We nakí echi Onorúami alí echi pagótami, ¿chúriká mi isima?

Jipi ko echi japi testigo Jeobá ju ma ke echi riká nulewi japi riká nulali Moisés. We nalí jipi ko a nijewi japi Onorúami nulali: japi ta we nakiboa echi Onorúami alí pagótami si. Echi riká bi a nakí Onorúami japi ta nokiboa (Mt 22:37-39). Tasi ta wélitami ju japi ta nakíami nipo jarecho pagótami. Jenaʼí mi machimea japi mi chúriká simá aníami nima jarecho yúa. ¿Chúriká? Sinibí rawé leérika echi Biblia. Nátaka japi ta leeri, ata echi riká nokisaka ata machiboa chúriká nata Jeobá echi riká ti machí japi we nakíami ju (Sl 27:4). ¿Chu riwélimalé ata echi riká nokisaka? Ata nakiboa Jeobá ayénachó nátami nibo japi riká echi nata. Ata nijéwipo japi Jeobá nulá ayénachó ti kalepo echi pagótami (Jn 13:34, 35; 1Jn 5:3). Jenaʼí inepa bikiá namuti japi chúriká ta binepa echi Biblia jiti ta we kanilia leéripa.

• Ata natásaré japi riká ko ti si echoná muchuwa. Japalí mi leeri echi Biblia, natá japi riká ko mi echoná si atiká, ¿piri mi iné? ¿Piri mi ipúa atí? ¿Piri ka jukia wilí echomí ayé? ¿Chu nilia pireli echoná piréami?

  

• Chúriká mi leérima echi Biblia. Weli mi leérima japalí mi leeria atí. Japalí mi leeria, ayénachó mi ipuma echi Biblia anérika audio. Ayénachó mi aama echoná Bíbliachi jepi we aʼlá nijéwami nili Jeobá alí jepi ke echi riká nokali. Mujé leeri japi riká mi kanílisa nili leeria echi Biblia. A nirú folleto japi mi binema sección 4 (A, B, C, D, E, F, G  alí H) ayénachó sección 16 (A alí B) Guía para el estudio de la Palabra de Dios ami machimea japi isili Jesús. Texto diario echoná chuku bilé texto; suwaba leeri echi capítulo. Japalí mi leeri bilé libro japi Biblia uchuwi leeri jepi ka bachá osala alí jepi ko upami osali, ineka echi Tabla de los libros la Biblia.

  

• Japi mi isima jiti mi che machimea echi Biblia. Japalí mi wiká capítulos leérisa tasi mi moʼama jiti mi sapú leérili. Sinibí rawé leeri jaré bi capítulo jiti mi machimea piri raʼicha echoná, jiti mi aʼlá binema japi mi leérili. Ayénachó mapas uchúwami ju echi Biblia, achó nirú referencias marginales. Ami che binema echi texto japi mi ke aʼlá moʼali. Japi mi leérili nata piri mi bineli leérisa echi Biblia.