BUIKAZI BWA MUKRISTU
Yehova Ali Watukwasia Kusipikizia Maavia etu
Mu enu nsiku ya mpeleezio, tuli ni maavia engi akolele. Musita unge, kunti twamona nangue maavia atuli nao, akolele saana kusipikizia. Inzi, kine twatwalilila kumupalama Yehova, ali kutukwasia kusipikizia maavia atasie aalia ali mukuya atutiona saana mutima. (Is 43:2, 4) Ni kiki kili kutukwasia kumupalama Yehova musita utuli mu maavia?
Kupepa. Kine twamubuila Yehova bili ku mutima weetu, ali kutupeela mutende wa mu maano ni maka akutukwasia kusipikizia.—Baf 4:6, 7; 1Bat 5:17.
Kulonghaana. Kuliko musita unge onse waapitile, tukabiile kyakulia kya kimupasi ni babibuza batuli twapeelua na Yehova ku kulonghaana kwetu. (Baeb 10:24, 25) Kine twateania kulonghaana, twayako, ni kwasukapo, mupasi wakue Yehova uli kutukwasia saana.—Nfy 2:29.
Kusimikila. Tuli kumona kyaleengele kutontonkania palua bintu biweeme, kine twakita maka etu onse eevi kutwalilila kuya twali ni bingi byakukita mu miilo ya kusimikila. Kabili, kupitila miilo ya kusimikila, tuli kulumia bukibuza bwetu pamo ni Yehova ni babombi neetu.—1Bakor 3:5-10.
MONE VIIDEO ILANDILE YEHOVA WAKABA KUKUPOKELELA. KISIA, ASUKE BIIPUZIO BILI PAAPA PENSINA:
Musita Malu lwabanga waali mu maavia, ni kiki kyaamukwasiizie eevi asiale wali peepi ni Yehova?
Nga Malu, milandu ili mu Malumbo 34:18 kunti yatukoselezia siani musita utuli mu maavia?
Bintu byaaimweneene Malu, byalangilila siani nangue Yehova ali watupeela “maka akata” musita utuli mu maavia?—2Bakor 4:7, Le Nouveau Testament en langue Kitaabua