BIBILIOTEKE YA MU ENTERNETE Watchtower
Lupungu lwakue kamuenenena
BIBILIOTEKE YA MU ENTERNETE
Taabwa
  • BIBILIA
  • MPAPULO
  • MIKUTANO
  • w20 Muezi wa Busano lub. 8-11
  • Makolo Ali Mukuluana mu Nsita ya Mpela

Paapa pawasaakula tepali video.

Kwaalukaanga ni buavia musita wa kuizuka kwa video.

  • Makolo Ali Mukuluana mu Nsita ya Mpela
  • Lupungu Lwakue Kamwenenena Luli Lwabila Bukolo Bwakue Yehova (Kazeeti ka Lisambililo)—2020
  • Dokima ipaleene
  • “Likolo wa ku Nkungua” mu Nsita ya Mpela
    Lupungu Lwakue Kamwenenena Luli Lwabila Bukolo Bwakue Yehova (Kazeeti ka Lisambililo)—2020
  • Loonu “Likolo wa ku Nkungua” Naani?
    Lupungu Lwakue Kamwenenena Luli Lwabila Bukolo Bwakue Yehova (Kazeeti ka Lisambililo)—2020
  • Kitabu kya Nfyulo Kili Kyalanda ki Palua Baluani Bakue Leeza?
    Lupungu Lwakue Kamwenenena Luli Lwabila Bukolo Bwakue Yehova (Kazeeti ka Lisambililo)—2022
  • Sambilila Kupitila Bukabika bwa Bibilia
    Lupungu Lwakue Kamwenenena Luli Lwabila Bukolo Bwakue Yehova (Kazeeti ka Lisambililo)—2023
Lupungu Lwakue Kamwenenena Luli Lwabila Bukolo Bwakue Yehova (Kazeeti ka Lisambililo)—2020
w20 Muezi wa Busano lub. 8-11

Makolo Ali Mukuluana mu Nsita ya Mpela

Bukabika bunge bulangiliilue pa eezi karte bwaali bwakitika mu musita umo. Busininkiziizie nangue twikeele mu “nsita ya mpela.”​—Dan. 12:4

Karte ilangiliile bukabika ni kumanika kwakue likolo wa ku nkungua ni likolo wa ku nkungulua kutendeka mu 1870 mpaka mu enu nsiku.
  • Karte 1 pakati ka 4, ilangiliile bukabika bwa papeene mu nsita ya mpela kabili butweme musita wa kutendekela mu 1870 eevi mpaka mu 1918. Miaka ya kutendekela mu 1914 ni kutwalilila imanikile kuya yaali nsita ya mpela. Bukabika 1: Kinama kya mu kisonso kili ni mitue saba i kili ku ntendeko ya miaka ili pa karte. Mu Bului bwa Mambo bwa Kyalo, mutue wa saba wa kinama kya mu kisonso wakisiiwa. Kutendekela mu 1917 ni kutwalilila, mutue watuuka ni kinama kya mu kisonso kyaluka ni maka kabili. Bukabika 2: Likolo wa ku nkungua ni likolo wa ku nkungulua bamanika mu 1870. Likolo wa ku nkungua wamanika kabili mu 1871 kuya wali Ujerumani. Likolo wa ku nkungulua wamanika lya kuanza kuya wali Uingereza, inzi mu 1917 wapyanua na Bukolo Bukata bwa Kyalo bwa Uingereza ni Amerika. Bukabika 3: Kutendekela mu miaka ya 1870, Charles T. Russell ni benakue bamanika kuya bali ‘mukenzi.’ Ku ntendeko ya miaka ya 1880, ‘Le phare de la Tour de sion’ yakinkizia bantu bali baisoma kusimikila mpunda iweeme. Bukabika 4: kutendekela mu 1914 ni kutwalilila, kuzombola. Ndao yatengua ni nghano. Bukabika 5: Kutendekela mu 1917 ni kutwalilila, makasa a kyuma ni bulongo amoneka. Bintu binge: Bintu byakitika mu kyalo kutendekela mu 1914 mpaka 1918, Bului bwa Mambo. Bintu byabakumia Bakasininkizia Bakue Yehova: Kabili kutendekela mu 1914 mpaka mu 1918, Basambi ba Bibilia ba mu Uingereza ni mu Ujerumani bakakua. Mu 1918, balupua bemaniine miilo ya Bakasininkizia mu Amerika bakakua.
    Bukabika 1.

    Lileembo Nfy. 11:7; 12:13, 17; 13:1-8, 12

    Bukabika “Kinama kya mu kisonso” tekisyateekele kyalo mu miaka ikilile pa 3000. Mu nsita ya mpela, mutue wakue wa saba wakisiiwa. Kupuako, ozo mutue watuuka ni “kyalo kyonse” kyamukoonka ozo kinama. Sataana wabombia keekio kinama eevi “kukita bului ku basyelepo.”

    Kufikiliziiwa Kisia Kibunda, ma buteeko a bantu ali amuluisia Yehova atendeka. Kisia miaka ikilile pa 3000, musita wa Bului bwa Mambo bwa Kyalo, buteeko bwa Uingereza bwaatopele saana. Bwaatuukile musita lubwaungheene pamo ni Amerika. Sataana ali mukubombia buteeko bwa politike eevi kusaanza bantu bakue Leeza, i nkile mu nsita ya mpela.

  • Bukabika 2.

    Lileembo Dan. 11:25-45

    Bukabika Mu nsita ya mpela, likolo wa ku nkungua ni likolo wa ku nkungulua baluana.

    Kufikiliziiwa Ujerumani waluana ni buteeko bwa Uingereza ni Amerika. Mu 1945 Buumo bwa Sovieti ni bakwasi bakue baaluka likolo wa ku nkungua. Mu 1991, Buumo bwa Sovieti bwapona, kabili kisia musita kampanda Urusi ni bakwasi bakue baaluka likolo wa ku nkungua.

  • Bukabika 3.

    Maleembo Is. 61:1; Mal. 3:1; Luk. 4:18

    Bukabika Yehova watuma “mukenzi” wakue eevi ‘ezule nzila’ ntaanzi ya kutendeka kuteeka kwa Bukolo bwa Kimesia. “Mukenzi” waatendeka “kupunda mpunda iweeme ku bekeefiizie.”

    Kufikiliziiwa Kutendekela mu miaka ya 1870 Charles Taze Russell pamo ni benakue baabombele kwa mute eevi kulondolola bisinka bya Bibilia. Mu 1880, baainikile nangue babombi bakue Leeza bapalile saana kusimikila. Baafumiizie maasi nga evelia “Bakasimika 1000 Bakabiilue,” ni “Babiikilue Mafuta Eevi Basimikile.”

  • Bukabika 4.

    Lileembo Mat. 13:24-30, 36-43

    Bukabika Muluani wamiina ndao mu bukaba bwa nghano, ezio ndao yalekelelua ikulilesie pamo kabili nghano yazeeza mu ndao mpaka musita wa kuzombola ufike; kupuako ndao yafumiiwa mu nghano.

    Kufikiliziiwa Kutendekela mu 1870, Bakristu ba kisinka batendeka kupusaniiwa ni Bakristu ba bufi. Mu nsita ya mpela, Bakristu ba kisinka bakolonghaaniiwa ni kupusaniiwa ni Bakristu ba bufi.

  • Bukabika 5.

    Lileembo Dan. 2:31-33, 41-43

    Bukabika Makasa a kyuma ni bulongo a ku olia mukisi utengeneziiziwe na mabue paleepale a mutengo.

    Kufikiliziiwa Bulongo bupalaniizie bantu bateekelue na Uingereza ni Amerika, baalia bali mukusaanguka ku bobo buteeko bukwateene. Babo bantu bali mukulengia azo ma buteeko andue kubombia buviinde bwabo bonse.

  • Karte 2 pakati ka 4, ilangiliile bukabika bwapapeene mu nsita ya mpela kabili butweme musita wa kutendekela 1919 eevi mpaka mu 1945. Likolo wa ku nkungua wamanika kuya wali Ujerumani mpaka mu 1945. Likolo wa ku nkungulua wamanika kuya wali Buteeko Bukata bwa Kyalo bwa Uingereza ni Amerika. Bukabika 6: Mu 1919, Bakristu babiikilue mafuta babweziiwa kukolonghaniiwa mu kilonghaano. Kutendekela mu 1919 ni kutwalilila, miilo ya kusimikila yakila kuya pa ntaanzi ni kutwalilila. Bukabika 7: Mu 1920, Bunvuano bwa Ntundu bwakitua ni kutwalilila mpaka ku ntendeko ya Bului bwa Bubili bwa Kyalo. Bintu binge: Bukabika 1, kinama kya mu kisonso kili ni mitue saba, kyatwalilila. Bukabika 5, makasa a kyuma ni bulongo, atwalilila. Bintu byakitika mu kyalo kutendekela mu 1939 mpaka mu 1945, Bului bwa Bubili bwa Kyalo. Bintu byabakumia bantu bakue Yehova: Mu Ujerumani kutendekela mu 1933 mpaka mu 1945, Bakasininkizia bakilile pa 11000 bakakua. Mu Uingereza kutendekela mu 1939 mpaka mu 1945, Bakasininkizia mu peepi ni 1600 bakakua. Mu Amerika kutendekela mu 1940 mpaka mu 1944, kikundi kya bantu bali ni kipuki kyababotokela Bakasininkizia mara 2500.
    Bukabika 6.

    Lileembo Mat. 13:30; 24:14, 45; 28:19, 20

    Bukabika “Nghano” yaakolonghaniiwa ni kubiikua ku “butala” kabili “muzia wa kisinka ni wa maano” wasaakulua eevi emanine “babombi ba mu nsesi.” Kusimikilua kwa “mpunda iweeme ya Bukolo” kwasalanghana mu “kyalo kyonse.”

    Kufikiliziiwa Mu 1919 muzia wa kisinka wasaakulua eevi emanine bantu bakue Leeza. Kutendekela pa ozo musita, Basambi ba Bibilia bakila kusimikila. Leenu, Bakasininkizia Bakue Yehova bali mukusimikila mu byalo bikilile pa 200 ni kufumia mpapulo imaniine Bibilia mu ndimi ikilile pa 1000.

  • Bukabika 7.

    Maleembo Dan. 12:11; Nfy. 13:11, 14, 15

    Bukabika Kinama kya mu kisonso kya masengo abili kyaimanina kukitua kwa “mukisi wa kinama kya mu kisonso,” kabili kyabiika “mpumuzi ya bukose mu mukisi.”

    Kufikiliziiwa Buteeko Bukata bwa Kyalo bwa Uingereza ni Amerika bwaimanina miilo ya kutendekezia Kwampana kwa Ntundu. Kooko kuteania kukwasiiziwe na ntundu inge. Kupuako, likolo wa ku nkungua ni weene waiunga mu ezio ntundu, inzi wakitasie evio kutendekela mu 1926 mpaka mu 1933. Bantu bazumina nangue Kwampana kwa Ntundu kuli kuleeta mutende mu kyalo, kintu kipalile kuleetuasie na Bukolo Bwakue Leeza. Kabili bantu bazumiine nangue Buumo bwa Ntundu ni bwene kunti bwakita enka evio.

  • Karte 3 pakati ka 4, ilangiliile bukabika bwapapeene mu nsita ya mpela kabili butweme musita wa kutendekela mu 1945 mpaka mu 1991. Likolo wa ku nkungua wamanika kuya wali Buumo bwa Sovieti ni bakwasi bakue mpaka mu 1991, kabili kisia paapo, Urusi ni bakwasi bakue waaluka likolo wa ku nkungua. Likolo wa ku nkungulua wamanika kuya wali Buteeko Bukata bwa Kyalo bwa Uingereza ni Amerika. Bukabika 8: Kyunsi kili nga bowa kyaleetua na kupuuka kwa bomba ya atoomu, kwalangilila buinooni bwakitua na Buteeko Bukata bwa Kyalo bwa Uingereza ni Amerika. Bukabika 9: Buumo bwa Ntundu bwakitua mu 1945, bwapyana Bunvuano bwa Ntundu. Bintu binge: Bukabika 1, Kinama kya mu kisonso kili ni mitue saba kyatwalilila. Bukabika 5, makasa a kyuma ni bulongo atwalilila. Bukabika 6, mu 1945 bakasimika bakilile pa 156000. Mu 1991, bakasimika 4278,000. Bintu byakumia bantu bakue Yehova: Mu Buumo bwa Sovieti kutendekela mu 1945 mpaka mu miaka ya 1950, maelufu a Bakasininkizia atwelue ku Siberia.
    Bukabika 8.

    Lileembo Dan. 8:23, 24

    Bukabika Likolo amwenekele wasasile waleeta “buinooni mu nzila ya kupapia.”

    Kufikiliziiwa Buteeko Bukata bwa Kyalo bwa Uingereza ni Amerika bwaaleetele buinooni bukata. Kyakumuenako, mu Bului bwa Bubili bwa Kyalo, Amerika waaleetele buinooni bukata businakitikepo musita lwaapoozele ma bomba abili a atoomu ku ntundu yaali yaluisia Uingereza ni Amerika.

  • Bukabika 9.

    Lileembo Dan. 11:31; Nfy. 17:3, 7-11

    Bukabika Kinama “kyakasi” kya masengo likumi kyafuma mu abiso, kabili i likolo wa munaane. Kitabu kya Danieli kili kyamuzimbula ozo likolo kuba “kintu kya nkeni kili kyaleeta buinooni.”

    Kufikiliziiwa Kwampana kwa Ntundu kwainoonua musita wa Bului bwa Bubili bwa Kyalo. Kisia bului, Buumo bwa Ntundu “bwakitua.” Nga vyaakitiilue Kwampana kwa Ntundu, Buumo bwa Ntundu ni bwene bwapeelua bulumba bupalile kupeelua Bukolo Bwakue Leeza. Buumo bwa Ntundu bwakaba kwinoona diini.

  • Karte 4 pakati ka 4, ilangiliiile bukabika bwapapeene mu nsita ya mpela kabili butweme musita wa kutendekela loonu mpaka ku Armagedoni. Likolo wa kunkungua wamanika kuya wali Urusi ni bakwasi bakue. Likolo wa ku nkungulua wamanika kuya wali Buteeko Bukata bwa Kyalo bwa Uingereza ni Amerika. Bukabika 10: Bakateeka ba kyalo bapunda ‘mutende ni kuteekamana.’ Kisia paapo, lyemo likata lyatendeka. Bukabika 11: Ntundu yabotokela ma diini a bufi. Bukabika 12: Ma buteeko a kyalo abotokela bantu bakue Leeza. Bantu babiikilue mafuta basyelepo, bakolonghaniiziwa ku muulu. Bukabika 13: Armagedoni. Olia aselele pa farasi wasue wapulilila bului bwakue bwa kwanzia. Kinama kya mu kisonso kili ni mitue saba kyainoonua; mukisi ukata wavungua ku makasa akue a kyuma ni bulongo. Bintu binge: Bukabika 1, kinama kya mu kisonso kili ni mitue saba, kyatwalilila mpaka ku Armagedoni. Bukabika 5, Makasa a kyuma ni bulongo atwalilila mpaka ku Armagedoni. Bukabika 6, loonu bakasimika bakilile pa 8,580,000. Bintu bili byakumia bantu bakue Yehova: Mu 2017, bakulu ba mu buteeko bwa Urusi babakaka Bakasininkizia ni kupoka bikuulua bya musambo.
    Bukabika 10 ni 11.

    Maleembo 1 Bat. 5:3; Nfy. 17:16

    Bukabika Ntundu yapuunda “mutende ni kuteekamana” kabili “masengo likumi” ni “kinama kya mu kisonso” bamubotokela “mukambue” ni kumwinoona. Kupuako, ntundu yainoonua.

    Kufikiliziiwa Ntundu yakalanda nangue yaleeta mutende ni kuteekamana. Kisia, ntundu ikwasiizie Buumo bwa Ntundu yainoona kuteania kwa ma diini a bufi. Ezio i ntendeko ya lyemo likata. Leelio lyemo lyakapua musita wakenoonua kyalo kyakue Sataana ku Armagedoni.

  • bukabika 12.

    Maleembo Ezek. 38:11, 14-17; Mat. 24:31

    Bukabika Gogu wasaukila kyalo kya bantu bakue Leeza. Kupuako, bamalaika babakolonghania baalia “basaakuilue.”

    Kufikiliziiwa Likolo wa ku nkungua, pamo ni ma buteeko ange bakabotokela bantu bakue Leeza. Musita kampanda kisia kutendeka kwa kooko kubotokela, babiikilue mafuta basyelepo bakolonghaniiwa ku muulu.

  • Bukabika 13.

    Maleembo Ezek. 38:18-23; Dan. 2:34, 35, 44, 45; Nfy. 6:2; 16:14, 16; 17:14; 19:20

    Bukabika “Olia aselele” pa “farasi wasue” wapuilila bului bwakue bwa “kwanzia” kupitila kumwinoona Gogu ni balukale bakue. “Kinama kya mu kisonso” kyene “kyapoozua mu lyezi lya mulilo” ni olia mukisi ukata wavuungua.

    Kufikiliziiwa Yesu, Likolo wa Bukolo Bwakue Leeza, waiza kupususia bantu bakue Leeza. Yesu pamo ni bantu 144000 ni bamalaika, bakaba kwinoona ntundu yonse ili mukuluisia bantu bakue Leeza. Ezio i yakaba mpela ya kyalo kyakue Sataana.

    Mpapulo ya Kitaabua (2013-2025)
    Kwidekonekte
    Kwikonekte
    • Taabwa
    • Shiriki
    • Bitonekele saana
    • Copyright © 2025 Watch Tower Bible and Tract Society of Pennsylvania
    • Malaizio palua kubombia
    • Nzila ya kufiika
    • Mpangilio wa Faragha
    • JW.ORG
    • Kwikonekte
    Shiriki