Anáchika buwepo

¿Chu kabú jona mi ma nakí japi nulama echi silíami japi Onorúami wilali? ¿Ata bijí anacha piré risoa nilia? (Ro 8:25). Jaré hermanos ko we kichíliwa, risoa oliwá, ayénachó cárcel moʼóliwa tákoré jéaniliwi japi suwimea echoná. Jaré ko oʼla nawilí japi ke ku sawiwami ju o ma ochérami nilisimi.

¿Piri si nokiboa jiti anachabo tákoré ti risoa nili ba? Jiti wichíwipo japi ma mulipi ke risoa nilia pirélipo, sinibí leéripo echi Biblia alí leérika natabo japi chu nílima ma kanilia piréliwa ke risoa nilia (2Co 4:16-18; Heb 12:2). Ayénachó Jeobá tani espíritu santo jiti mi omérima anachia, jiti mi ku iʼwera nílima (Lu 11:10, 13; Heb 5:7). Jeobá kanílika mi iʼwiri jiti mi omérima anachia (Col 1:11).

INEPO ECHI JÉANÍAMI VIDEO AMINABI A MAKÁ, KE RISII: ATA NATÁSARÉ KO APU TA A NIYÚBIPO, ANÍ JAPI MI NÁRIPORÉ JENAʼÍ:

• 

  ¿Chúsiá ti cha ikí isini kaachi? (Ec 9:11).

• 

  ¿Chúsiá a ku kanili Jeobá yúa raʼichasa japi nayúami ju?

• 

  Ma ke omériaká nóchilia Jeobá japi riká chabé, ¿chúsiá we natéami ju japi ta nalí inepa japi ta a omero nokayá jipi?

• 

  ¿Piri mi iʼwírima jiti mi minabi bichíwima Jeobá jiti mi niyuma?