Landa nga Muuli Walandila

Filipo Waakitile ki?

VIIDEO: Filipo Wamusimikila Kiloolo Mwetiopia

1. Mona VIIDEO, ao soma Miilo ya Batumua 8:30, 31. Kisia, asuka biipuzio bili paapa pensina:

1. Filipo waatendekeziizie siani bulondolozi?

2. Juu ya ki ezio ibanga yali nzila yaweeme ya kukwasia kutendekezia bulondolozi ni kumubuilako muntu kisinka kya leenu?

Mufuano Wakue Filipo Watusambilizia ki?

2. Kine twatwalilila ni bulondolozi bwetu twalandile nga vituli twalanda, paange muntu unge kunti waiunvua buino saana, kabili kunti watona kutuilizia mpunda yeetu.

Koonka Mufuano Wakue Filipo

3. Uye wakentesia. Kunti wamana bingi juu ya ozo muntu, kupitila kumukenta vyamwenekele ni ndandilo yakue. Eba, ozo muntu amwenekele nangue atonene kulanziana ni weewe? Kunti watendeka kumubuilako kisinka kili mu Bibilia, wamwipuziasie eevi: “Eba, wakiba wamanine nangue . . . ?” Tiina kupatikizia bulondolozi pamo ni muntu olia asitonene kulanda.

4. Uye wapembelela. Te kutontonkania nangue upalile kutendekezia kulanda kisinka kili mu Bibilia paalia penka. Pembelela musita upalile eevi uye ulande keekio kisinka nga muuli walandila. Nsita inge, pa kukita evio, ili yaloomba kupembelela mpaka lunge lwendo luwakaba kulanziana ni ozo muntu.

5. Uye waipatanisia ni aali. Paange, muntu kunti watendeka kulanda kintu keelia kiusyakiba waswapiile. Pakaako, uye waleengele kumubuilako kintu kimo keelia kili kumukwasia saana ozo muntu, atasie kine kukita evio kuli kukulengia, ulanziane nakue kisinka kili mu Bibilia kipuseene ni keelia kyakiba mu maano obe.