantu kisiinka kia kua Yehova, te kuba waali na muenzo.

Yesu wakitile biintu biweeme, inzi, taali watonenue. 1 Petro 2:21-24

Bakatungulula ba bilonghanino te bamutonene Yesu, paantu waliwalangilila kisiinka masambililo abo a bufi, ni mibeele yaabo ibiipile.

Kabili, Yesu wakosizie baluele ni kubuusia bafuile.

Bakatungulula ba bilonghanino baile kulaanda ku buteko bua ba Baroma, nangue Yesu asepulue, ni kuipaiwa.