CHUTI RIKÁ NOKIBOA JAPI RIKÁ CRISTO
Jeobá tamó iʼwiri anachia echi karú ikiwáami
Jipi kuwachimi rawé, sinéami tamujé ikí namuti we jilírami. Alí isini kaachi, ati níliré japi ta ma ke omeri anachia. Nalí, aminabi ti tánisaká Jeobá japi tamujé iʼwírima, ati anachabo echi namuti japi wabé jilírami ju (Is 43:2, 4). Mujé ami ikiyáaká namuti jilírami, ¿piri mi iʼwírima aminabi muliwia Jeobá?
Raʼichia Jeobá yúa. Ati ruyésaká Jeobá suwaba japi ta ikí, echi ko tamujé iʼwírima kilí nilia, anachia alí tamo iʼwérili iyama (Flp 4:6, 7; 1Te 5:17).
Echi napawíliwami. Jipi ko aminabi ta newalé binea Jeobá jitra, alí ayénachó anakupi iʼwérili iʼayá echoná napawíliwachi (Heb 10:24, 25). Japalí ti we aʼlá biné, japalí ti simí echoná napawíliwachi alí ti nijí comentarios, ati riwé japi echi espíritu santo tamujé iʼwírima (Ap 2:29).
Japalí ti nawisasia simía. Ati sinibí iʼwérili nokisáaká simiyá nawisasia, echi tamó iʼwírima natia echi namuti aʼláala bi. Alí japalí ti simí nawisasia ati aminabi we aʼlá amigos nipo Jeobá yúa alí echi hermanos (1Co 3:5-10).
INEPO ECHI VIDEO JEOBÁ MI TIBUMA, ALÍ ANISÍ JAPI TI MI NÁRIPORÉ JENAʼÍ:
¿Piri iʼwírili Malu jiti ke riwema Jeobá?
¿Chúriká tamó iʼwiri Salmo 34:18 japi riká iʼwírili Malu?
Japalí ti ikí namuti jilírami, ¿chúriká newaré japi ikili Malu japi Jeobá sinibí tamujé iʼwiri? (2Co 4:7).