Mpunda ku ba Kulonghaana

BAKAPOKELELA Bakapokelela bapeelue miilo ya kukukwasia. Twapapaata, unvuana naabo buino kupitila kunakila butunguluzi bwabo palua parkingi, kwingila ni kufuma kwa libumba lya bantu, nsita iloombele kukita lubilo, palua kusuungilana pa kwikala, ni palua bintu binge.

BINTU BIZEEZELE NI BYAMONEKANGA Kine watoola kintu kyazeezanga kiusimanine muine, twapapaata kitwale ku Biro ya Bintu Bizeezele ni Byamonekanga. Kine wazeezianga kintu, endo ku ezio biro ni kulanda palua bintu biwazeezianga. Baana bazeezuanga nkeende kuli bavyazi babo ni kuzeeza, bapalile kutwalua ku ezio biro. Inzi, eevi aali ezio ili yaemia bantu bonse te kuti ize, twapapaata suunga baana bobe, kabili sininkizia nangue wikeele nabo.

BITEBE BYA KWIKALAPO Twapapaata, emenako ni bange. Languluka nangue, kunti wasuunga bitebe pa kwikalasie weewe ni lupua lobe ni baalia bawakiza naabo mu motoka umo, bawikeele nabo mu nsesi imo ao baalia bauli wasambilila nabo Bibilia. Twapapaata te kubiika bintu pa bitebe biusisuungile ao kusungilana.

BUKWASI BWA MAMBO Mana nangue ezi biro ili yabomba eevi kukwasia kundapa kwa ntendekosie.

BULONGIO Nfalanga ingi saana yakibombiiwa eevi kupata bitebe biweeme bya kwikalapo, biombo bya kukwasia kuzanzula mazui, biombo bya kumuenako viideo, ni miilo inge ingi yakwasia kulonghaana koono kuye kwaweeme, kabili kwatukwasia tukile kumupalama Yehova. Bulongio bobe bwa kwitonena buli kukwasia kulipila ma depanse azo engi ni kabili kukwasia miilo ya kyalo kyonse. Eevi kuleengia miilo, bisanduku bya bulongio bili mu nkeende yonse pa fuasi ya kulonghaana. Kabili, kunti waloongia kupitila Enternete pa donate.jw.org. Bulongio bonse, bumuenue kuba bwa mana saana. Kabungue Kali Katungulula katonene kukutasia palua kulongia kobe kwa kwitonena eevi kukwasia miilo ya Bukolo.

LUBATIZIO Nkeende ya kwikalapo baalia ba kubatiziiwa yakaba kuteaniiwa pa ntaanzi ya jukwa, kine kuli mipaango inge, kaako kakaba kulangililua. Baalia bakubatiziiwa bapalile kwikala paapo ntaanzi ya lyasi lya lubatizio kutendeka Nsiku ya Sita lukele-keele. Kila umo apalile kutwama ngubo ya kwipukuswilako ni ngubo ya kubatiziiziwamo ipalile.

MIILO YA KWITONENA Kine utonene kukwasia miilo ili mukukitika palua koono kulonghaana, twapapaata twala mpunda yobe ku biro ya Mpunda ni Miilo ya Kwitonena.

KALIELIE KEBELEELE

Masomo a Bakabilambila ba Bukolo Bapainia bali na miaka kutendeka pa 23 mpaka 65 batonene kumubombela Yehova mu nzila ya leenu, bakupilue ku kalielie ka baalia batonene kusoma masomo a Bakabilambila ba Bukolo, Nsiku ya Saba kisia midi. Nsa iine ni nkeende ya kaako kalielie yakaba kupundua.