Bombia Bulondolozi Buli ku Mbali ya Lubali

Bulondolozi bolia buli bwasangua ku mbali ya lubali mu Biblia Takatifu—Tafsiri ya Ulimwengu Mpya bulangiliile nangue semu paleepale ya mu Bibilia ipateene. Kuli kwasangua liste ya malembo ange alia alandiile palua kintu kimonke juu ya kuleta bulondolozi bunge palua kekio kintu. Evi kupata bulondolozi bolia buli bwasangua ku mbali ya lubali, upalile kukenta ka erufi kanini mu ozo mulongo, kaalia kali kisia mulandu. Kine uli mukubombia Bibilia ya mapapie, kenta kenka kaalia ka erufi kanini pa bukata ao mukati evi kupata malembo azimbwilue. Kine uli mukubombia jw.org ao aplikasio ya JW Library,^® tika pa kenka kaalia ka erufi kanini kali kisia mulandu evi umone malembo ange azimbwilue.

Bulondolozi buli ku mbali ya lubali kunti bwakutwala ku ezi semu ili papa pensina ao fwasi inge:

Mpunda ipaleene: Bulondolozi bwatwala ku mpunda ilandiile palua aali imonke, inzi mu lilembo linge lya Bibilia. Kwa mufuano, palania 2 Samweli 24:1 pamo ni 1 Milandu ya Nsiku 21:1.

Milandu ya lilembo elia izimbwilue mu lilembo linge: Bulondolozi bulangiliile kufumine musemua ao bulanzi buzimbwilue mu lilembo linge. Kwa mufuano, palania Mateo 4:4 pamo ni Malanguluzi a Mizilo 8:3.

Kufikiliziiwa kwa bunabi: Bulondolozi bukwataniizie bunabi na lilembo lilangiliile kufikiliziiwa kwa bobo bunabi. Kwa mufuano, palania Mateo 21:5 pamo ni Zekaria 9:9.