Babombi Bali Babombela Bali ni Miilo ki?

Bibilia yalondolola palua bikundi bibili bili byabomba miilo mu libumba: “bakangalila” ni “babombi bali babombela.” (Bafilipi 1:1, nwt-ZS) Kila libumba, lili ni babombi bali babombela baavulile baakonkele mafunde. Babombi bali babombela bali batukitila miilo ki?

Bali bakwasia bakote ba mu libumba. Anzia kine ni balumendo, ao tebali bantu bakulu, babombi baabo bamupaleeme Yehova, baswapiilue kabili bakuete miilo yaabo na maka. Kabili, bali babomba miilo ya kawaida sie mu libumba, inzi yali ya mana palua kuteania bintu paleepale. Kubomba miilo ezio kuli kwabasiilako bakote nsita ya kukita miilo yaabo ya kusambilizia ni kusuunga libumba.

Bali babomba miilo paleepale. Babombi bali babombela bali bapeelua miilo ya kupokelela bantu musita wa kulonghaana. Ni baange baabombela ku biombo bya kutania mazui, baange ku kusuunga nfalanga ao kukasania tuzoonga twa kusimikilamo ni kubapeela ba kasimika ba mu libumba mpapulo ya kubombia mu kusimikila. Bantu baabo bali bakwasia ni ku busaka bwa Nsesi ya Bukolo. Kabili musita unge, kunti baalombua kubakwasia Bakristu bakotele kimubili ni kooku baakonkele malaizio a bakote ba mu libumba. Anzia kine bali ni miilo iingi bali baibomba kwa kwitonena. Ni palua kaako, bapalile kukindikua na bantu boonse bali mu libumba.​—1 Timoteo 3:13.

Balangiliile mufuano uweeme ku libumba. Babombi bali baabombela bali basaakulua kukonkana ni mibeele yaabo ya Kikristu. Ni biputulua byaabo bya mu kulonghaana bili byakosia kiketekelo kyetu. Mute ubali nao mu miilo ya kusimikila, uli watukuula. Lubali babombela pamo ni bakote, libumba lili lyaaluka ni nsaansa ni buumo. (Baefeso 4:16) Muli mwaila nsiku, ni beene kunti bafikilizia mibeele ya kubakwasia baaluke bakote ba mu libumba.

• Babombi bali babombela bapalile kuya bali ni mibeele ki?

• Ni miilo ki ili yakitua na babombi bali bobombela eevi libumba libombe buino?