Kwemena Bange

Yesu Waakitile ki?

VIIDEO: Yesu Ali Pamo ni Mwanakazi ku Kisima

1. Mona VIIDEO, ao soma Yoane 4:6-9. Kisia, asuka biipuzio bili paapa pensina:

1. Yesu waamwene ki ku olia mwanakazi ntaanzi ya kunti atendeke kulanziana nakue?

2. Yesu waamulandile: “Mpeleko menda a kumina.” Juu ya ki eezi yaali nzila iweeme saana ya kutendekezia bulondolozi?

Mufuano Wakue Yesu Watusambilizia ki?

2. Kunti kyakitika twaluke ni bulondolozi bwaweeme, kine twatendeka kulondolola bintu beelia bitonene ozo muntu.

Koonka Mufuano Wakue Yesu

3. Uye waleengele kwaluluka. Te kupatikizia utendekezie bulondolozi na beelia biwakiteania kulanda. Tendekezia bulondolozi na kulanda kintu kimo keelia kili mukutontonkania bantu bange enu nsiku. Iipuzie eevi:

1. ‘Kuli mpunda ki ya leenu?’

2. ‘Bekazi naane, babombi naane, ao banafunzi benaane bali balanda ki?’

4. Uye wakentesia. Iipuzie eevi:

1. ‘Ozu muntu, ali mukukita ki? Paange, ali mukutontonkania ki?’

2. ‘Maubo akue, monekelo yakue ao nsesi yakue, byalangilila nangue azumiine ki ao ni muntu wa siani?’

3. ‘Eba, ozu i musita uweeme wa kumulanzia ozu muntu?’

5. Tuilizia.

1. Te kulanda bingi saana.

2. Mutekie mutima ozo muntu alande bili ku mutima wakue. Kine kyapala, mwipuzieko ni biipuzio.