Mpunda ku ba Kulonghaana

BAKAPOKELELA Bakapokelela bapeelue miilo ya kukukwasia. Twapapaata, unvuana nabo bwino kupitila kunakila butunguluzi bwabo palua parkingi, kwingila ni kufuma kwa libumba lya bantu, palua kusuungilana pa kwikala, ni palua bintu binge.

LUBATIZIO Fwasi ya kwikalapo baalia bakubatiziiwa yakaba kuteaniiwa ku ntanzi ya jukwa, kine kuli mipango inge, kako kakaba kulangililua. Baalia bakubatiziiwa bapalile kwikala paapo, ntanzi ya lyasi lya lubatizio kutendeka Nsiku ya Sita lukele-keele. Kila umo apalile kutwama ngubo ya kwipukuswilako ni ngubo ya kubatiziiziwamo ipalile.

BULONGIO Nfalanga ingi sana yakibombiiwa evi kupata bitebe biweeme bya kwikalapo, biombo bya kukwasia kuzanzula mazui, biombo bya kumuenako viideo, ni miilo inge ingi yakwasia konu kulonghaana kuye kwaweeme, kabili kwatukwasia tukile kumupalama Yehova. Bulongio bobe bwa kwitonena buli kukwasia kulipila ma depanse azo engi ni kabili kukwasia miilo ya kyalo kyonse. Evi kuleengia miilo, bisanduku bya bulongio bili mu nkeende yonse pa fwasi ya kulonghaana. Kabili, kunti walongia kupitila Enternete pa donate.jw.org. Bulongio bonse, bumwenue kuya bwali bwa mana sana. Kabungue Kali Katungulula katonene kukutasia palua kulongia kobe kwa kwitonena evi kukwasia miilo ya Bukolo.

BUKWASI BWA MAMBO Mana nangue ezi biro ili yabomba evi kukita matunzo a ntendeko sie.

BINTU BIZEEZELE NI BYAMONEKANGA Kine watoola kintu kyazeezanga kiusimanine muine, twapapaata kitwale ku Biro ya Bintu Bizeezele ni Byamonekanga. Kine wazeezianga kintu, endo ku ezio biro ni kulanda palua bintu biwazeezianga. Baana bazeezuanga fwasi kuli baviazi babo ni kuzeeza, bapalile kutwalua ku ezio biro. Inzi, evi aali ezio ili yaemia bantu bonse te kuti ize, twapapaata suunga baana bobe, kabili sininkizia nangue wikeele nabo.

BITEBE BYA KWIKALAPO Twapapaata, emenako ni bange. Languluka nangue, kunti wasuunga bitebe pa kwikala sie weewe ni lupua lobe ni baalia bawakiza nabo mu motoka umo, bawikeele nabo mu nsesi imo ao baalia bauli wasambilila nabo Bibilia. Twapapaata te kubiika bintu pa bitebe biusisuungile ao kusuungilana.

MIILO YA KWITONENA Kine utonene kukwasia miilo ili mukukitika palua konu kulonghaana, twapapaata twala mpunda yobe ku biro ya Mpunda ni Miilo ya Kwitonena.